Jeremiya 13:13 - La Bible en Otetela (Bible K'Ekila) 1991

¹³ Kuwateli wati: Latuyalaka kata ati: Dimi layundjuya asi kete nye tshe wanu: khumi ya dikanga yudiashi lu kiti ka Davidi, elombedi, amvutshi, ndu asi Jerusalema tshe.

Jeremiya 13:13 Iomraidhean Croise

Esambu 60:3

We ambenya wudja aye akambu a wulu, Ambutonosha wanu wa wulu wambutudjuya.

Esambu 75:8

Latuyalaka atukimelaka dikoho dia wanu wa kele kandi, Atangulaka wanu wa losohanya. Dieli lʼantu wa kolo tshe wa la kete mbahiha la mbano, ndu ditshi diawo tshe.

Isaya 29:9

Nyukashimo, nyuhukusani, Nyudihe ashu, nyuyali tutshungu! Nyudjo, keli aha la wanu; Nyusukosuko, keli aha la dinono dia wulu.

Isaya 49:26

Dimi layuleshaka wane watukusuyaka emunyi awo hita. Ndu vo wayono dikila diawo hita, Wayudidjo uku wanu wʼuyuyu. Ku antu tshe wayeta vati: Dimi keli Latuyalaka, Ushimbedi aye, Utshungudi aye, Kanga Wulu la Jakoba.

Isaya 51:17

We Jerusalema, eto, eto, uneli! We akano dikoho dia kele ka Latuyalakaa Uma lu lunya landi. We akano dikoho dia yimba ntshimba tshe ndu ditshi.

Isaya 51:21

Okone ulungi, we omenyi fono, latudjoka aha la wanu.

Isaya 63:6

Dimi lakahotshahotsha antu lu kele kami, Lakadjuya lʼududu ami. Dimi lakatshula dikila diawo lu kete.

Jeremiya 13:12

Okone kuwateli diui ne wati: Latuyalaka, Unyashungu wa Isariyele, kata ati: Mbaka tshe yayulula la wanu. Ku vo wayukumbula vati: Undi, shu hateyi shati: Mbaka tshe yayulula la wanu?

Jeremiya 25:27

Kutuwateli wati: Latuyalaka, Unyashungu wa Isariyele, Kanga lulimbilimbi kata ati; Nyono, nyudjo, nyutundja fulu, nyoko aha mbeto, ne dia yombo yayu mutuma lʼatei anyu.

Jeremiya 25:29

Kakiane dimi lambutatela ulimu wʼelanyelu lʼusumba watuwetaka lukumbu lami, ku nyu hanyusuwi nduku yema? Nyu hanyuhanda ne dia dimi layunyetela yombo uma le wa la kete tshe, mbata Latuyalaka Kanga lulimbilimbi.

Jeremiya 51:57

Dimi layudjuya ewandji awo la akanga a yimba awo, Ambuledi awo, elombodi awo wʼalimbi La andoshi awo wa ta wanu. Ku vo wayulala djo ya pundju, hawuyemo ntu, Mbata Khumʼekanga, lukanga lukumbu leli Latuyalaka Kanga lulimbilimbi.

Jeremiya 51:7

Babilona aki uku dikoho oia paunyi Lu lunya la Latuyalaka, Diakandjuya kete tshe. Wedja wakano wanu awo, Diako mbakawayala la yimba ntshimba.

Habakuka 2:16

We ambulula too la sonyi, aha la lutumbu; Ono ndu we, usukosuko! Dikoho dia lunya la pami la Latuyalaka diayukuma le ye. Sonyi ka wononyi kayuyala ladiku dia lutumbu laye.