Jeremiya 13:10 - La Bible en Otetela (Bible K'Ekila) 1991

¹⁰ Wudja one wa kolo, watutunaka aui ami, watekamaka saki yʼetema awo, watuyelaka ditemolatemola dia ditemola la dikhusela adui. Vo wayuyala uku uya one wambuyala anyanya.

Jeremiya 13:10 Iomraidhean Croise

Esambu 78:8

Tawuyalaki uku washewo. Lolonga lʼehedia la etema a wulu, Lolonga laki kundjala la etema wʼusimbwi, La nyumu yekami le Unyashungu.

Undaki 11:9

Olongo a pami li, ongenangenaki lu nshi yaye yʼolongolongo. Utema aye akongenyangenyaki lu nshi yaye yʼolongolongo. Okendakendaki lu saki yʼutema aye ndu lu nangu ya ashu aye. Keli eyi wati: Lu akambu ane tshe, Unyashungu ayuketa lu elumbwelu.

Isaya 3:24

Lu dihuli dia malashi, ayuyala ehondelo; Lu dihuli diʼuya, okodi; Lu dihuli diʼaputu, diwandji; Lu dihuli diʼahondo wʼamena, elotelo kʼakutu; La lu dihuli dia dimena, sonyi.

Jeremiya 11:10

Vo wakakadimo utsha lu kolo ya washewo wa ntundu, wakatunaka aui ami. Vo wambuyela ditemolatemola dia ditemola. Khumbu ka Isariyele ndu ka Juda wakalanya sheki yami, yakamadji la washewo.

Jeremiya 11:18

We Latuyalaka akanimbitshiya sheki yawo, ku lakayimani fundu. We akamenya sangweyu diawo dia kolo.

Jeremiya 13:7

Dimi lakatshu utsha la Eyufarate, lakatutshima, ku lakose uya uma lu dihuli diakamawushe. Menyi ku, vo wambulana, wambuyala anyanya.

Jeremiya 16:12

Keli nyu nyakatshi kolo ndeka washenyu, ne dia nyu tshe untu lʼuntu akayelaka saki kʼutema andi a kolo. Nyu kumbukelami.

Jeremiya 16:4

Vo wayuvo la elandu a wulu, hawuwalela kuyanga mbakhunde. Vo wayuyala uku tumi ladiku dia kete. Vo wayudiakema la tombo la ndjala ka kasha. Edu awo wayuyala ma dia fudu ya lʼulungu la dia nyama ya la kete.

Jeremiya 20:4

Latuyalaka kata okone ati: Ulungi, dimi layukutsha woma wa mamba, we la engenyi aye tshe. Vo wayudiakema la tombo tʼatunyi awo. We ayena dikambu diako la ashu aye. Dimi layukimo Juda tshe lu anya wa khumʼekanga ka Babilona. Ndi ayatola lu fumbi utsha la Babilona, ayutadiaka la yombo.

Jeremiya 22:21

Dimi lakateketaka la ye lamʼakiye lʼongonyi, Keli we akataka wati: Dimi halungi. Osoku mbakayatshaka umaka nshi yaye ya dikenda. We kunkitanyiaka diui diami.

Jeremiya 23:17

Vo watutelaka waku watutunaka vati: Latuyalaka kata ati: Nyu nyayuyala la ki. Vo watutelaka waku tshe watuyelaka saki yʼetema awo vati: Nduku kolo kayukuma le nyu.

Jeremiya 3:17

Lu etena keso, wayeta Jerusalema vati: Kiti ka diulelu ka Latuyalaka. Wedja tshe wayusangana la Jerusalema lu lukumbu la Latuyalaka. Vo hawuyela saki yʼetema awo wa kolo.

Jeremiya 35:15

Ndu dimi lakanyutumelaka ekambi ami amvutshi umaka pindju, dia nyutela vati: Nyukaluli kakiane untu lʼuntu uma lu mbuka kandi ka kolo, nyolongosole akambu anyu, tanyuyelaki ditemolatemola dia ditemola, ku nyu nyayudjase lu kete yakamanyusha, nyu la washenyu. Keli nyu kumpuke atui, kumbukelami.

Jeremiya 44:16

Lu dikambu diʼaui wakayatutedi lu lukumbu la Latuyalaka, shu hatukukitanyia nduku yema.

Jeremiya 44:5

Keli vo kununga kuyanga mpuke atui. Vo kunkadimo uma lu kolo kawo, kunkimo ntshumbela ditemolatemola malashi.

Jeremiya 5:23

Keli wudja one weko la etema wulu la uhindudi; Vo wakantombokwela, wakatshu.

Jeremiya 7:13

Nyulungi, lamʼakanyatshi akambu ane tshe, dimi lakakolamelaka nteketa la nyu, keli nyu kumbukelami. Dimi lakanyetaka, keli nyu kumbetawo, mbata Latuyalaka.

Jeremiya 7:6

naka nyu hanyengiya ongendangenda, ona etshiki, wadi aki udu; naka nyu hanyutshulula dikila diʼuntu laha la unungu lu dihuli ne, ndu naka nyu hanyuyeli dite-molatemola dia ndjatungela elanyelu,

Jeremiya 8:5

Ku dikambu kuna diatokolamelaka wudja one nkalula ekongokongo? Vo watushikikalaka lu lukesu, hawetawo nkalula.

Jeremiya 9:13

Latuyalaka kata ati: Vo wakaseke elembe ami, wakamakitsha la ntundu kawo. Vo kumbetawo aui ami kuyanga nkendakenda loko.

Jeremiya 9:14

Keli vo wakayelaka saki yʼetema awo, ndu wakayelaka Wa-Bala uku akawaetshaka washewo.

Jeremiya 9:6

Edjaselu kaye keko lʼatei a lukesu. Uma lu lukesu lawo, mbatuwutunaka mbeyami, mbata Latuyalaka.

Walelu 14:11

Ku Latuyalaka akambula Mose ati: Edja ndu kaandi ayukimo wudja one monyolami? Etena kakona kayuwumbetawo, kuyanga aha uma lu tulimbitelu ta mamba tone, takamatshi lʼatei awo?

Etsha wa Atumami 7:51

Nyu akanga wʼete wulu, nyeli la etema la atui wuhedia. Nyu nyatutunaka Nyuma kʼOlolo nshi tshe. Nyatutshaka uku akatshaka watshenyu.

Heberu 12:25

Nyendi, tanyutunaki one lanyutela akambu ako. Naka vo kumpanda lamʼakawatuni one lakawaewula la kete, dikambu diuleki diayutushimba mpanda naka tayonyola one latewula uma lʼulungu.