Jeremiya 12:16 - La Bible en Otetela (Bible K'Ekila) 1991

¹⁶ Naka wedja ene wayokolamela mbekela ditshelu dia wudja ami, dia ntshiba lu lukumbu lami vati: Uku eli Latuyalaka la lumu! Uku akawetsha wudja ami dia ntshibela Bala, ku vo wayongona lʼatei a wudja ami.

Jeremiya 12:16 Iomraidhean Croise

Limbu la Solomona 1:8

We luleki amantu dimena, naka we heyi, Uyeli wanya wa dungalunga. Utulesha anʼaye wa mbudi Lasuki la mvudu yʼalami wʼekoko.

Isaya 2:3

Wedja efula wayunelaka, wayutaka vati: Nyuyi tumbeli lu ukungu wa Latuyalaka, Utsha la luudu la Unyashungu a Jakoba. Ndi ayututetsha akambu andi. Ku shu tayokendakendaka lu mbuka kandi, Ne dia olembe ayutumba uma la Siona, La diui dia Latuyalaka uma la Jerusalema.

Isaya 42:6

Dimi Latuyalaka, lakaketi la esangweyu ka shikaa. Dimi layukukimela lu lunya, layukulama, layukete daka le wudja ami, la usasi lu wedia,

Isaya 45:23

Dimi lambuyatshiba la diui dia shikaa uma lʼunyo ami, Diaheyi nkalula ukalulakalula nti: Adui tshe ayunkhusamela, La nimi tshe yayutshiba dia mbekama le mi.

Isaya 49:6

Kakiane ndi ambuta ati: Eko dikambu dia tshitshe dia we ndjala ukambi ami, Dia mbulula wedja wa Jakoba, La dia nkaluya atshikadi wa Isariyele. Kakiane dimi lambukete usasi le asi wedja, Dia we nkumia panda kami lu kuma ya la kete.

Isaya 65:16

One latulangaka ntshokwama lu kete, Ayulanga ntshokwama paka le Unyashungu a mete, La one latutshibaka lu kete, Ayutshibaka paka le Unyashungu a mete, Ne dia asui wa ntundu wambuhamamela, wambumo lu ashu ami.

Jeremiya 16:19

We Latuyalaka keli wulu ami, lungeli lami, Eshamelu kami lu nshi ya pa! Wedja wayuya le ye uma la kuma ya la kete. Vo wayuta vati: Washesu wakakiti paka kashi, Ditemolatemola diʼanyanya, diahawasha waho.

Jeremiya 18:8

naka wudja ako wakamataka aui wayukadimo uma lu kolo yawo, dimi layolemba utema dia kolo kakamasanguya mbatshela.

Jeremiya 3:17

Lu etena keso, wayeta Jerusalema vati: Kiti ka diulelu ka Latuyalaka. Wedja tshe wayusangana la Jerusalema lu lukumbu la Latuyalaka. Vo hawuyela saki yʼetema awo wa kolo.

Jeremiya 4:2

Naka nyu nyayutshiba nyati: Uku eli Latuyalaka la lumu! Lu mete, lu sambu kʼololo, ndu lu ololo, Ku wedja wayotshokwama le ndi. Lu dikambu diandi, kayuyala lutumbu lawo.

Jeremiya 5:2

Kuyanga vo watutshibaka vati: Uku eli Latuyalaka la lumu! Mete, anyanya mbatuwutshibaka.

Jeremiya 5:7

Ukundi eyami nkudimanyia? Anʼaye wakanseke, wakatshibela ditemolatemola. Lamʼakamaksha, vo wakaluti, wakayakimo lu akambu wa luseka, Wakamote elui lu mvudu yʼamantu akanga a munanyi.

Jeremiya 6:16

Latuyalaka kata okone ati: Nyemali lu mbuka, nyendi, Nyumbuli mbuka yʼedjedja lenʼeli mbuka kʼololo. Nyokendekende loko, ku nyu nyayutana ki lu etema anyu. Keli vo wakakaluya diui vati: Shu hatokendakenda loko.

Zefaniya 1:5

Ee, layushila waku watotemolaka Ului wa diango dia lʼulungu lʼete wa mvudu, Waku watotemolaka, watutshibaka le Latuyalaka, Ndu watutshibaka Milikome,

Zekariya 1:6

Undi, aui ami la adjangu ami wakamatelaka ekambi ami amvutshi, kunkumaka le washenyu? Vo wakakadimo, wakati ati: Uku akakani Latuyalaka Kanga lulimbilimbi dia ntutshela uku mbuka yasu, la uku etsha asu, wunu ako mbakandatutshela.

Zekariya 2:11

Wedja efula wayumamema, dimi Latuyalaka, lushi lako. Vo wayuyala wudja ami. Dimi layudjase lʼatei aye, ku we ayeya wati: Latuyalaka Kanga lulimbilimbi kakantumi le ye.

Romo 11:17

Naka tahi motshi yʼutamba ako yambuhimbwama, la we eko tshamba yʼuweli yambosongama lʼutamba lu dihuli dia tahi yako, dia we ndeshama uma lʼediu ndu uma lu iso kʼuweli,

Romo 14:11

Ne dia akafundama ati: Khumadiondjo kata ati: Uku wemi la lumu! Adui tshe wayunkhusamela; Nimi tshe yayandula Unyashungu.

1 Koreto 3:9

Ne dia shu teko ekambi kame la Unyashungu, nyu nyeko ekambo ka Unyashungu, la luudu la Unyashungu.

Jashua 23:7

Tanyosohanaki la wedja ene wambutshikala lʼatei anyu. Tanyudimulaki kumbu ya ditemolatemola diawo, kuyanga ditshiba. Tanyuditemolaki, tanyudikhusamelaki.

Ruta 3:13

Etami lane elo. Lui, naka ndi ayulanga nkitana la ye, kawo ndi kakose. Keli naka ndi hulanga nkitana la ye, Latuyalaka keli omenyi! dimi layukosa. Etami lane edja ndu pindju.