Jeremiya 11:7 - La Bible en Otetela (Bible K'Ekila) 1991

⁷ Dimi lakewulaka washenyu lʼutema otoi, umaka lushi lukamatundja uma lu kete ya Edjibitu edja ndu elo. Dimi lakawaewulaka pindju tshe nti: Nyukitanyia aui ami:

Jeremiya 11:7 Iomraidhean Croise

2 Khumi ya Dikanga 17:13

Latuyalaka akatela Isariyele la Judalʼunyo wʼumvutshi tshe ndu lʼunyo wʼomenyi tshe wʼakambu wahatayi ati: Nyukadimo uma lu mbuka yanyu ya kolo, nyukitanyia elembe ami la adjangu ami, uku elembe tshe wakamadjela washenyu, ndu wakamanyutumela le ekambi ami amvutshi.

2 Ekondo 36:15

Latuyalaka, Unyashungu a washewo, al atumelaka aui wa mbaewula esadi le atumami andi, ne dia ndi akalangaka mpandja wudja andi la edjaselu kandi hita.

Etumbelu 15:26

Ndi akawatela ati: Naka nyu nyayulungaka diui dia Latuyalaka, Unyashungu anyu, naka nyayutshaka akambu wʼololo lu ashu andi, naka nyayuhukeka atui lu elembe andi, ndu naka nyayukitanyiaka adjangu andi, dimi halunyutumela asui wakamatumela asi Edjibitu; ne dia dimi keli Latuyalaka, latunyokonoyaka.

Jeremiya 11:4

Sheka yakamadiela washenyu, lu lushi lakamatundja uma lu kete ya Edjibitu uma lu khuka ka mbulu, nti: Nyuhukami aui ami, nyutshi akambu tshe wanyutelami, ku nyu nyayuyala wudja ami, la dimi layuyala Unyashungu anyu;

Jeremiya 25:3

Lʼatei wa deku akumi ahendi la satu ne, umaka eleku ka dikumi lʼasatu ka diulelu dia Josiya, onʼa Amona, khumʼekanga ka Juda, edja ndu kakiane, diui dia Latuyalaka diatuyakaka le mi. Dimi latunyutelakadio umaka pindju, keli nyu kumbuka.

Jeremiya 25:4

Keli nyu kumbuka kana mpuke atui dia nunga aui wa Latuyalaka, kuyanga ndi akanyutumelaka amvutshi andi umaka pindju wata vati:

Jeremiya 31:32

Aha uku sheki yakamadji la washewo lu lushi lakamakimela lʼanya dia mbatundja uma lu kete ya Edjibitu. Vo wakalanya sheki yami ku, kuyanga dimi laki uku umewo, mbata Latuyalaka.

Jeremiya 32:23

Vo wakoto loko, wakayikiti. Keli vo kunkitanyia diui diaye, kuyanga nkendakenda lu elembe aye. Vo kuntsha nduku dikambu diakayawadjangela dia vo ntsha, diako mbakayatumela elanyelu kene tshe.

Jeremiya 34:14

Lu ekumelu ka deku samalu, nyu tshe untu lʼuntu kakimo onangu, usi Heberu, lakayasundja le ndi, ndu lakukambelaka ulimu deku samalu. Dieli la untu ako dia mbukimo uma lʼulimu andi. Keli washenyu kununga aui ami kuyanga mpuke atui.

Jeremiya 35:14

Ana wa Rekabe watulamaka aui wakawadjangela Jonadaba, onʼa Rekabe ati: Tanyonokaki wanu. Vo hawutonoka wanu edja ndu elo, ne dia vo watukitanyiaka olembe wa shewo. Dimi lakateketaka la nyu nshi tshe umaka pindju, keli nyu kumbukelami.

Jeremiya 35:15

Ndu dimi lakanyutumelaka ekambi ami amvutshi umaka pindju, dia nyutela vati: Nyukaluli kakiane untu lʼuntu uma lu mbuka kandi ka kolo, nyolongosole akambu anyu, tanyuyelaki ditemolatemola dia ditemola, ku nyu nyayudjase lu kete yakamanyusha, nyu la washenyu. Keli nyu kumpuke atui, kumbukelami.

Jeremiya 7:13

Nyulungi, lamʼakanyatshi akambu ane tshe, dimi lakakolamelaka nteketa la nyu, keli nyu kumbukelami. Dimi lakanyetaka, keli nyu kumbetawo, mbata Latuyalaka.

Hosea 4:1

Nyulungi diui dia Latuyalaka, nyu asi Isariyele! Latuyalaka eko la wane wudjashi lu kete dikambu, Ne dia nduku kolamelu kuyanga ololo, Nduku ewu ka Unyashungu lu kete.

Hosea 5:1

Nvu elombodi, nyulungi dikambu ne! Nyu khumbu ka Isariyele, nyuhukami! Nyu wa lu luudu la khumʼekanga, nyuhuke tui! Elumbwelu kene kambuya le nyu, Ne dia nyu nyaki utamba a ntakanya la Mizipa, la otei wambemi la Tabora.

Zekariya 1:4

Tanyuyalaki uku aki washenyu, wako waki amvutshi wa ntundu lu mbatela vati: Latuyalaka Kanga lulimbilimbi kata ati: Nyukaluli kakiane uma lu mbuka yanyu ya kolo, ndu uma lʼetsha anyu wa kolo. Keli vo kununga kuyanga mbukelami, mbata Latuyalaka.

Efeso 4:17

Dimi lambuta diui ne okone, ndu lambunyenya le Khumadiondjo nti: lanyutshaki ntu uku atutshaka asi wedja, lu tunginyanginya ta tumba tawo.

Euhwelu kʼElembe 12:32

Kanyulamaki la kanyutshaki akambu tshe wamumunyutela ololo. Tanyaheki nduku diui, ndu tanyahulaki.

Euhwelu kʼElembe 30:20

lu mbuka Latuyalaka, Unyashungu anyu, ngandji, lu nkitanyia diui diandi ndu lu mbumamema. Ne dia uma lu dikambu ne, mbayunyukundja lumu la lulumbi, mbayunyeya ntudjase lu kete yakatshibe Latuyalaka dia mbisha washenyu, Abarahama, Isaka la Jakoba.

Euhwelu kʼElembe 4:6

Kanyalamaki ndu kanyakitanyiaki, ne dia vo mbayuyala yimba yanyu, la ewu kanyu lu ashu a wedja lamʼayuwuka elembe ene tshe. Vo wayuta vati: Wudja one a wuki weli wudja wʼakanga a tumba la ewu mete, mete.

Euhwelu kʼElembe 5:29

Utunduyala vo wayalaki la etema ene etu, wa vo mbukakami woma la nkutanyiaka elembe ami tshe, dia vo ndjala la ongenongeno pundju ndu vo ndu anʼawo li!

Euhwelu kʼElembe 6:2

dia nyu mbuka Latuyalaka, Unyashungu anyu woma, la namaka am andi la elembe andi tshe wamumunyudjangela, nyu la an anyu la ekana anyu nshi tshe ya lumu lanyu; ndu dia nshi yanyu ndjala efula.

Euhwelu kʼElembe 8:6

Okone nyu nyayulamaka elembe wa Latuyalaka, Unyashungu anyu, lu nkendakenda lu mbuka yandi ndu lu mbuka woma.

2 Tesalonika 3:12

Kakiane, shu tambosengasenga antu wa wuhu oso, ndu tambasengasenga le Khumadiondjo Jesu Kristu, dia vo nkamba ulimu la ki, ndu dia ndjayangela ma diawo.

1 Samuele 8:9

Kakiane, etawo diui diawo. Keli utawaewudi, la uwalimbitshiya akambu wayutshaka khumʼekanga kayuwaulela.