Jeremiya 11:4 - La Bible en Otetela (Bible K'Ekila) 1991

⁴ Sheka yakamadiela washenyu, lu lushi lakamatundja uma lu kete ya Edjibitu uma lu khuka ka mbulu, nti: Nyuhukami aui ami, nyutshi akambu tshe wanyutelami, ku nyu nyayuyala wudja ami, la dimi layuyala Unyashungu anyu;

Jeremiya 11:4 Iomraidhean Croise

Etatelu 17:8

Kete yudjashiye ongendangenda mbayumunyusha, we la tukanula taye ta nonga la nonga. Kete tshe yʼasi Kanana yayuyala yanyu, we la tukanula taye pundju, Osoku dimi layuyalaka Unyashungu awo pundju.

1 Khumi ya Dikanga 8:51

(ne dia wudja aye ndu ukito aye wakayatundja uma lʼEdjibitu, uma lʼatei a kuka ka dja ka mbulu mbewo).

2 Khumi ya Dikanga 18:6

Ndi akamamema le Latuyalaka, kunkimo mbuyela, ndu akalamaka elembe wakadjela Latuyalaka Mose.

Etumbelu 20:6

Keli dimi latenyaka wane watumbukaka ngandji ndu watulamaka elembe ami ngandji ka shikaa, edja ndu nonga nunu la nunu.

Isaya 30:6

Enelo lu dikambu dia nyama ya la Nengebe. Vo wataheka ekundji awo ladiku dia punda, La diango diawo diʼushinga a wulu ladiku dia kamelo. Vo watetaka lu kete yʼohenyohenyo la yʼukiyanu, Lene atetaka tambwe ka wadi la kʼumi, Dikhuha la kunga katulimboka. Watutshokaka utsha lu wudja waheyi mbakimanyia.

Isaya 48:10

Dimi lakakutshulula, aha uku atuwutshululaka fesa, Keli lakedika lu khuka kʼasui.

Jeremiya 11:7

Dimi lakewulaka washenyu lʼutema otoi, umaka lushi lukamatundja uma lu kete ya Edjibitu edja ndu elo. Dimi lakawaewulaka pindju tshe nti: Nyukitanyia aui ami:

Jeremiya 24:7

Dimi layuwasha utema dia vo nimbitela vati: Dimi keli Latuyalaka. Vo wayuyala wudja ami, la dimi layuyala Unyashungu awo, ne dia vo wayukalula le mi lʼutema otoi.

Jeremiya 26:13

Okone nyolongosole mbuka yanyu la etsha anyu kakiane, nyukitanyia diui dia Latuyalaka, Unyashungu anyu. Ku ndi ayolemba utema lu elanyelu kakandati lu dikambu dianyu.

Jeremiya 30:22

Nyu nyayuyala wudja ami, la dimi layuyala Unyashungu anyu.

Jeremiya 32:28

Diako mbata Latuyalaka ati: Enda, dimi lutsha nkimo usumba one lu anya wʼasi Kaladiya, ndu lʼanya wa Nebukadineza, khumʼekanga ka Babilona, ku ndi ayuwosa.

Jeremiya 38:20

Keli Jeremiya akûkaluya diui ati: Vo hawukukimo. Dimi lambukosengasenga nti: Etawo diui dia Latuyalaka diukutedimi, mbayuyuhumo lukulu lʼolo, ndu mbayuyuka.

Ezekiyele 11:20

dia vo mbeya ndjela elembe ami la nama adjangu ami la mbatsha. Ku vo wayuyala wudja ami, la dimi layuyala Unyashungu awo.

Ezekiyele 14:11

ne dia khumbu ka Isariyele watukangana ntu uma le mi, kuyanga ndjalanya la kolo yawo tshe. Ku vo wayuyala wudja ami, la dimi ndjala Unyashungu awo, mbata Khumadiondjo Latuyalaka.

Ezekiyele 36:28

Nyu nyayudjase lu kete yakamasha watshenyu. Nyu nyayuyala wudja ami, dimi layuyala Unyashungu anyu.

Ezekiyele 37:23

Vo hawuyusana ntu la dikishi diawo, la akambu awo wa wononyi, kuyanga la ehedia awo. Keli dimi Uyatundja uma lʼahuli tshe wakawadjashi, lene akawatshaka akambu wa kolo. Dimi layuwaedia, ku vo wayuyala wudja ami, la dimi layuyala Unyashungu awo.

Ezekiyele 37:27

Edjaselu kami kayuyala lʼatei awo. Vo wayuyala wudia ami, la dimi layuyala Unyashungu awo.

Danyele 3:26

Ku Nebukadineza akasukana lʼunyo wa khuka ka dja, akati ati: Shadaraka, Meshake, la Abede-Nengo, ekambi wa Unyashungu KhumʼUlungu, nyutumbi, nyuyi lane! Ku Shadaraka, Meshake la Abede-Nengo wakatumbi uma lʼatei wa dja.

Akambu wʼAsi Lewi 26:12

Dimi layokendakendaka lʼatei anyu. Layuyala Unyashungu anyu, la nyu nyayuyala wudja ami.

Akambu wʼAsi Lewi 26:3

Naka nyu nyayokendakendaka lu elembe ami, nyayuyelaka adjangu ami ndu nyayatshaka,

Zekariya 13:9

Dimi layudja etenyi otoi ka satu lu dja, Layuwaedia uku atuwediaka fesa. Dimi layahimba uku atuwuhimbaka paunyi. Vo wayetaka lukumbu lami, ku dimi layuwaukelaka. Dimi layutaka nti: Vo weko wudja ami! Ku vo wayutaka vati: Latuyalaka keli Unyashungu asu!

Zekariya 6:15

Ku wane weli etali, wayuya, wayuyukimanyia dia mpika etemwelo ka Latuyalaka; ku nyu nyayeya nyati: Latuyalaka Kanga lulimbilimbi kakantumi le nyu. Dikambu so diayuyala, naka nyu nyayukitanyia diui dia Latuyalaka, Unyashungu anyu.

Zekariya 8:8

Dimi layutuwaosa, ku vo wayuyudjase lʼatei a Jerusalema. Vo wayuyala wudja ami, la dimi layuyala Unyashungu awo, lu akambu wa mete, ndu lu akambu wʼusimbwi.

Mateu 28:20

Nyuwaetshaki dia ntsha akambu tshe wamumunyutela. Nyulungi, dimi leko la nyu nshi tshe, edja ndu ekumelu kʼandja.

2 Koreto 6:16

Etemwelo ka Unyashungu la ka dikishi weko la esohanelu kakona ne dia shu teko etemwelo ka Unyashungu a lumu; uku akati Unyashungu ati: Dimi layuyala lu etema awo, Layokendakenda lu etema awo. Dimi layuyala Unyashungu awo, Ndu vo wayuyala antu ami.

Euhwelu kʼElembe 11:27

otshoko, naka nyu nyayukitanyia elembe wa Latuyalaka, Unyashungu anyu, wamumunyudjela elo;

Euhwelu kʼElembe 4:20

Keli Latuyalaka akanyose, akanyutundja uma lu khuka ka mbulu, uma lʼEdjibitu, dia nyu ndjala wudja andi hita, uku wenyu elo kene.

Euhwelu kʼElembe 5:6

Dimi keli Latuyalaka, Unyashungu anyu, lakanyutundja uma lu kete ya Edjibitu, uma lu luudu la lohombo.

Heberu 5:9

Lamʼakandaluwanyema ololo tshe, ndi akayala atungi a panda ka pundju le wane tshe watukitanyiaka.

1 Samuele 15:22

Samuele akawumbula ati: Kakona kuleki ngenyangenya Latuyalaka lu elambu la elambu wa lutshumba, Uku lu nkitanyia diui dandi? Ulungi, ukitanyia ndeka ulambu ololo. La elamelu ka diui diandi, ndeka wata wʼekoko ololo.