Jeremiya 11:23 - La Bible en Otetela (Bible K'Ekila) 1991

²³ Nduku otoi lʼatei awo layuhanda, ne dia dimi layela elanyelu le asi Anatota lu eleku kayumasuya.

Jeremiya 11:23 Iomraidhean Croise

Jeremiya 11:19

Dimi laki uku onʼokoko latawalombola utsha lʼediakelu. Dimi kumbeya sheki yakawambidjela vati: Tulanya utamba kame la elua awo! Tuwunya uma lu kete ya wasena, Diaha antu mbuho lukumbu landi ntu.

Jeremiya 23:12

Diako mbayuyala mbuka kawo oselo lu udjima. Vo wayusukwama, wayoko loko, Ne dia dimi layuwaela elanyelu lu eleku kayumalumbuya, Mbata Latuyalaka.

Jeremiya 44:27

Nyuki, dimi latuwaendaka dia mbatshela kolo, aha ololo. Asi Juda tshe weli lu kete ya Edjibitu wayuvo la yombo ndu la ndjala ka kasha edja ndu wambushila ushiki.

Jeremiya 46:21

Asi ulimu awo wa difutu weli lʼatei awo, Weko uku ana wa ngombe wununyi lu ekutu awo. Vo wakakadimo, wakalawo vo tshe kame, aha nshikikala, Ne dia lushi lawo lʼelanyelu lambukuka le wo, Etena kʼasui awo.

Jeremiya 48:44

One lalawo woma, ayutambela lu wawu; La one layutumba uma lu wawu, ayundama lʼotei; Ne dia dimi lutsha mbela eleku kʼasui le Moaba! mbata Latuyalaka.

Jeremiya 5:29

Undi, dimi halasuya ne dia akambu aso? Dimi hasombweya utema ami le wudja wa wuhu oso? Mbata Latuyalaka.

Jeremiya 5:9

Undi, dimi haluwalumbuya lu akambu ane? Dimi halosombweya utema ami wuhu one wa wudja? Mbambula Latuyalaka.

Jeremiya 50:27

Nyudiaki esongo awo wa ngombe, nyehimbuli ete. Mananu le wo, ne dia lushi lawo lambusukana, Etena kʼelumbwelu kawo.

Jeremiya 6:9

Latuyalaka Kanga lulimbilimbi kata okone ati: Nyokonole atshikadi wa Isariyele, Uku atuwokonolaka elua wa vinyo. Uwahe lunya laye ntu, uku atunyinginyaka umumbi wʼelua ekodi.

Jeremiya 8:12

Vo wakuki sonyi lamʼakawatshi akambu wa wononyi? Kema, vo konombo, kumbuka sonyi nduku yema. Diako mbajuwoko lʼatei a waku watokokaka. Vo wayolemba lamʼayumasuya, mbata Latuyalaka.

Hosea 9:7

Nshi yʼasui yambukuka, nshi yʼesombweyo yambuya. Isariyele utsha mbeya dikambu so. Umvutshi eko enginya, La one leya akambu wushami eko kanga dadi, Ne dia wuki wa kolo yanyu, la wa luhetshu lanyu.

Obadiya 1:18

Khumbu ka Jakoba wayuyala dja, La khumbu ka Josefu lumbi, Ku khumbu ka Esau adiyu. Yo yayoheta lʼatei awo, yayatshumba. Nduku untu ayutshikala lu khumbu ka Esau, Ne dia Latuyalaka kakati dikambu diako.

Mika 7:4

One luleki ololo lʼatei awo, Eko uku tende dia dungu; One luleki nsimbo lʼatei awo, Eko uku lukumbu lʼatende. Lushi lʼalami awo, la sui diawo, lambukuma. Kakiane sonyi kawo kaya suki.

Luka 19:44

Vo wayukuhumanya la kete, ndu we ndu anʼaye weli lʼatei aye. Vo hawutshika dive ladiku dia dikina lʼatei aye, ne dia we heyi etena kayukokendela akambu aso.