Jeremiya 11:22 - La Bible en Otetela (Bible K'Ekila) 1991

²² Okone Latuyalaka Kanga lulimbilimbi kata lu dikambu diawo ati: Mete, dimi layasuya, elongo wʼapami wayudiakema la yombo, anʼawo wʼapami la anʼawo wʼamantu wayuvo la ndjala.

Jeremiya 11:22 Iomraidhean Croise

2 Ekondo 36:17

Okone Unyashungu akatumela khumʼekanga kʼasi Kaladiya lakayudiaka elongo awo wʼapami la yombo lʼetei a luudu lʼetemwelo kawo. Ndi kumpandja olongo a pami kana usekaseka a umuntu, usumbi a pami kana u umbi wa lukusumbi. Unyashungu akakimo tshe lʼanya andi.

Jeremiya 18:21

Okone ukimo anʼawo dia vo mvo la ndjala ka kasha. Akimo dia vo ndjakema la yombo. Wadiewo wayali aha la ana, ndu wadi waki edu. Waumewo wadiakemi, elongo awo wʼapami wadiakemi la yombo lu ta.

Jeremiya 21:14

Dimi layunyusuya uku eli elua wa etsha anyu. Dimi layudja dja lʼukunda anyu, Ku yo yayutshumba diango tshe dieli lʼutshimba, Mbata Latuyalaka.

Jeremiya 44:13

Dimi layusuya waku wudjashi lu kete ya Edjibitu uku akamasuya Jerusalema la yombo la ndjala ka kasha ndu la elandu.

Jeremiya 49:26

Uma lu dikambu so, mbayoko elongo awo wʼapami lu esese, Ndu mbayuvo alimbi awo tshe lushi lako, Mbata Latuyalaka Kanga lulimbilimbi.

Jeremiya 9:21

Ne dia nyoi kambumbela lu adidishi asu. To kambuyoto lu mvudu yasu ya khumʼekanga. To katushilaka akenda lu aseke, la elongo wʼapami lu esese.

Delu dia Jeremiya 2:21

Olongo a pami la usumbi wambetama lu kete lu esese; Esekaseka ami wʼamantu la elongo ami wʼapami wambudiakema la yombo. We akadiaki lu lushu laye la kele, akadiaki aha la ketshi.

Amose 4:10

Dimi lakatumi asui lʼatei anyu Wuhu waki lʼEdjibitu. Dimi lakadiaki elongo anyu wʼapami la yombo, Lakandamia punda yanyu. Dimi lakanyukia sulu ka lu pangu kanyu lu ehembe anyu, Keli nyu kunkadimo le mi, Mbata Latuyalaka.