Jeremiya 11:13 - La Bible en Otetela (Bible K'Ekila) 1991

¹³ We Juda, uku eli efula kʼesumba anyu, mbeli efula ka ditemolatemola dianyu! Uku eli efula kʼesese wa la Jerusalema, mbakanyatshela engo kene ka sonyi diakelu, diakelu dia ntshumbela Bala malashi.

Jeremiya 11:13 Iomraidhean Croise

2 Khumi ya Dikanga 23:13

Ndi akafutanya alunga waki lu welelo wa Jerusalema, waki lu leke la diku dia kushi lʼukungu wʼehondelo, wakatatshedi Solomona, khumʼekanga ka Isariyele, ekishi ka Ashera, engo ka wononyi kʼasi Sidona, Kemoshe, engo ka wononyi kʼasi Moaba, ndu Milikome, engo ka wononyi kʼasi Amona.

2 Ekondo 28:25

Ndi akatshi alunga lu esumba tshe wa Juda dia ntshumbela ditemolatemola malashi! Okone ndi akukia Latuyalaka, Unyashungu a washi, kele.

Isaya 2:8

Wudja awo wambulula too la dikishi. Vo watotemolaka ulimu wʼanya awo, Ee, kene kakawatshi la pita yawo vame.

Jeremiya 11:17

Latuyalaka Kanga lulimbilimbi lakakune, ambuketele elanyelu, ne dia kolo ka khumbu ka Isariyele la khumbu ka Juda, kakawatshi dia mbutsha kele lamʼakawatshumbela Bala malashi.

Jeremiya 17:1

Kolo ka Juda kambufundama la luwulu la wulu, la sodi ka dive dia wulu dia pesopeso. To kambufundama lu pasi diʼetema awo, ndu lu seki ya lu diakelu diawo.

Jeremiya 18:15

Wudja ami wambumbuhela, Wambutshumbela ditemolatemola malashi. Vo wakatakana lu ditshelu diawo Lamʼakawakendakendaka lu mbuka yʼedjedja. Vo waketetaka lu tuwuka, lu mbuka yahatalongoswama.

Jeremiya 19:4

Vo wakanseke, wakalanya dihuli ne, wakatshumbela ditemolatemola diakiwo kumbeya, vo la washewo la khumi ya dikanga ya Juda, malashi loko. Vo wakaludia dihuli ne la dikila diʼantu waha la unungu.

Jeremiya 19:5

Vo wakatshela Bala alunga dia ntshumba anʼawo lu dja uku elambu wa lutshumba le Bala, wuhu akimi kumbadjangela kuyanga mbidja kanyi loko.

Jeremiya 2:28

Lendʼeli ditemolatemola dianyu, diakanyayatshela? Diemali, naka dio mbeyaka nyushimbela lu etena ka pa! We Juda, uku eli efula kʼesumba anyu, Mbeli efula ka ditemolatemola dianyu.

Jeremiya 3:24

Ditemolatemola dia sonyi diakamani waho wʼulimu washesu uma lu nshi yasu yʼakenda: dungalunga diawo, la ngombe yawo, anʼawo wʼapami ndu wʼamantu.

Jeremiya 3:25

Tetami lu sonyi kasu, ufutanu asu watukumbi, ne dia shu takatshela Latuyalaka, Unyashungu asu, kolo, ndu shu ndu washesu umaka nshi yasu yʼakenda edja ndu elo. Shu kunkitanyiaka diui dia Latuyalaka, Unyashungu asu.

Jeremiya 32:35

Vo wakatshela Bala alunga lʼukidi wa onʼa Hinome dia ntshumbela Moleka anʼawo wʼapami la anʼawo wʼamantu lu dja, dikambu diakimi kumbatela ndu diaki kundjala lu tukanyi tami, dia vo ntsha dikambu dia wononyi wuhu oso, dia munganyia Juda.

Jeremiya 44:21

Undi, Latuyalaka kumbuho ndu kumbidja yimba lu dikambu dia malashi wakanyatshumbaka lʼesumba wa Juda ndu lu tushinga ta Jerusalema, nyu la washenyu, khumi ya dikanga yanyu la ewandji anyu ndu antu wa lu kete?

Jeremiya 44:5

Keli vo kununga kuyanga mpuke atui. Vo kunkadimo uma lu kolo kawo, kunkimo ntshumbela ditemolatemola malashi.

Jeremiya 48:35

Dimi layushila one latulambulaka elambu lu alunga, one latutshumbelaka ditemolatemola diandi malashi lu Moaba ushiki, mbata Latuyalaka.

Jeremiya 7:9

Undi, nyu nyayuvaka, nyayudiakaka antu, nyayunanaka luseka, nyayutshibaka utshibatshiba, nyayutshumbelaka Bala malashi, nyayuyelaka ditemolatemola diahanyeye?

Ezekiyele 16:24

we akayahikela luudu lʼetemolatemola, ndu akayatshela dihuli dia ladiku lu osese tshe.

Hosea 10:1

Isariyele eli uku okodi wa vinyo Watotokaka elua efula. Uku aki efuia kʼe lua awe, Mbakawafudia diakelu diawo. Uku aki efula kʼongonyi a kete, Mbakawete dimeta amena.

Hosea 12:11

Naka kolo keko la Ngiliyade, mete, vo wayulanyema. Naka vo watulambulaka esongo wa ngombe la Ngilingala, Ndu diakelu diawo diayuyala Uku atuta wʼave lʼeshidi wʼemunda lu dikamto.

Hosea 9:10

Dimi lakatani Isariyele Uku sandji oiʼelua wa vinyo lʼusui wa shenga. Dimi lakenyi washenyu Uku elua wa ntundu wʼutamba wa fingu, Keli vo wakatshu utsha le Bala-Peore. Vo wakatuyakidia le ekishi ka sonyi, Ku wakayala wononyi uku engo kakawalangaka.