Jeremiya 10:7 - La Bible en Otetela (Bible K'Ekila) 1991

⁷ We Khumʼekanga ka wedja, akona ahahumbi nkuka woma! We kukuki mbukama woma; Ne dia lʼatei wʼakanga a yimba tshe wa wedja, Ndu lʼatei a waulelu awo tshe, nduku ledimi la ye.

Jeremiya 10:7 Iomraidhean Croise

2 Khumi ya Dikanga 17:39

Keli kanyumbukaki, dimi Latuyalaka, Unyashungu anyu, woma, ku dimi layunyutshungula uma lʼanya wʼatunyi anyu tshe.

1 Ekondo 16:25

Ne dia Latuyalaka keli wuki, ndi kuleki nkuka dia ntumbwama! Ndi keli woma ladiku dia ditemolatemola tshe;

Esta 1:13

Khumʼekanga akasawula la akanga a yimba wakeyaka elembe la dumbwelu.

Esambu 147:5

Khumesu keli wuki la wulu wa mamba, Yimba yandi yaha la ekumelu.

Esambu 22:28

Latuyalaka keli kanga diulelu; Ndi atulelaka wedja.

Esambu 47:3

Ndi atutukitshikitshiyaka antu, Atukitshaka wedja la tshina diʼakaka asu.

Esambu 72:11

Khumi ya dikanga tshe kawukhusameli, Wedja tshe kawukambeli ulimu.

Esambu 76:7

We weme kukawo woma! Untu akona ayemala la ntundu kaye lamʼumalaye?

Esambu 86:8

Lʼatei a ditemolatemola, nduku kene kedimi la ye, Nduku ulimu ukina wedimi la elimu aye.

Esambu 86:9

Wedja tshe wakayatungi wayuya La ndjukotemola, we Khumadiondjo. Vo tshe wayutumbulaka lukumbu laye,

Esambu 89:6

Akona eli lʼulungu, ledimi la Latuyalaka? Ndu lʼatei ana wa lʼulungu, akona ufanyi la ye?

Etumbelu 8:10

Ku ndi akûkaluya diui ati: Lui. Mose akati ati: Kadiuyali uku wataye, dia we mbeya wati: Nduku ledimi la Latuyalaka, Unyashungu asu.

Etumbelu 9:14

Etena kene kayumutuma asui ami tshe lʼutema aye, lʼekambi aye, ndu le wudja aye; dia we mbeya wati: Nduku ledimi la mi la kete tshe.

Isaya 2:4

Ndi ayuyala umbadi wa wedja, Ayusambula akambu wʼantu wa wedja efula. Vo wayutshula tombo tawo kungu, La akonga awo tukuwa ta loho. Wudja omotshi hawembela wudja ukina tombo, Nduku antu haweka akambu wa ta ntu.

Jeremiya 10:6

Latuyalaka li, nduku ledimi la ye! We eko wuki, ndu lukumbu laye leko wuki uma lu wulu aye.

Jeremiya 5:22

Undi, nyu hanyumbuki woma? Hanyudidima la ntundu kami? mbata Latuyalaka. Dimi ako kakadjela ashi a waki lokongo uku ulelu, Lukumbu la pundju, lahaweyi ndekana. Kuyanga asukhu awo watusukasukaka, vo haweyi lolembia. Kuyanga vo watudikitaka, vo haweyi lulekana.

Danyele 2:27

Danyele akakaluya khumʼekanga diui ati: Asi yimba, kana akanga wʼaloho, asaki wʼawulu kuyanga ateketshishi wa djimu, haweyi kulimbitshiya, we khumʼekanga, dikambu diushami diakayalombe.

Danyele 2:28

Keli Unyashungu leli lʼulungu, atushulaka akambu wushami. Ndi akakenya, we khumʼekanga Nebukadineza, akambu wayuyala lu nshi yayayi. One eli do diaye la waenelo wakayenyi lamʼakiye lu mbetu kaye.

Habakuka 3:2

Latuyalaka li, dimi lakuki lukumu lʼulimu aye! Diako mbukami woma. Latuyalaka li, ufudia ulimu aye lʼatei wa deku ntu! Lʼatei wa deku, utenyawo ntu. Lʼatei a kele, uho ketshi kaye.

Zekariya 2:11

Wedja efula wayumamema, dimi Latuyalaka, lushi lako. Vo wayuyala wudja ami. Dimi layudjase lʼatei aye, ku we ayeya wati: Latuyalaka Kanga lulimbilimbi kakantumi le ye.

Malaki 1:11

Uma lʼehutwelu ka unya pulu ndu lʼedjelu kawo, lukumbu lami layuyala wuki lʼatei a wedja. Wayulambula lukumbu lami malashi la ulambu wa pudipudi lu ahuli tshe, ne dia lukumbu lami layuyala wuki lʼatei a wedja, mbata Latuyalaka Kanga lulimbilimbi.

Luka 12:5

Keli dimi layunyewula ona lahumbanyu mbuka woma: nyuki one leli la wulu wa mbikadja antu lu luwinga la dja lʼokongo a mbadiaka woma; ee, dimi lambunyutela nti: Nyuwuki woma!

1 Koreto 8:6

keli le su, eko Unyashungu otoi, Shesu lakatungi diango tshe, ndu shu, la Khumadiondjo otoi, Jesu Kristu. Diango tshe dieko uma le ndi, ndu shu teko uma le ndi.

Jashua 4:24

dia wedja tshe wa la kete mbeya vati: Lunya la Latuyalaka leko wulu, dia nyu mbuka Latuyalaka, Unyashungu anyu woma pundju.

Enyelo 11:15

Ondjelo wʼesambeli akadi; ku aui wa wulu wakukema lʼulungu, wakati vati: Diulelu dia la kete nye diambuyala dia Khumesu, la dia Kristu kandi. Ndi ayulela pundju pundju.

Enyelo 15:4

Khumadiondjo, akona ahukuka woma, Ndu ahutumbula lukumbu laye na? Ne dia weme utu keli ekila. Wedja tshe wayuya, wayukotemola, Ne dia etsha aye wʼololo wambenama.