Jeremiya 10:6 - La Bible en Otetela (Bible K'Ekila) 1991

⁶ Latuyalaka li, nduku ledimi la ye! We eko wuki, ndu lukumbu laye leko wuki uma lu wulu aye.

Jeremiya 10:6 Iomraidhean Croise

2 Samuele 7:22

Okone we keli wuki, we Latuyalaka, Unyashungu. Uku aui tshe wakatuki lu atui asu, nduku ledimi la yi nduku Unyashungu weko, paka we.

1 Ekondo 16:25

Ne dia Latuyalaka keli wuki, ndi kuleki nkuka dia ntumbwama! Ndi keli woma ladiku dia ditemolatemola tshe;

Nehemiya 4:14

Dimi lakendi, ku lakunela, lakatela antu a waki, elohe, la atshikadi a wudja nti: Tanyuwaukaki woma. Nyuho Khumadiondjo, leli wuki ndu leli woma. Nyolwele anengenyu, anʼanyu wʼapami la anʼanyu wʼamantu, wadienyu la mvudu yanyu ta.

Nehemiya 9:32

Kakiane Unyashungu li, we keli Unyashungu a wuki, a wulu ndu wukama woma! We atulamaka sheki, atukaka antu ngandji ka mamba. Tenaki asui watutenaka, shu la khumi ya dikanga yasu, ewandji asu, elombedi asu, amvutshi asu, washesu la wudja aye tshe uma lu nshi ya khumi ya dikanga yʼAsuriya edja ndu elo, dikambu dia tshitshe.

Esambu 145:3

Latuyalaka keli wuki, ndi kukuki ntumbwama efula, Ndu wuki andi heyama mbedikama.

Esambu 147:5

Khumesu keli wuki la wulu wa mamba, Yimba yandi yaha la ekumelu.

Esambu 35:10

Weka ami tshe wayuta vati: Latuyalaka, akona eli uku we? Latutshungulaka omenyi fono Uma le one luleki wulu; Omenyi fono la uhumbi Uma le one latulanyaka?

Esambu 48:1

Latuyalaka eli wuki, ndi kukuki mandwama Lʼusumba wa Unyashungu asu!

Esambu 96:4

Latuyalaka keli wuki, ndi kukuki ntumbwama efula, Kukuki mbukama wama ladiku dia ditemolatemola tshe,

Etumbelu 15:11

Latuyalaka li, lʼatei a ditemolatemola, kakona kedimi la ye? Akona edimi la ye, lu lutumbu lʼekila? Akona eli woma uku we, lu etsha wa lutumbu, lu ntsha akambu wa mamba?

Etumbelu 8:10

Ku ndi akûkaluya diui ati: Lui. Mose akati ati: Kadiuyali uku wataye, dia we mbeya wati: Nduku ledimi la Latuyalaka, Unyashungu asu.

Etumbelu 9:14

Etena kene kayumutuma asui ami tshe lʼutema aye, lʼekambi aye, ndu le wudja aye; dia we mbeya wati: Nduku ledimi la mi la kete tshe.

Isaya 12:6

Nyu asi Siona, nyudjaki dielu dia wulu lʼongenongeno, Ne dia lʼEkila lʼIsariyele eko wuki lʼatei anyu.

Isaya 40:18

La untu akona ayunyedika Unyashungu? La engo kakona kayun fanya la to?

Isaya 40:25

Akona ayunyombedika la ndi, Dia dimi nfana la ndi? mbata lʼEkila.

Isaya 46:5

Akona ayunyumbedika la ndi, Dia dimi mbedima la ndi? Akona ayunyunfanya la ndi, Dia dimi la ndi ndjala pupu?

Isaya 46:9

Nyuho akambu waki lu nshi yʼedjedja, Ne dia dimi keli Unyashungu, nduku ukina. Dimi keli Unyashungu, nduku ukina lufanyi le mi.

Jeremiya 10:16

One leli ukito wa Jakoba, kema uku dio, Ne dia ndi kakatungi diango tshe. Isariyele eli wudja andi wʼukito. Latuyalaka Kanga lulimbilimbi keli lukumbu landi.

Jeremiya 32:18

We keli Unyashungu a wuki, Kanga-Wulu-Tshe, lukanga lukumbu ati: Latuyalaka Kanga lulimbilimbi. We atukaka antu nunu nunu ngandji ka shikaa, we atosombo-yaka kolo ka washi le anʼawo lʼokongo awo.

Danyele 4:3

Ndi tulimbitelu tandi waki li! Ndi akambu andi mamba li! Diulelu diandi, dieko diulelu dia pundju, Diayuyalaka lu nonga la nonga.

Danyele 4:34

Lamʼaketi etena kako dimi, Nebukadineza, lakedia ashu utsha lʼulungu, ku lakayala la yimba ntu. Dimi lakatumbula KhumʼUlungu, lakandula ndu lakalemia one latulumbaka pundju. Ne dia diulelu diandi, dieli dia pundju, Diayuyalaka lu nonga la nonga.

Malaki 1:11

Uma lʼehutwelu ka unya pulu ndu lʼedjelu kawo, lukumbu lami layuyala wuki lʼatei a wedja. Wayulambula lukumbu lami malashi la ulambu wa pudipudi lu ahuli tshe, ne dia lukumbu lami layuyala wuki lʼatei a wedja, mbata Latuyalaka Kanga lulimbilimbi.

1 Koreto 8:6

keli le su, eko Unyashungu otoi, Shesu lakatungi diango tshe, ndu shu, la Khumadiondjo otoi, Jesu Kristu. Diango tshe dieko uma le ndi, ndu shu teko uma le ndi.

Euhwelu kʼElembe 32:31

Ne dia dive diawo kema uku Dive diasu dia wuki, Ndu atunyi asu vame wambuyala esambudi.

Euhwelu kʼElembe 33:26

Nduku ledimi la Unyashungu, we Jeshuruna, Latembamaka ladiku diʼulungu dia ndjukukimanyia, Ndu lu wuki wuki andi la wangi.