Jeremiya 10:4 - La Bible en Otetela (Bible K'Ekila) 1991

⁴ Vo watuweteka dimena la fesa la paunyi, Watokokomeka seti la uhumo diaha vo nsukasuka.

Jeremiya 10:4 Iomraidhean Croise

Esambu 115:4

Dikishi diawo dieli fesa la paunyi, Ulimu wʼanya wʼantu mbedio.

Esambu 135:15

Dikishi dia wedja diatutshamaka la fesa la paunyi, Elimu wʼanya wʼantu mbedio.

Isaya 44:12

Utshudi a mbulu atudjaka luwulu lu akalanga, atulutshulaka la uhumo, atulolongosola la lunya landi la wulu. Ndi atukaka ndjala, atokomoka dimba, atonoka ashi, atushilaka wulu.

Isaya 46:6

Antu mbatutundjaka paunyi uma lu atapa awo, Mbatedikaka fesa lu kilo, mbatufutaka utshudi wa paunyi, Dia ndi mbatshela etemolatemola uma loko. Ku vo watukikhusamelaka, watukitemolaka.

Isaya 46:7

Vo watukiediaka, watukiembaka lu diheka, Ndu watukikitshaka lu dihuli diato, Ku to Katutshikalaka leko. To hakieyi nsukasuka. Lamʼatukilelelaka untu, to hakieyi mbukaluya diui, Kuyanga mbushimbela uma lu pa kandi.

Hosea 13:2

Kakiane vo wambotekoya nisha kolo, Wambuyatshela difanelu dia lolelola la fesa yawo, Dikishi diʼuma lu tumba tawo. Dio tshe diaki ulimu wʼetshudi wa tokomba. Vo wakati vati: Nyudilambuli elambu. Antu watonanaka la ditanelu dia ngombe!

Habakuka 2:19

Mananu kayali le one latela utamba ati: Emo! La dive dia lumi ati: Unela! Undi, to mbeyaka mbetsha? Nyendi, to kambukumbama la paunyi la fesa. To kema la lumu lʼatei ato nduku yema!