Jeremiya 10:3 - La Bible en Otetela (Bible K'Ekila) 1991

³ Ne dia ditshelu dia wedja dieli anyanya, Antu watokotala utamba lʼukunda, ku utshudi ndjoselaka la kaku.

Jeremiya 10:3 Iomraidhean Croise

Esambu 115:4

Dikishi diawo dieli fesa la paunyi, Ulimu wʼanya wʼantu mbedio.

Isaya 45:20

Nyu wane wakahandi lʼatei wʼasi wedja, Nyomote, nyuyi, nyusukani kame. Waku watembaka dikishi diawo diʼetamba, La watolombaka etemolatemola kaheyi mbashimbela, kema la yimba.

Jeremiya 1:16

Dimi layalumbuya dikambu dia kolo yawo tshe, ne dia vo wakanseke, wakatshumbela ditemolatemola malashi, ndu wakatemola elimu wakawatshi lʼanya awo.

Jeremiya 10:8

Ditemolatemola tshe dieli anyanya, diaha la yimba. Wetshelu awo weli paka anyanya. Dio dieli paka etamba.

Jeremiya 14:22

Lʼatei a ditemolatemola dia lu wedja, Kemotshi mbeyaka ndosha mvula? Ulungu mbeyaka ntuma mvula? One latsha akambu ane, aha we Latuyalaka, Unyashungu asu? Shu tatukitshaka elungamelu kasu le ye, Ne dia we katutshaka akambu ane tshe.

Jeremiya 16:19

We Latuyalaka keli wulu ami, lungeli lami, Eshamelu kami lu nshi ya pa! Wedja wayuya le ye uma la kuma ya la kete. Vo wayuta vati: Washesu wakakiti paka kashi, Ditemolatemola diʼanyanya, diahawasha waho.

Jeremiya 2:5

Latuyalaka kambula ati: Munga kakona kakatani washenyu le mi, kakawamo uma le mi? Kakawayeli diango diʼanyanya, ndu kakawayaete anyanya?

Akambu wʼAsi Lewi 18:30

Okone nyukitanyiaki diui diami, diaha nyu ntsha nduku etshelu lʼatei a ditshelu diakawatshaka la ntundu kanyu, tanyuyalanyaki la dio. Dimi keli Latuyalaka, Unyashungu anyu.

Mateu 6:7

Lamʼayunyolomba tanyufudiaki aui wʼanyanya lu alombelo anyu, uku atutshaka asi wedja. Ne dia vo watukanaka vati: Wayuwaukela ne dia efula kʼaui awo.

Etsha wa Atumami 19:26

Nyu menaka ndu nyu mbukaka nyati: Aha lane la Efeso atu, keli lasuki la Asiya tshe, untu one Paulu ambetawuya antu efula, ambakadimula etema; ambuta ati: Dite-molatemola diakawatshi lʼanya, kema ditemolatemola.

Romo 1:21

ne dia vo wakeyi Unyashungu, keli vo kumbutumbula uku Unyashungu, kumbuka lusaka. Vo wakanganela lu tukanyi tawo. Etema awo wa dinginya wakayala tshududu.

1 Petero 1:18

Nyeyi nyati: Nyu kuntshungwama la diango diayulana, la fesa kana paunyi, uma lu ditshelu dianyu diʼanyanya, diakanyakiti uma le watshenyu.