Jeremiya 10:16 - La Bible en Otetela (Bible K'Ekila) 1991

¹⁶ One leli ukito wa Jakoba, kema uku dio, Ne dia ndi kakatungi diango tshe. Isariyele eli wudja andi wʼukito. Latuyalaka Kanga lulimbilimbi keli lukumbu landi.

Jeremiya 10:16 Iomraidhean Croise

Esambu 119:57

Latuyalaka keli lami hita, mbatumutaka nti: Umbuki ketshi uku daka diaye.

Esambu 135:4

Latuyalaka akayasonwela Jakoba, Isariyele, dia ndjala andi hita.

Esambu 142:5

Keli dimi lakakulelela, we Latuyalaka, Dimi lakati nti: We keli eshamelu kami, Etenyi kami kʼukito lu kete ya wasena.

Esambu 33:6

Uma lu diui dia Latuyalaka mbakatungama ulungu, Ndu ului awo tshe uma lu luwi lʼunyo andi.

Esambu 73:26

Dimba diami la utema ami watokomoka. Keli Unyashungu atukikitshaka utema ami, Ndi keli wulu ami pundju, pundju.

Esambu 74:2

Uhoki ului wʼantu aye wakayakundja edjedja, Wakayatshungula dia ndjala wudja wʼukito wʼetshoko aye, Ndu wa Ukungu a Siona, lene atuyudjaseka.

Etumbelu 19:5

Kakiane, naka nyayulunga diui diami, ndu nyayulama daka diami, nyu nyayuyala wudja ami lʼatei a wedja tshe, ne dia kete tshe yeli yami.

Etumbelu 34:9

Ndi akati ati: Khumemi li! Naka dimi lakahumo lukulu lʼolo lu ashu aye, lambukosengasenga nti: We Khumemi, utshu lʼatei asu, kuyanga mbeli wudja one la ete wulu. Utudimanyia wengiya asu la kolo yasu. Utose dia shu ndjala wudja aye wʼukito.

Tukedi 16:4

Latuyalaka akatungi engo lʼengo dia ntsha ulimu ato, Ee, nuu untu a kolo pupu lu lushi lʼasui.

Isaya 19:25

ne dia Latuyalaka Kanga lulimbilimbi akatshokola, ata ati: Edjibitu, wudja ami: la Asuriya, ulimu wʼanya ami; ndu Isariyele, ukito ami, watshokwami!

Isaya 45:7

Dimi katutumaka usasi la udjima. Dimi katelaka ki ndu ohenyohenyo. Dimi, Latuyalaka, katutshaka akambu aso tshe.

Isaya 47:4

Mbata Utshungudi asu, lʼEkila la Isariyele, Letawo vati: Latuyalaka Kanga lulimbilimbi.

Isaya 47:6

Dimi lakuki wudja ami kele, Lakonyola ukito ami, lakakimo lʼanya aye, We kumbauka ketshi. We akasuya esumbi la elimu a wulu.

Isaya 51:15

Dimi keli Latuyalaka, Unyashungu aye, Latusutshasutshaka ashi a waki dia asukhu ndjikita. Mete, Latuyalaka Kanga lulimbilimbi keli lukumbu landi.

Isaya 54:5

Utungi aye keli umeye. Lukumbu landi eli Latuyalaka Kanga lulimbilimbi. LʼEkila la Isariyele keli Utshungudi aye. Ndi ambetama ati: Unyashungu a kete tshe.

Jeremiya 10:12

Unyashungu kakatungi kete la wulu andi, Ndi kakashikil e andja la yimba yandi. Ndi kakakokola ulungu la ewu kandi.

Jeremiya 10:6

Latuyalaka li, nduku ledimi la ye! We eko wuki, ndu lukumbu laye leko wuki uma lu wulu aye.

Jeremiya 31:35

Latuyalaka, latukimoka unya dia ndjala usasi la yanyi, Lakashikike ngondo la toto dia vo ndjala usasi lʼutshu, Latuhashahashaka ashi a waki diʼasukhu awo ndjikita, Ndu lukanga lukumbu lone: Latuyalaka Kanga lulimbilimbi, kata ati:

Jeremiya 32:18

We keli Unyashungu a wuki, Kanga-Wulu-Tshe, lukanga lukumbu ati: Latuyalaka Kanga lulimbilimbi. We atukaka antu nunu nunu ngandji ka shikaa, we atosombo-yaka kolo ka washi le anʼawo lʼokongo awo.

Jeremiya 33:2

Latuyalaka lakatungi kete, lakayilongosola ndu lakayikikitsha, lukanga lukumbu leli Latuyalaka, kata ati:

Jeremiya 46:18

Uku wemi la lumu! mbata Khumʼekanga, Lukanga lukumbu lone: Latuyalaka Kanga lulimbilimbi ati: Nyuki, Uku eli Tabora lʼatei wʼekungu, Ndu uku eli Karamele lʼumamu wʼashi a waki, mbayuya motshi.

Jeremiya 50:34

Keli utshungudi awo eli la wulu, lukumbu landi leli Latuyalaka Kanga lulimbilimbi. Ndi ayusambula dikambu diawo dia mbisha kete ki. Ndi ayohenyahenya asi Babilona.

Jeremiya 51:19

One leli ukito wa Jakoba kema uku dio, Ne dia ndi kakatungi tshe. Isariyele eli wudja andi wʼukito. Latuyalaka Kanga lulimbilimbi keli lukumbu landi.

Delu dia Jeremiya 3:24

Latuyalaka keli etenyi kami kʼukito, mbata utema ami, Diako mbayumulungamelaka le ndi.

Amose 4:13

Nyulungi, one lakatshi ekungu ndu lakatungi lopepe, Latulimbitshiyaka antu tukanyi tandi, Latukadimulaka pindju udjima, Ndu latokendakendaka ladiku diʼahuli wa ladiku dia kete, Latuyalaka, Unyashungu Kanga lulimbilimbi, Keli lukumbu landi.

Zekariya 2:12

Latuyalaka ayukita Juda uku etenyi kandi kʼukito lu kete yʼekila, ndu ayosonola Jerusalema ntu.

Euhwelu kʼElembe 32:9

Etenyi ka Latuyalaka keli wudja andi, Jakoba keli etenyi kandi kʼukito.