Jeremiya 10:15 - La Bible en Otetela (Bible K'Ekila) 1991

¹⁵ Dio dieli anyanya, ulimu wa lukesu. Lamʼayuya elumbwelu, dio diayulanyema.

Jeremiya 10:15 Iomraidhean Croise

Esambu 115:9

Isariyele li, ekamaki Latuyalaka! Ndi keli ekimanyelu kawo la engawo kawo.

Isaya 41:24

Enda, nyu nyeko anyanya, ndu ulimu anyu pudi. La one latunyekamaka, eko wononyi.

Isaya 41:29

Enda, vo tshe weli anyanya. Elimu awo nduku engo. Dikishi diawo dieli efufelu kʼanyanya.

Isaya 57:12

Layutaka dia ololo anyu la etsha anyu, Keli akambu aku hawuyala waho le nyu.

Jeremiya 10:11

Nyuwateli nyati: Ditemolatemola diaki kuntunga ulungu la kete, diayushisho uma la kete ndu uma lʼesi ulungu.

Jeremiya 10:8

Ditemolatemola tshe dieli anyanya, diaha la yimba. Wetshelu awo weli paka anyanya. Dio dieli paka etamba.

Jeremiya 14:22

Lʼatei a ditemolatemola dia lu wedja, Kemotshi mbeyaka ndosha mvula? Ulungu mbeyaka ntuma mvula? One latsha akambu ane, aha we Latuyalaka, Unyashungu asu? Shu tatukitshaka elungamelu kasu le ye, Ne dia we katutshaka akambu ane tshe.

Jeremiya 18:15

Wudja ami wambumbuhela, Wambutshumbela ditemolatemola malashi. Vo wakatakana lu ditshelu diawo Lamʼakawakendakendaka lu mbuka yʼedjedja. Vo waketetaka lu tuwuka, lu mbuka yahatalongoswama.

Jeremiya 43:12

Dimi layongonya dja lu mvudu ya ditemolatemola dia Edjibitu. Nebukadineza ayuditshumba, ayutsho la dikishi lu fumbi. Ndi ayuyaomba kete ya Edjibitu uku ula li wʼekoko kayaomba dihondo diandi. Ku ndi ayutumba la ki uma loko.

Jeremiya 50:2

Nyuteli wedja tshe lukumu, nyudianganya diui. Nyuhane ekuhu ka koi, nyuti lukumu lako. Tanyusheki nduku diui; nyuti nyati: Babilona kambosama! Bele kambutshama sonyi! Merodaka ambowediawediama! Difanelu diawo diambutshama sonyi, Dikishi diawo diambowediawediama!

Jeremiya 51:18

Dio dieko anyanya, ulimu wa lukesu Lamʼayuya elumbwelu, Dio diayulanyema.

Jeremiya 8:12

Vo wakuki sonyi lamʼakawatshi akambu wa wononyi? Kema, vo konombo, kumbuka sonyi nduku yema. Diako mbajuwoko lʼatei a waku watokokaka. Vo wayolemba lamʼayumasuya, mbata Latuyalaka.

Jeremiya 8:19

Nyuki delu dia ona umuntu a wudja ami, Uma lu kuma ya kete ati: Undi, Latuyalaka, kema lu Siona? Khumʼekanga kawo kema lʼatei awo? Okoko wana wakawambutsha kele La ditemolatemola diawo dia losela, la dia dikishi diʼasi wedja?

Hosea 9:7

Nshi yʼasui yambukuka, nshi yʼesombweyo yambuya. Isariyele utsha mbeya dikambu so. Umvutshi eko enginya, La one leya akambu wushami eko kanga dadi, Ne dia wuki wa kolo yanyu, la wa luhetshu lanyu.

Jona 2:8

Wane watekamaka dikishi diʼanyanya, Watutunaka dihuli diawo dia nkundja ketshi.

Zekariya 13:2

Latuyalaka Kanga lulimbilimbi kata ati: Lushi lako, dimi layunya kumbu ya dikishi uma lu kete, diaha yo mbuhwama ntu. Dimi layunya ndu amvutshi la odienge uma lu kete.

Etsha wa Atumami 14:15

Wayone, okoko wana wambunyutsha okone? Ndu shu mbeli antu, wakatungama uku nyu. Shu tambunyela lukumu lʼololo, dia nyu nkadimo uma lʼakambu ane wʼanyanya utsha le Unyashungu a lumu, lakatungi ulungu la kete ndu ashi a wuki la diango tshe dieli loko.

Euhwelu kʼElembe 32:21

Vo wambumbukia kandjema le wane waha etemolatemola; Wakambukia kele ne dia dikishi diawo diʼanyanya. Okone ndu dimi layuwautsha kandjema le wudja waha wudja; Layuwautsha kele le wudja waha la yimba.

1 Samuele 12:21

Tanyumoki uma le ndi. Naka nyu nyayumo uma le ndi, nyu nyayuyela diango diʼanyanya diaheyi nyukundjiya waho kuyanga nyushimbela, ne dia dio dieli anyanya.

1 Samuele 5:4

La wedi a pindju ukina, lamʼakaweto la kesekese, watani ku Dangona akakwe ekhukhumadi lu kete, la ntundu kʼoshete wa Latuyalaka. Watani ku ote wa Dangona lʼanya wakahimbwi, wukalemi lu kete. Paka utundu wa Dangona utu mbakatshikala.