Jeremiya 10:10 - La Bible en Otetela (Bible K'Ekila) 1991

¹⁰ Latuyalaka keli Unyashungu a mete. Ndi keli Unyashungu a lumu, khumʼekanga ka pundju. Lamʼukandi kele, kete ndjidimaka, La wedja haweyi memba wutshu wʼududu andi.

Jeremiya 10:10 Iomraidhean Croise

Etatelu 21:33

Abarahama akune uvungu la Bere-Sheba. Laawo kandatemolaka lukumbu la Latuyalaka, Unyashungu a pundju.

1 Khumi ya Dikanga 18:39

Lamʼakenyi antu tshe dikambu diako, vo wakayakosha ekhukhumadi la kete, wata vati: Latuyalaka keli Unyashungu! Latuyalaka keli Unyashungu!

1 Khumi ya Dikanga 8:60

Dia wedja tshe wa la kete nimbitela vati: Latuyalaka keli Unyashungu, nduku ukina leko.

1 Ekondo 29:11

Latuyalaka li, we kukanga wuki, wulu, lutumbu, elembielo, la nemo! ne dia diango tshe dia lʼulungu ndu dia la kete, diaye mbedio. Latuyalaka li, we kukanga diulelu, we ambediama ladiku dia tshe!

2 Ekondo 15:3

Nshi kambi Isariyele kumbeya Unyashungu a mete, ndu kundjala la olombedi dia mbaetsha, kuyanga ndjala la elembe.

Jobo 9:6

Ndi atusutshasutshaka kete ladiku dia ekitshelu kayo, Ku dikoho diayo diatusukasukaka.

Esambu 10:16

Latuyalaka eli khumʼekanga pundju, pundju. Wedja wayushila ushiki uma lu kete yandi.

Esambu 100:3

Nyeyi nyati: Latuyalaka keli Unyashungu! Ndi kakatutungi, wandi mbesu. Shu teko antu andi, ndu ekoko watunduleshaka.

Esambu 100:5

Ne dia Latuyalaka eli ololo! Ngandji kandi ka shikaa katuyalaka pundju, Ndu kolamelu yandi le wa lu nonga tshe.

Esambu 104:32

Ndi atendaka kete, ku yo yatudidimaka. Ndi atunandaka ekungu, ku vo watututoka dinga.

Esambu 114:7

We kete, udidimaki la ntundu ka Khumadiondjo, Ee, la nitundu ka Unyashungu a Jakoba,

Esambu 145:13

Diulelu diaye dieli diulelu dia pundju, Ndu luwandji laye layutshikalaka lu nonga tshe.

Esambu 146:6

Lakatungi ulungu la kete, Lʼashi a waki la diango tshe dieli loko, Atulamaka mete pundju.

Esambu 18:7

Ku kete yakasukasuka, yakadidima; Ndu atshina wʼakuna wakadidima, Wakasutshasutshama lamʼakandumala.

Esambu 29:10

Latuyalaka akadjaseka lu kiti kandi ka diulelu lu nshi yʼelula, Ee, Latuyalaka atudjaseka lu kiti kandi ka diulelu, atulelaka pundju.

Esambu 31:5

Dimi latukitshaka lumu lami lʼanya aye; Latuyalaka, Unyashungu a mete, we ambuntshungula.

Esambu 42:2

Utema ami atukaka Unyashungu pusa, atukaka Unyashungu a lumu pusa. Etena kakona kayumutsho le Unyashungu, ndu kayumenana la ndi?

Esambu 68:11

Khumadiondjo katukimoki didjangu. Ndi ului a wuki wakadidianganya vati:

Esambu 68:8

Kete yakadidima; Mvula yakatalokaka uma lʼulungu la ntundu ka Unyashungu. Ndu dikuna dia Sinai diakadidima lamʼakasukana Unyashungu Ee, Unyashungu wa Isariyele.

Esambu 74:12

Unyashungu keli khumʼekanga kami kʼedjedja, Atenyaka wa la kete panda kandi.

Esambu 76:7

We weme kukawo woma! Untu akona ayemala la ntundu kaye lamʼumalaye?

Esambu 76:8

Elumbwelu kʼuma lʼulungu kakukema; Wa la kete wakuki woma, wakalembohala,

Esambu 77:18

Lundju la dikhungula diaye lakukema lʼatei a ngimbi. Angadimu wa ndjadi wakangadimo, wakasenyaka andja. Kete yakadidima, yakasaki lukumba.

Esambu 84:2

Lumu lami latukumbulaka ndjala lu seke diʼetemwelo ka Latuyalaka Edja ndu dimba diambukita balakata. Utema ami la dimba diami watukumbulaka Unyashungu a lumu.

Esambu 9:8

Ndi atulumbuyaka andja tshe la sambu kʼololo; Ndi atolombolaka antu lu yediko yʼusimbwi.

Esambu 90:11

Akona ateyaka wulu wa kele kaye, Lu yediko yahumbasu mbuka ududu aye woma?

Esambu 90:2

Ntundu akuna watatungama, Ndu we atatungi kete la andja, Umaka mombokombola, we keli Unyashungu.

Esambu 93:2

Kiti kaye kakashikikalaka umaka nshi yʼedjedja. We atuyalaka umaka mombokombola.

Esambu 97:4

Angadimu andi watosenyaka andja, Kete yakenyi, yakasaki lukumba.

Isaya 37:17

Latuyalaka li, uhuke tui, umbukeli! We Latuyalaka, udihuli ashu aye, endi! Uki aui tshe wa Senakeribe wakandatumi dia nkotenga, we Unyashungu a lumu.

Isaya 37:4

Undu, Latuyalaka, Unyashungu aye, akuki aui wʼolombodi wʼalimbi wakatumi khumendi, khumʼekanga kʼAsuriya, dia monyola Unyashungu a lumu. Latuyalaka, Unyashungu aye, ayuhangwela ne dia aui wakanduki, undu. Okone olombele atshikadi ane Unyashungu.

Isaya 40:15

Enda, wedja wʼantu weko uku dipopo diʼashi lu mbaka. Vo weli uku loseke la ditshu ladiku dia kilo. Enda, ndi atediaka wedja wa lʼasenga uku toseke ta ditshu.

Isaya 40:28

We ateyi? We atuki? Unyashungu a pundju, Latuyalaka, Utungi wa kuma ya kete, Hatokomoka dimba, hatuhekoka. Nduku untu leya mbedika yimba yandi.

Isaya 57:15

Ne dia KhumʼUlungu, kanga edjaselu ka pundju Ndu kanga lukumbu lʼekila, kata ati: Dimi layudjase ladiku lu dihuli diʼekila, Kame la kanga utema wambate ndu wa ndjakitshakitsha, Dia mbulula lumu la kanga ndjakitshakitsha La nkikitsha kanga utema wambate.

Isaya 65:16

One latulangaka ntshokwama lu kete, Ayulanga ntshokwama paka le Unyashungu a mete, La one latutshibaka lu kete, Ayutshibaka paka le Unyashungu a mete, Ne dia asui wa ntundu wambuhamamela, wambumo lu ashu ami.

Jeremiya 23:36

Tanyutaki ntu nyati: Endelu ka Latuyalaka, ne dia endelu kako kambuyala diui dia untu tshe. Nyu nyambufutanya aui wa Unyashungu a lumu, Unyash: ngu asu, Latuyalaka Kanga lulimbilimbi.

Jeremiya 4:2

Naka nyu nyayutshiba nyati: Uku eli Latuyalaka la lumu! Lu mete, lu sambu kʼololo, ndu lu ololo, Ku wedja wayotshokwama le ndi. Lu dikambu diandi, kayuyala lutumbu lawo.

Jeremiya 4:24

Dimi lakenyi ekungu, enda, vo wakadidima, Lʼakuna tshe wakasukasuka.

Jeremiya 50:46

Kete yambudidima la lundju lʼeoselo ka Babilona; tukuku tawo tambukema lʼatei a wedja tshe.

Jeremiya 51:29

Kete yambusukasuka, yambudidima la kandji, Ne dia sangweyu dia Latuyalaka Lu dikambu dia Babilona diambushidiyama. Ndi utsha mbete kete ya Babilona tongo, aha la untu.

Danyele 4:3

Ndi tulimbitelu tandi waki li! Ndi akambu andi mamba li! Diulelu diandi, dieko diulelu dia pundju, Diayuyalaka lu nonga la nonga.

Danyele 4:34

Lamʼaketi etena kako dimi, Nebukadineza, lakedia ashu utsha lʼulungu, ku lakayala la yimba ntu. Dimi lakatumbula KhumʼUlungu, lakandula ndu lakalemia one latulumbaka pundju. Ne dia diulelu diandi, dieli dia pundju, Diayuyalaka lu nonga la nonga.

Danyele 6:26

Dimi lambudja didjangu nti: Lʼatei a diulelu diami tshe antu wukaki Unyashungu a Danyele woma, wadidimaki la ntundu kandi, Ne dia ndi keli Unyashungu a lumu, latulumbaka pundju, Ndu lukhumʼekanga landi halushilaki pundju.

Danyele 6:27

Ndi katutshungulaka ndu katushimbelaka. Ndi katutshaka tulimbitelu ta waki La akambu wa mamba lʼulungu ndu la kete. Ndi kakashimbedi Danyele uma lu wulu wa tambwe.

Danyele 7:14

Wakawusha luwandji, lutumbu, La diulelu dia antu tshe, wedja, La antu wʼeteketa tshe ndjala lʼokongo andi. Luwandji landi, leli luwandji la pundju, lahashilaki. La diulelu diandi, hadiulanyemaki pundju.

Joele 2:11

Latuyalaka ambukia diui diandi La ntundu kʼului andi wʼalimbi, Ne dia pangu kandi keli wuki efula; Ne dia ndi eko la wulu wa nshidiya diui diandi; Ne dia lushi la Latuyalaka leko wuki ndu woma wa mamba, Akona ukuki nshikikala lu lushi lako?

Mika 1:4

Ekungu wayolelo la tshina diandi, Ndu ekidi Wayutate elonge. Uku elungu lasuki la dja, Uku ashi mbambuwutshulula lʼehulula.

Nahuma 1:5

Ekungu wambudidima la ntundu kandi, Akuna wambolelo. Kete yambunyiama la ntundu kandi, Ee, andja la wane tshe wudjashi loko.

Nahuma 1:6

Akona eya memala la ntundu ka kele kandi? Akona eya nshikikala lu luhaladi la kele kandi? Ududu andi wambutshulo uku dja. Ave watatateka betshi betshi la ntundu kandi.

Habakuka 3:10

Ekungu wakakenyi, wakuki woma. Pedu kʼashi kaketi. Ohongo wakukia diui diawo, Wakeme anya awo utsha lʼulungu.

Habakuka 3:6

Ndi akemala, akedika kete. Ndi akendi, akahandjula wedja vwa. Ekungu wa pundju wakahandjo. Akuna wʼedjedja wakakitakita. Mbuka yandi yaki uku ya lu nshi yʼedjedja.

Malaki 3:2

Keli untu akona ayeya mbidjase lu lushi lʼeyelu kandi? Ndu akona ayemala lamʼayundene? Ne dia ndi eko uku dja yʼombedishi a mbulu, ndu uku umandja wʼusudi wʼahondo,

Mateu 16:16

Simona Petero akâkaluya diui ati: Kristu keye Onʼa Unyashungu a lumu.

Mateu 26:63

Keli Jesu akatshikala ki. Olombedi a ladiku akawutela ati: Dimi lambukolomba lu lukumbu la Unyashungu a lumu ndi: Ututeli kana Kristu keye, Onʼa Unyashungu.

Joani 17:3

Lumu la pundju lone, eli nkeya, weme Unyashungu wa mete, la Jesu Kristu, lakayatumi.

Etsha wa Atumami 14:15

Wayone, okoko wana wambunyutsha okone? Ndu shu mbeli antu, wakatungama uku nyu. Shu tambunyela lukumu lʼololo, dia nyu nkadimo uma lʼakambu ane wʼanyanya utsha le Unyashungu a lumu, lakatungi ulungu la kete ndu ashi a wuki la diango tshe dieli loko.

Euhwelu kʼElembe 32:4

Dive dia wuki, ulimu andi weli uluwanyi; Ne dia mbuka yandi tshe yeli sambu kʼololo. Unyashungu a kolamelu, aha la kolo, Ndi eli ololo ndu usimbwi.

Euhwelu kʼElembe 5:26

Untu akona akuki diui dia Unyashungu a lumu ateketa lʼatei wa dja uku shu, ku ndi ntshikala la lumu?

1 Tesalonika 1:9

Ne dia vame watutelaka antu dikambu diasu, uku akatakumi le nyu, la uku akanyakadimo le Unyashungu uma le dikishi, dia ntemola Unyashungu a lumu, a mete;

1 Timote 1:17

Kakiane khumʼekanga ka pundju, kaha-vu, kahenama lu ashu, Unyashungu wame, kenemo la lutumbu wayali le ndi pundju pundju! Ayali osoku!

1 Timote 6:17

Ewuli akanga wʼengonyi wa lʼetena kene, dia vo tawutakulaki, ndu tawulu-ngamelaki efumbofumbo kʼongonyi, keli walungameli Unyashungu, latutushaka diango tshe ushasha ne dia ntongenyange-nya;

Heberu 10:31

Dikambu dia mbuka woma mbedio, dia nko lanya wa Unyashungu a lumu.

Jashua 3:10

Jashua akawatela ati: Lu dikambu ne, mbayunyeya nyati: Unyashungu a lumu eko lʼatei anyu, la ndi kayutatshanyaka asi Kanana, asi Hiti, asi Hiwi, asi Perizi, asi Ngiringashe, asi Amora lʼasi Jebuse uma la ntundu kanyu.

1 Joani 5:20

Shu mbeyaka shati: Onʼa Unyashungu akayi. Ndi akatusha yimba ya nimbitela one leli mete. Shu teko lʼutema wa one leli mete, lʼutema wa Onʼandi Jesu Kristu. One eli Unyashungu a mete, ndu lumu la pundju.

Enyelo 20:11

Dimi lakenyi kiti ka wuki ka wema ka diulelu, ndu one lakadjashi loko; ulungu la kete wakamo uma lu ashu andi. Dihuli diawo kuntanema ntu.

Embadi 5:4

Latuyalaka li! lamʼakayatumbi uma la Seire, Ndu lamʼakayayayakaka lʼusui wa Edome, Kete yakadidima, ulungu akakungo, Ndu angi wakatshula ashi.

1 Samuele 17:26

Davidi akambula apami wakemadi lasuki la nti ati: Kayuwutshela untu lavudiaka usi Filistiya uku, ndu layunya Isariyele lu sonyi? Na usi Filistiya uku laki kumbahema uhekeli, ladja elui wʼalimbi wa Unyashungu a lumu tofwefwe?

1 Samuele 17:36

Ukambi aye akadiaki tambwe la laundu, usi Filistiya one, laki kumbahema uhekeli, ayuyala uku kemotshi lʼatei ayo, ne dia ndi ambudja elui wʼalimbi wa Unyashungu a lumu tofwefwe.