Jeremiya 1:17 - La Bible en Otetela (Bible K'Ekila) 1991

¹⁷ Uneli, ukikitsha uya, uwateli kene tshe kayumukutela. Tudidimaki la ntundu kawo, ne dia dimi latukukudidimia la ntundu kawo.

Jeremiya 1:17 Iomraidhean Croise

1 Khumi ya Dikanga 18:46

Lunya la Latuyalaka laki le Elidja. Ndi akakikitsha uya, akatalawoka la ntundu ka Ahaba utsha lʼeotwelo ka Jezerele.

2 Khumi ya Dikanga 1:15

Ondjelo wa Latuyalaka akatela Elidja ati: Uhulo la ndi, tuwukaki woma. Okone ndi akunela, akahulo la ndi utsha le khumʼekanga.

2 Khumi ya Dikanga 4:29

Ku Elisha akatela Ngehazi ati: Olote uya lu lukindi, ukimeli danga diami lu lunya, utshu. Naka we ayuhumana lʼuntu, tuwemulaki. Ndu naka untu ayukemula, tukaluyaki diui. Kutahe danga diami lʼelundji kʼona.

2 Khumi ya Dikanga 9:1

Umvutshi Elisha aketi otoi omotshi wʼana apami wʼamvutshi, akawutela ati: Olote uya lu lukindi, ose sai kene kʼiso, utshu la Rumota-Ngiliyade.

Jobo 38:3

Ukikitsha uya uku pami! Dimi layanga nkumbula embula, keli we unkaluya aui.

Etumbelu 3:12

Unyashungu akakaluya diui ati: Mete, dimi layuyala la ye. One ayuyala djimbitelu le ye ati: Dimi nkukutumi. Lamʼayuyutundja wudja uma lʼEdjibitu, nyu nyayuyontemola Unyashungu lʼukungu one.

Etumbelu 7:2

We ayutaka aui tshe wayumukutelaka, ku onanyo Arona ayoteketaka le Farayo, dia ndi nkimo asi Isariyele, dia vo ntumba uma lu kete yandi.

Jeremiya 1:18

Enda, dimi lambukete elo uku usumba wudingami lukumbu, uku ekoho ka luwulu, uku peli diʼehotela, le wudja tshe, le khumi ya dikanga ya la Juda, le ewandji awo, le elombedi awo ndu le antu tshe wa lu wudja.

Jeremiya 17:18

Waku watunsuyaka, wutshami sonyi, Keli dimi tambutshamaki sonyi. Vo wasaki lukumba, Keli dimi tansakaki lukumba, Uwaela lushi lʼelanyelu uwalanya lʼasui a wulu.

Jeremiya 23:28

Umvutshi lakenyi do, asakuli do diako, keli one lakuki diui diami, ataki diui diami la kolamelu. Okoko wana wasohanyawo puhudi la epunga? mbambula Latuyalaka.

Jeremiya 26:12

Ku Jeremiya akatela ewandji tshe la wudja tshe ati: Latuyalaka kakantumi dia ndjuta aui tshe wakanyuki lu dikambu dia luudu lone la usumba one.

Jeremiya 26:2

Latuyalaka kata ati: Utemali lu seke dia lukumbu la luudu lami, dimi Latuyalaka. Uteli waku wambuya uma lʼesumba tshe wa Juda dia ndjontemola lu luudu lami aui tshe wamumukudjangela dia we mbatela. Tutshikaki nduku diui.

Jeremiya 36:8

Baruka, onʼa Neriya, akatshi akambu tshe wakawutela umvutshi Jeremiya. Ndi akatala aui wa Latuyalaka lu buku lu luudu la Latuyalaka.

Delu dia Jeremiya 3:57

We akasukana lamʼakamaketi, We akati wati: Tukaki woma.

Jona 3:2

Unela, utshu lʼusumba a wuki uku wa Niniva. Utasambishaka esambishelu keku kakamakudjangela.

Luka 12:35

Nyolote eya lu kindi yanyu; nyohetsha atala anyu.

Etsha wa Atumami 20:20

Dimi kumbuka woma wa nyutela akambu tshe wʼololo, lakanyetshaka lʼatei wʼantu, ndu lu luudu la luudu,

Etsha wa Atumami 20:27

ne dia dimi kumbuka woma wa nyutela yimba tshe ya Unyashungu.

1 Koreto 9:16

Naka dimi lambusambisha lukumu lʼololo, dimi kema la dikambu dia ndjatumbula, ne dia okende weko ladiku diami. Fono keko le mi, naka dimi halasambisha lukumu lʼololo!

1 Tesalonika 2:2

Keli lamʼakawatusuya ntundu, ndu lamʼakawatutsha sonyi la Filipi, uku weyanyu, shu takakikitala le Unyashungu asu, dia nyutela lukumu lʼololo la Unyashungu lʼatei wʼasui efula.

1 Petero 1:13

Okone nyolongosole tumba tanyu, nyuyali ki. Nyushikike elungamelu kanyu lu ngandji ka mamba kayuwunyusha lʼenelo ka Jesu Kristu.