Jeremiya 1:16 - La Bible en Otetela (Bible K'Ekila) 1991

¹⁶ Dimi layalumbuya dikambu dia kolo yawo tshe, ne dia vo wakanseke, wakatshumbela ditemolatemola malashi, ndu wakatemola elimu wakawatshi lʼanya awo.

Jeremiya 1:16 Iomraidhean Croise

2 Khumi ya Dikanga 22:17

Vo wakanseke, wakatshumbela ditemolatemola malashi dia mbukiami kele uma lʼelimu tshe wakawatshi lʼanya. Diako mbambufula kolo kami wulu lu dihuli ne; to hushila.

2 Ekondo 15:2

Ku ndi akatshu dia ntuhumana la Asa, akawutela ati: Asa, we la asi Juda tshe, la asi Bendjamina nyumbukeli. Latuyalaka atuyalaka la nyu lamʼayunyuyalaka kame la ndi. Naka nyu nyayuyanga, nyu nyayutana; keli naka nyu nyavoseka, ndi ayunyoseka.

2 Ekondo 28:2

Ndi akakendakendaka lu mbuka ya khumi ya dikanga ya Isariyele. Ndi akatshi dikishi dia lolelola dikambu dia WaBala.

2 Ekondo 34:25

Vo wakanseke, wakatshumbela ditemolatemola malashi dia mbukiami kele uma lʼulimu tshe wakawatshi lʼanya. Diako mbambufula kele kami wulu lu dihuli ne; to hushila.

2 Ekondo 7:19

Keli naka nyu nyayukadimo, naka nyu nyayoseka adjangu ami la elembe ami wakamanyudjela, naka nyayutsho le ditemolatemola dia ditemola,

Isaya 2:8

Wudja awo wambulula too la dikishi. Vo watotemolaka ulimu wʼanya awo, Ee, kene kakawatshi la pita yawo vame.

Isaya 37:19

Vo wakatshumbi ditemolatemola diawo lu dja, ne dia dio diaki paka ditemolatemola diakawatshi uma lʼetamba lʼave, diako mbakawadilanya.

Isaya 44:15

Utamba ako atukimanyiaka untu dia mpetsha dja. Ndi atuwunaka kunyi, atohetshaka dja, atuyukaka, atukateka ma. Ku ndi atutshaka etemolatemola la wo, atukitemolaka, atoselaka ekishi, atukikhusamelaka.

Isaya 65:3

Nyu nyeli wudja watumbutshaka kele ndu la ntundu kami, Watulambulaka elambu lu dikambo, Watutshumbaka elambu wa malashi ladiku diʼatafadi.

Jeremiya 10:15

Dio dieli anyanya, ulimu wa lukesu. Lamʼayuya elumbwelu, dio diayulanyema.

Jeremiya 10:3

Ne dia ditshelu dia wedja dieli anyanya, Antu watokotala utamba lʼukunda, ku utshudi ndjoselaka la kaku.

Jeremiya 11:12

Ku esumba wa Juda la asi Jerusalema wayutulelela ditemulatemola diatuwutshumbelaka malashi. Keli dio hadiuwashimbela nduku yema lu etena kawo kʼelanyelu.

Jeremiya 11:17

Latuyalaka Kanga lulimbilimbi lakakune, ambuketele elanyelu, ne dia kolo ka khumbu ka Isariyele la khumbu ka Juda, kakawatshi dia mbutsha kele lamʼakawatshumbela Bala malashi.

Jeremiya 15:6

We akantuni, akakalula ekongokongo, mbata Latuyalaka. Diako mbamumusimbula lunya lami dia nkolosha la nkulanya. Dimi lambuheko nkuka ketshi.

Jeremiya 16:11

Ku we ayakaluya diui wati: Latuyalaka kata ati: Ne dia washenyu wakanseke, wakayelaka ditemolatemola, wakaditemolaka, la waka-dikhuselaka adui. Vo wakanseke, kunkitanyia elembe ami.

Jeremiya 17:13

Latuyalaka, we keli elungamelu ka Isariyele. Waku tshe watukosekaka, wayutshama sonyi. Waku wambangana uma le ye, Wayufundama kumbu la kete, Ne dia vo wambukoseka we Latuyalaka, eteko kʼashi wa lumu.

Jeremiya 18:15

Wudja ami wambumbuhela, Wambutshumbela ditemolatemola malashi. Vo wakatakana lu ditshelu diawo Lamʼakawakendakendaka lu mbuka yʼedjedja. Vo waketetaka lu tuwuka, lu mbuka yahatalongoswama.

Jeremiya 19:4

Vo wakanseke, wakalanya dihuli ne, wakatshumbela ditemolatemola diakiwo kumbeya, vo la washewo la khumi ya dikanga ya Juda, malashi loko. Vo wakaludia dihuli ne la dikila diʼantu waha la unungu.

Jeremiya 2:13

Wudja ami wambutsha kolo hyendi: Vo wakanseke, dimi eteko kʼashi wa lumu, Ndu wakayatshimela afuku wʼashi, Wako weli la elonge, waheyi nkimela ashi.

Jeremiya 2:17

Aha ne dia nyu nyakaseke Latuyalaka, Unyashungu anyu, Lamʼakandayanyolombolaka lu mbuka, Mbambuyala dikambu ne le nyu?

Jeremiya 2:19

Kolo kanyu kayunyuhangwela, la uhedia anyu wayunyusuya. Nyeyi, ndu nyulimbiteli nyati: Dikambu ne diakanyatshi dia nseka Latuyalaka, Unyashungu anyu, La diaha mbuka woma dieko kolo ndu ululu Mbata Khumadiondjo, Latuyalaka Kanga lulimbilimbi.

Jeremiya 2:28

Lendʼeli ditemolatemola dianyu, diakanyayatshela? Diemali, naka dio mbeyaka nyushimbela lu etena ka pa! We Juda, uku eli efula kʼesumba anyu, Mbeli efula ka ditemolatemola dianyu.

Jeremiya 4:12

Luhaladi lako layuya uma leko dikambu diami. Kakiane dimi lutsha mbalumbuya dumbu dia wulu.

Jeremiya 4:28

Ne dia dikambu ne, mbayuyala kete la utanda, Ndu mbayuyala ulungu udjima utu. Dimi lakati dikambu diako, lakadisanguya, Diako mbahamalembe utema, mbahamukadimo uma loko.

Jeremiya 44:17

Keli shu tayutshaka akambu tshe uku wutshisu dia ntshumbela khumʼekanga ka umuntu ka lʼulungu malashi, la dia mbulambulaka elambu wa lutela, uku akatatshaka, shu la washesu, khumi ya dikanga yasu la ewandji asu lu esumba wa Juda ndu lu tushinga ta Jerusalema, ne dia lu nshi sho, shu takayalaka la mbu ya nde efula, takenaka olo, kumpumoka nduku lukulu lʼengeno.

Jeremiya 5:29

Undi, dimi halasuya ne dia akambu aso? Dimi hasombweya utema ami le wudja wa wuhu oso? Mbata Latuyalaka.

Jeremiya 5:9

Undi, dimi haluwalumbuya lu akambu ane? Dimi halosombweya utema ami wuhu one wa wudja? Mbambula Latuyalaka.

Jeremiya 51:17

Untu tshe atuyalaka enginya lu yimba yandi. Utshudi a paunyi tshe atutshamaka sonyi uma lu dikishi diandi Ne dia dikishi diandi dia lolelola dieli kashi, Dio kema la lumu.

Jeremiya 7:17

Undi, we henyi akambu watuwutshaka lu esumba wa Juda ndu lʼesese wa Jerusalema?

Jeremiya 7:18

Ana watunaka kunyi, washewo wato-ngonyaka dja, amantu watosohanyaka shima dia nkatela khumʼekanga ka umuntu ka lʼulungu ekati, ndu dia ntshulwela ditemolatemola elambu awo wa lutela, dia mbutshami kele.

Jeremiya 7:9

Undi, nyu nyayuvaka, nyayudiakaka antu, nyayunanaka luseka, nyayutshibaka utshibatshiba, nyayutshumbelaka Bala malashi, nyayuyelaka ditemolatemola diahanyeye?

Ezekiyele 16:18

Ku we akose ahondo aye wʼasangu asangu, akadikumbi. We akakitsha iso kami la malashi ami la ntundu kadio.

Ezekiyele 24:14

Dimi Latuyalaka lambuta diui, dio diayushidiyama. Dimi layuditsha; dimi haka-dimo, halukuka ketshi, halembe utema. Vo wayukulumbuya uku aki lokewo laye, ndu ditshelu diaye, mbata Khumadiondjo Latuyalaka.

Hosea 11:2

Lamʼakamatetemala mbaeta, Vo wakaleki mangana uma le mi. Vo wakatetemala nambula WaBala elambu, La ntshumbela dikishi malashi.

Hosea 8:6

Utshudi kakatshi efanelu ka ngombe; to kema Unyashungu. Diako mbayatshatshema efanelu ka ngombe ka Samariya betshi betshi.

Joele 2:11

Latuyalaka ambukia diui diandi La ntundu kʼului andi wʼalimbi, Ne dia pangu kandi keli wuki efula; Ne dia ndi eko la wulu wa nshidiya diui diandi; Ne dia lushi la Latuyalaka leko wuki ndu woma wa mamba, Akona ukuki nshikikala lu lushi lako?

Etsha wa Atumami 7:41

Lu nshi sho, vo wakatshi efanelu kʼosongo a ngombe, wakalambula ekishi kako elambu. Vo wakangenangena dia elimu wʼanya awo.

Euhwelu kʼElembe 28:20

Latuyalaka ayunyutumela mananu, ufutanu ndu lukulu lʼengeno lu akambu tshe wayunyushak, edja ndu lamʼayunyulanyema la nshila shashimuya dikambu dia etsha anyu wa kolo, ne dia nyu nyambonseka.

Euhwelu kʼElembe 31:16

Latuyalaka akatela Mose ati: Ulungi, we utsha ntsho le washo. Ku wudja one wayunela, wayonseka, wayulanya sheki yakamadji la wo, wayekesanela la ditemolatemola diʼangendangenda dia lu kete, lene atawatshu.

Jashua 24:20

Naka nyayoseka Latuyalaka, dia ntemola ditemolatemola diʼasi wedja, ndi ayukadimo, ayunyutshela kolo uku akandanyutshela ololo, ayunyudiaka.

Enyelo 9:20

Antu akina waki kundjakema la asui aso asatu, kunkadimula etema uma lʼelimu wʼanya awo. Vo kunkimo ntemola edienge, ndu dikishi dia paunyi, ndu dia fesa, ndu diʼehotela, ndu dia ave, ndu diʼetamba, wane waheyi mena kuyanga mbuka, kuyanga nkendakenda.