Jeremiya 1:10 - La Bible en Otetela (Bible K'Ekila) 1991

¹⁰ Enda, dimi lambukukitsha elo Ladiku dia wedja ndu ladiku dia waulelu, Dia we mpikula la nyukula. Dia we nanya la mpandjula, Dia we mpika la mune.

Jeremiya 1:10 Iomraidhean Croise

1 Khumi ya Dikanga 17:1

Elidja, usi Tishibe ya la Ngiliyade, akatela Ahaba ati: Uku eli Latuyalaka, Unyashungu wa Isariyele, latumukambelaka ulimu la lumu! lopopo kana mvula huyala deku satu ne, tshikima lambuta diui.

1 Khumi ya Dikanga 19:17

Okone one layuhanda yombo ya Hazaele, Jehu ayudiaka. La one layuhanda yombo ya Jehu, Elisha ayudiaka.

Undaki 3:3

etena ka ndjaka, la etena ka nkonoya; etena ka mpandjula, la etena ka mpika;

Jeremiya 1:5

Ntundu dimi latakutungi lʼutema wa nyo, dimi lakakeyi, Ndu ntundu we atatumbi uma lʼutema wa nyo, dimi lakakukidia. Dimi lakakosonola umvutshi wa wedja.

Jeremiya 24:6

Dimi layuwaendaka dia mbatshela ololo dimi layakaluya lu kete nye. Dimi layashikike, haluwahandjula. Layuwaune, haluwakula.

Jeremiya 25:13

Dimi layutshela kete ku uku aui tshe wakamati lu dikambu diayo, aui tshe wufundami lu buku ne, wakataka Jeremiya lu dikambu dia wedja tshe.

Jeremiya 31:28

Uku akamawaendaka dia mbakula, mbahandjula, mbalembia, mbalanya, la dia mbasuya, wuhu ako mbayumuwaendaka dia mpika la dia mune, mbata Latuyalaka.

Jeremiya 31:40

Ukidi tshe wa edu ndu wʼetuku, la esui tshe pulu ndu lu okedi wa Kidirona, edja ndu la tshuku dia Suku dia Falasa utsha lʼehutwelu ka unya wayukidiama le Latuyalaka. Vo hawunyukwama kuyanga nanyema ntu pundju.

Jeremiya 36:2

Ose wombo wa buku, ufundi aui tshe wakamakutelaka lu dikambu dia Isariyele, dia Juda, ndu dia wedja tshe uma lu lushi lakamateketa la ye, lu nshi ya diulelu dia Josiya edja ndu elo.

Jeremiya 44:27

Nyuki, dimi latuwaendaka dia mbatshela kolo, aha ololo. Asi Juda tshe weli lu kete ya Edjibitu wayuvo la yombo ndu la ndjala ka kasha edja ndu wambushila ushiki.

Jeremiya 45:4

Kuwuteli wati: Latuyalaka kata ati: Kene kakamahiki, kayumuhandjula; la kene kakamune, kayumuhikula; kana mvuta ati: Wudja one tshe.

Ezekiyele 21:19

We onʼa untu, osonole mbuka hyendi ya yombo ya khumʼekanga ka Babilona ndja. Mbuka yako hyendi yayutumba uma lu wudja otoi. Utshi djimbitelu, uyikitsha lʼote a mbuka lʼusumba.

Ezekiyele 23:36

Latuyalaka akambula ntu ati: Onʼa untu, we ayulumbuya Ohola la Oholiba? Uwateli akambu awo wa wononyi.

Ezekiyele 32:18

Onʼa untu, uleli lu dikambu diʼului wʼasi Edjibitu, uwadji vo la ana amantu wa wedja a wulu lʼesi a kete, kame la waku watahulo utsha lu Difuku:

Ezekiyele 36:36

Wedja wakatshikala wa lʼetshimba anyu, wayeya vati: Dimi Latuyalaka kakahiki ahuli wakanyuko, ndu kakune diango lu ahuli wʼelanyelu Dim. Latuyalaka kateketa, layutsha osoku.

Ezekiyele 43:3

Enelo kako kaki uku enelo kakamenyi lamʼakamayi dia ndjulanya usumba; enelo kako akafani la enelo kakamenyi lʼumamu wʼokedi wa Kibara. Ku dimi lakako ekhukhumadi la kete.

Hosea 6:5

Diako mbakamawatshatsha le amvutshi. Dimi lakadiaki la aui wʼuma lʼunyo ami; Dumbwelu diami diatohetaka uku usasi.

Amose 3:7

Mete, Khumadiondjo Latuyalaka hatutshaka nduku dikambu, Tshikima ndi ambutashudi dikambu diandi Dia lu usheshe le ekambi andi amvutshi.

Amose 9:11

Lushi lako, dimi layunyia etumbu ka Davidi kakanyuko. Dimi layolongosola ahuli wakatatundo, Layolongosola ahuli wakatalana. Dimi layukihika uku akito lu nshi ya ntundu,

Zekariya 1:6

Undi, aui ami la adjangu ami wakamatelaka ekambi ami amvutshi, kunkumaka le washenyu? Vo wakakadimo, wakati ati: Uku akakani Latuyalaka Kanga lulimbilimbi dia ntutshela uku mbuka yasu, la uku etsha asu, wunu ako mbakandatutshela.