Jashua 9:27 - La Bible en Otetela (Bible K'Ekila) 1991

²⁷ Ku Jashua akawasha ulimu wa muna kunyi la memba ashi wʼului wʼantu, ndu wʼediakelu ka Latuyalaka, lu dihuli diayundosonola. Elimu ako mbatuwutshaka edja ndu elo.

Jashua 9:27 Iomraidhean Croise

2 Ekondo 2:16

Ku shu tayokota etamba wa la Lebanona uku ayuyuhumba. Shu tayekeleka dikanda, tayukutumelawo lu ashi a waki uku nendi utsha la Jopa, ku we ayuyuwemba uma leko utsha la Jerusalema.

Walelu 31:28

Kosele Latuyalaka ulambu uma le andoshi wa ta wakatshu lu ta okone: uma lʼatei wa kama tshanu yʼantu, untu otoi; uma lʼatei a ngombe, otoi; uma lʼatei a punda, otoi; ndu uma lʼatei wʼekoko, otoi.

Walelu 31:30

Ndu, uma lu etenyi ka hendi kʼasi Isariyele, kuwosele okone: uma lʼatei wa akumi atanu wʼantu, untu otoi; uma lʼatei a ngombe, otoi; uma lʼatei a punda, otoi; ndu uma lʼatei wʼekoko, otoi, uma lʼatei a dungalunga tshe. Kuyisha asi Lewi wane weli la okende wʼetemwelo ka dipema ka Latuyalaka.

Walelu 31:47

uma lu etenyi otoi ka hendi kʼasi Isariyele, kakose Mose otoi otoi uma lu akumi atanu atanu wʼantu ndu wa nyama, akasha asi Lewi, wane waki la okende wʼetemwelo ka dipema ka Latuyalaka, uku diui diakatela Latuyalaka Mose.

Euhwelu kʼElembe 12:11

Ku Latuyalaka, Unyashungu anyu, ayosonola dihuli dimotshi dia nkitsha lukumbu landi leko. Leko kayunyutukimoka kene tshe kamumunyudjangela: elambu anyu wa lutshumba, la elambu anyu ekina, tenyi dianyu dia dikumi, laelonga anyu la elambu anyu wa daka, wayunyukimoka le Latuyalaka, dia nshidiya alaka anyu.

Euhwelu kʼElembe 12:14

Keli kanyulambulaki elambu anyu wa lutshumba lu dihuli diayosonola Latuyalaka, lu diuhu dianyu dimotshi. Leko kayunyututshaka kene tshe kamumunyudjangela.

Euhwelu kʼElembe 12:5

Keli kanyuyangi dihuli diayosonola Latuyalaka, Unyashungu anyu, lʼatei a wauhu anyu, dia ntukitsha lukumbu landi la ntsha edjaselu kandi leko.

Jashua 9:21

Vo wayu-tshikala la lumu, mbakawatela ewandji. Keli vo wayuyala amunyi wa kunyi la amembi wʼashi wʼasi Isariyele tshe, uku akawatela ewandji.

Jashua 9:26

Ndi akatshela osoku, akashimbela uma lʼanya wʼasi Isariyele. Okone vo kumbadiaka.