Jashua 9:10 - La Bible en Otetela (Bible K'Ekila) 1991

¹⁰ ndu uku akandatshela khumi ya dikanga hyendi yʼasi Amora la wedi wa Jorodana; Sihona, khumʼekanga ka Heshibona, la Onga, khumʼekanga ka Bashana, lakadjashi la Ashitorata.

Jashua 9:10 Iomraidhean Croise

Etatelu 14:5

Keli lʼeleku ka dikumi lʼanei, Kedorolaomera la khumi ya dikanga yaki kame la ndi wakayi. Vo wakayolembia asi Refa lu kete ya Ashetarota-Karanayima, la asi Zuzima lu kete ya Elama, ndu asi Emime lu kete ya Shave-Kiriyatayima,

1 Ekondo 6:71

Vo wakasha asika Ngereshome uma lʼetenyi ka hendi ka diuhu dia Manase, Ngolano ka la Bashana la utshimba awo, Ashitarota la utshimba awo;

Walelu 20:14

Mose akatumi akendji uma la Kedeshe utsha le khumʼekanga ka Edome, dia ntuwutela ati: Onanyo Isariyele kata okone ati: We mbeyaka asui tshe wakayi le su!

Euhwelu kʼElembe 1:4

Akambu aso wakayala lʼokongo wʼelembiamelu ka Sihona, khumʼekanga kʼasi Amora lakadjashi la Heshibona, la Onga, khumʼekanga ka Bashana, lakadjashi lu Ashitarota ndu lu Ederei.

Euhwelu kʼElembe 2:30

Keli Sihona, khumʼekanga ka Heshibona, kumbetawo shu mbeta lu wudja andi, ne dia Latuyalaka, Unyashungu anyu, akete lumu landi lunyu ndu akakeketsha utema andi dia ndi mbukimo lu anya anyu, uku lu lushi lʼelo.

Jashua 12:4

La Onga, khumʼekanga ka Bashana, lakatshikala ndame uma lʼatei wʼasi Refayima, akadjase la Ashitarota ndu la Ederei.

Jashua 13:31

etenyi ka hendi ka Ngiliyade, Ashitarota la Ederei, esumba wa diulelu dia Onga ka la Bashana. Oso aki kete yʼukito yʼasi Makira, onʼa Manase, etenyi ka hendi kʼasi Makira uku khumbu yawo.

Jashua 2:10

Shu takuki uku akumia Latuyalaka ashi wʼUduwa a Tilili la ntundu kanyu lamʼakanyatumbi uma lʼEdjibitu. Ndu takuki uku akanyatshela khumi ya dikanga hyendi yʼasi Amora, Sihona la Onga, la wedi wa Jorodana, la uku akanyashili ushiki.

Jashua 2:9

Ndi akawatela ati: Dimi mbeyaka nti: Latuyalaka ambunyusha kete nye. Woma wa mamba wanyukasu wambutunda, etema tshe wʼakanga a kete nye wambuyala ashi atu la ntundu kanyu.

Jashua 9:11

Ku dihangamendi diasu la asi kete yasu tshe wakatutela vati: Nyukimeli diango dia nde dia lokendo, nyutshu, kanyutuhumani la wo. Kanyutuwateli nyati: Shu teko ekambi anyu; nyokote la su lusalu.

Jashua 9:9

Ku vo wakûkaluya diui vati: Uma lu kete yʼetali mbuyesu, shu ekambi aye, lu dikambu dia lukumu la Latuyalaka, Unyashungu anyu. Shu takuki lukumu landi la akambu tshe wakandatshi lʼEdjibitu,