Jashua 9:1 - La Bible en Otetela (Bible K'Ekila) 1991

¹ Lamʼakakumi lukumu lako le khumi ya dikanga yʼasi Hiti, yʼasi Amora, yʼasi Kanana, yʼasi Perizi, yʼasi Hiwi ndu yʼasi Jebuse yaki la wedi wa Jorodana lu leke lʼakuna ndu lʼukidi wa lʼumamu tshe wʼAshi a Mediteraneya pulu ndu la Lebanona,

Jashua 9:1 Iomraidhean Croise

2 Samuele 24:7

Vo wakatukuma la lungeli la ta la Tura, wakakindula lu esumba tshe wʼasi Hiti, la wʼasi Kanana. Ku vo waketiutsha la Nengebe ka la Juda, wakatukuma la Bere-Sheba,

Etumbelu 23:23

Lamʼatakendakenda ondjelo ami la ntundu kaye, ndu lamʼatandakolombola lʼatei wʼasi Amora, asi Hiti, asi Perizi, asi Kanana, asi Hiwi ndu asi Jebuse, dimi layuwashila ushiki.

Etumbelu 23:31

Layushikike elelu anyu uma lʼUduwa a Tilili pulu ndu lʼuduwa wʼasi Filistiya, ndu uma lʼusui wa shenga edja ndu lu ndjali kʼEyufarate. Dimi layukimo akanga a kete lʼanya anyu, ku nyu nyayuwatshanya uma la ntundu kanyu.

Etumbelu 3:17

Dimi lambunyulaka nti: Layunyutundja uma lʼEdjibitu lene asuwanyu, layunyotola utsha lu kete yʼasi Kanana, yʼasi Hiti, yʼasi Amora, yʼasi Perizi, yʼasi Hiwi, la yʼasi Jebuse, kete yuludi too lʼawele la usanga.

Etumbelu 34:11

Ulami diui diakutelami elo. Enda, dimi layukutshanyia asi Amora, asi Kanana, asi Hiti, asi Perizi, asi Hiwi ndu asi Jebuse uma la ntundu kaye.

Walelu 13:29

Asi Amaleka mbuladi la Nengebe. Asi Hiti, asi Jebuse, lʼasi Amora mbuladi lu leke la lu akuna. Ku asi Kanana mbuladi lʼumamu wʼashi a waki ndu lʼemamu wa Jorodana.

Walelu 34:6

Ulelu anyu wa lu leke lʼedjelu wayuyala lʼumamu wʼAshi a Wuki. Oso ayuyala ulelu anyu wa lu leke lʼedjelu.

Euhwelu kʼElembe 1:7

Nyuneli, nyukimeli mbuka, nyutshu lu leke lʼakuna wʼasi Amora ndu lʼahuli tshe wa lasuki la wo lu Araba lu leke lʼakuna ndu lʼekndi, lu Nengebe, lʼumamu wʼashi a wuki (wetawo: Mediteraneya), lu kete yʼasi Kanana, la Lebanona, pulu ndu lu ndjali ka wuki, ketawo vati: Eyufarate.

Euhwelu kʼElembe 3:25

Lambukosengasenga nti: Etawo dimi ntelio dia ntena kete yʼololo sho ya la wedi wa Jorodana, leke loso lʼakuna wʼamena, ndu Libanona.

Euhwelu kʼElembe 4:49

kame la Araba tshe wa la wedi wa Jorodana, lu leke lʼehutwelu pulu lʼUduwa a Araba, pulu ndu la tshina dia Pisinga.

Euhwelu kʼElembe 7:1

Lamʼayunyukumia Latuyalaka, Unyashungu anyu, lu kete yatanyatshu la ntukita, ndu lamʼayundutshanya wedja efula la ntundu kanyu, asi Hiti, asi Ngiringase, asi Amora, asi Kanana, asi Perizi, asi Hiwi, ndu asi Jebuse, wedja esambeli wunyuleki efula ndu wulu,

Jashua 1:15

edja ndu Latuyalaka ambusha anengenyu mumuya uku nyu, dia ndu vo ndjala la sangu dia kete yambuwasha Latuyalaka, Unyashungu anyu. Okone nyu nyayukalula utsha lu kete ya sangu dianyu, ku nyu nyayutuyisangula, kete yakanyusha Mose, ukambi wa Latuyalaka, la wedi wa Jorodana, lu leke lʼehutwelu ka unya.

Jashua 1:4

Kete yanyu yayuyala uma lʼusui wa shenga lu leke la diku dia kushi, la ukungu uku wa Lebanona pulu ndu lu ndjali ka wuki kʼEyufarate, kete tshe yʼasi Hiti, pulu ndu lʼAshi a waki a Mediteraneya, lu leke lʼedjelu ka unya.

Jashua 10:23

Ku vo wakatshi osoku, wakayi la khumi ya dikanga yako tshanu yakawatundja uma lu wuku: khumʼekanga ka Jerusalema, khumʼekanga ka Heberona, khumʼekanga ka Jaramuta, khumʼekanga ka Lakishi, la khumʼekanga ka Engelona.

Jashua 11:17

uma lʼUkungu a Halaka, weli lu mbuka kʼutsha la Seire, pulu ndu la Bala-Ngada keli lʼukidi wa Lebanona, la tshina diʼUkungu a Heremona. Ndi akandi khumi ya dikanga yawo tshe, akakomola, akadiaki.

Jashua 13:5

kete yʼasi Ngibala la Lebanona tshe, utsha lʼehutwelu, ndu uma la Bala-Ngada keli la tshina diʼUkungu a Heremona, edja ndu lʼeotwelo ka la Hamata;

Jashua 15:12

Ashi a Mediteraneya nbaki ulelu awo lu leke lʼedjelu. Oso aki ulelu wa lʼutshimba wa kete yʼasi Juda, uku khumbu yawo.

Jashua 22:4

Ku kakiane, Latuyalaka, Unyashungu anyu, ambusha anengenyu mumuya uku akandawatela. Nyukaluli, nyutshu utsha lu ngelu yanyu lu kete yanyu, yakanyusha Mose, ukambi wa Latuyalaka, la wedi wa Jorodana.

Jashua 22:7

Mose akatasha etenyi ka hendi ka diuhu dia Manase ukito la Bashama, ku Jashua akayusha etenyi ka hendi kekina ukito lasuki lʼanangu la wedi one wa Jorodana, lu leke lʼedjelu. Okone lamʼakakaluya Jashua utsha lu ngelu yawo, ndi akatshokola;

Jashua 23:4

Nyendi, lambunyusha wedja ene wutshikadi kame la kete ya wedja wakamashili ushiki, uma la Jorodana pulu ndu lʼAshi a Mediteraneya lʼedjelu, lu eukem kʼuwali, dia ndjala etenyi kʼukito ka wauhu anyu.

Jashua 24:11

Nyu nyakateho Jorodana, nyakakumi la Jeriko. Ku asi Jeriko wakalo la nyu, vo lʼasi Amora, asi Perizi, asi Kanana, asi Hiti, asi Ngiringase, asi Hiwi la asi Jebuse. Keli dimi lakakimo lʼanya anyu.

Jashua 3:10

Jashua akawatela ati: Lu dikambu ne, mbayunyeya nyati: Unyashungu a lumu eko lʼatei anyu, la ndi kayutatshanyaka asi Kanana, asi Hiti, asi Hiwi, asi Perizi, asi Ngiringashe, asi Amora lʼasi Jebuse uma la ntundu kanyu.

Jashua 3:17

Elombedi wakatembaka oshete wa sheki wa Latuyalaka wakatushikike ekulu awo lu kete yʼufumbu kʼatei wa Jorodana. Ku asi Isariyele tshe waketi lu kete yʼufumbu, edja ndu lamʼakateho wudja tshe Jorodana.

Jashua 5:1

Lamʼakuki khumi ya dikanga tshe yʼasi Amora ya lu leke lʼedjelu ka Jorodana, la khumi ya dikanga tshe yʼasi Kkanana, ya lʼumamu washi a waki lukumu vati: Latuyalaka akumia ashi wa Jorodana la ntundu kʼasi Isariyele edja ndu lamʼakawashili nteho, etema awo wakayala ashi atu. Vo kundjala la dihunga ntu lu dikambu diʼasi Isariyele.

Jashua 6:27

Okone Latuyalaka aki la Jashua, lukumu landi lakadiangana lu kete tshe.

Jashua 9:7

Ku asi Isariyele wakakaluya diui vati: Undu, nyu mbidjase lʼatei asu, ukundi ukukisu nkota la nyu lusalu?