Jashua 8:35 - La Bible en Otetela (Bible K'Ekila) 1991

³⁵ Nduku diui diakati Mose, diaki Jashua kumbala la ntundu kʼului tshe wa Isariyele, amantu, ana, la angendangenda wakadjashi lʼatei awo.

Jashua 8:35 Iomraidhean Croise

Ezera 10:1

Lamʼakalombaka Ezera ashula kolo, ndi aki lu ndela, akidimo la ntundu ka luudu la Unyashungu. Ku ului a wuki wʼasi Isariyele, apami, amantu lʼana wakamote la le ndi, ku wudja wakaleli wulu.

Nehemiya 8:2

Ku olombedi Ezera akela buku diʼelembe la ntundu kʼului, waki ndu apami ndu amantu, lu lushi la ntundu la ngondo kʼesambeli, dia vo tshe mbeuka la mbelimbitela.

Nehemiya 8:3

Ndi akali lu buku diʼelembe umaka pindju edja ndu unya lʼatei ote lu seke dia hwe la ntundu ka Suku diʼAshi la ntundu kʼapami lʼamantu, ka wane wakeyi mbuka. Wudja tshe wakahukama aui wʼuma lu buku diʼelembe.

Etumbelu 12:38

Ului a wuki wʼantu wa wehu la wehu wakatshu kame la wo, ndu la dungalunga efula, nyimba yʼekoko ndu ya ngombe.

Jeremiya 26:2

Latuyalaka kata ati: Utemali lu seke dia lukumbu la luudu lami, dimi Latuyalaka. Uteli waku wambuya uma lʼesumba tshe wa Juda dia ndjontemola lu luudu lami aui tshe wamumukudjangela dia we mbatela. Tutshikaki nduku diui.

Joele 2:16

Nyusanganya wudja, Nyutshi lusanganya lʼekila. Nyusanganya dihangamendi, Nyusanganya ana, kuyanga wane wakalome awele. Utshuki atumbi uma lu luudu landi, La utshukami uma lu luudu la mbetama.

Zekariya 8:23

Latuyalaka Kanga lulimbilimbi kata ati: Lu nshi sho, antu dikumi wʼuma lʼeteketa tshe wa wedja wayukimela usi Juda otoi lʼuhimbu wa dihondo diandi, wata vati: Shu tayutsho kame la nyu, ne dia shu takuki lukumu ati: Unyashungu eko kame la nyu.

Mako 10:14

Lamʼakenyi Jesu dikambu so, ndi akuki kele; akawatela ati: Nyete tokendakenda wayi le mi, tanyasikeki, ne dia diulelu dia Unyashungu dieli dia antu uku vo.

Etsha wa Atumami 20:27

ne dia dimi kumbuka woma wa nyutela yimba tshe ya Unyashungu.

Etsha wa Atumami 21:5

Lamʼaketi nshi sho, shu takunela, takatshu. Vo tshe, ndu amantu ndu anʼawo, wakatutshindela, edja ndu lamʼakatatumbi uma lʼusumba. Shu takakhuse adui lʼumamu wʼashi, takalombe, takalakana.

Euhwelu kʼElembe 29:10

Nyu tshe nyambemala elo la ntundu ka Latuyalaka, Unyashungu anyu: ete wa khumbu yanyu, dihangamendi dianyu, elombodi anyu wa ta, apami tshe wa Isariyele

Euhwelu kʼElembe 29:11

ndu wadienyu, anʼanyu wa tshitshe, angendangenda tshe wudjashi lʼatei a pangu yanyu, uma le amunyi wa kunyi pulu ndu le amembi wʼashi.

Euhwelu kʼElembe 29:9

Okone nyukitanyia aui wa sheki nye la mbatsha, mbayunyuhumo lukulu lʼolo lu akambu tshe wayunyutshaka.

Euhwelu kʼElembe 31:12

Kanyusanganya antu, apami, amantu, ana wa tshitshe, la angendangenda wudjashi lʼatei wʼesumba anyu, dia vo mbuka la mbeka lama mbuka Latuyalaka, Unyashungu anyu woma, la dia nama ololo dia ntsha aui tshe wʼelembe ene.

Euhwelu kʼElembe 4:2

Tanyaheki nduku diui ladiku diʼaui wamumunyutela, ndu tanyunyaki nduku diui uma loko. Keli nyulamaki elembe wa Latuyalaka, Unyashungu anyu, uku amumunyutelawo.