Jashua 8:2 - La Bible en Otetela (Bible K'Ekila) 1991

² Kutsheli Ai la khumʼekanga kawo uku akayatshela Jeriko la khumʼekanga kawo. Paka diango diawo la dungalunga diawo tu, mbayunyuyaosela uku diango dia dimbu. Nyutukitshiya usumba lalu la wedi awo.

Jashua 8:2 Iomraidhean Croise

2 Ekondo 13:13

Jeroboama akakitshiya lalu lʼokongo. Ku alimbi andi wakelanela lʼasi Juda waki la lalu lʼokongo awo.

2 Ekondo 20:22

Lu etena kakawatatela esambu la diandu, Latuyalaka akakitshiya asi Amona, asi Moaba ndu wane waki uma lʼUkungu a Seire, wakayi dia ndjolo lʼasi Juda, lalu. Ku vo wakalembiama.

Esambu 39:6

Untu tshe atokendakendaka uku didjidji. Ndi atuyasutshasutshaka anyanya; Atomotshaka ekundji, keli ndi heyi one layesangula.

Tukedi 13:22

Untu ololo atutshikelaka ekana andi ukito. Keli ukundji wʼuntu a kolo atumbamaka dikambu diʼuntu ololo.

Tukedi 28:20

Kanga kolamelu atuludiamaka lʼetshoko. Keli one latusamanyaka dia ngona esadi, atuyalaka la asui.

Jeremiya 17:11

Uku engwe kudami lu ekeli wakito kumumba, Osoku mbeli untu latukundjaka Ekundji uma lu mbuka ka kolo. Ndi ayetshika lʼatei a nshi yandi, Ku lʼekumelu, ndi ayuyala paka enginya.

Jeremiya 51:12

Nyuhane ekuhu ka koi lu eheli ka Babilona. Nyukikitsha wimbe wa ta, Nyukitsha alami, nyukitsha ndjalu. Latuyalaka akasanguya, Ndu ambutsha kene kakandataka lu dikambu diʼasi Babilona.

Euhwelu kʼElembe 2:35

Tshikima dungalunga mbakatose uku diango dia lohotola, kame la diango dia dimbu diakatayaosela lu esumba wakatalembia, mbakatshikala.

Euhwelu kʼElembe 20:14

Kanyumbi usumba ako: amantu, ana, dungalunga, la diango tshe dieli loko. Kanyolekaki diango dia dimbu diʼatunyi anyu wambunyukimwela Latuyalaka, Unyashungu anyu.

Euhwelu kʼElembe 3:2

Keli Latuyalaka akamvutela ati: Tuwukaki woma, ne dia lambukimo lu anya aye, ndi la wudja andi tshe ndu kete yandi. Kutsheli uku akayatshela Sihona, khumʼekanga ka Amora, lakadjashi la Heshibona.

Jashua 10:1

Lamʼakuki Adoni-Zedike, khumʼekanga ka Jerusalema, okone aka-lembia Jashua Ai, ndu akandakilanya tshe, okone akandatshela Ai la khumʼekanga kawo, uku akandatshela Jeriko la khumʼekanga kawo; ndu okone ambokota asi Ngibiyona Isariyele lusalu, ndu ambuwudjase lʼatei awo.

Jashua 10:28

Jashua akalembia asi Makeda lushi lako, akadiaki la yombo. Ndi akalanya usumba, akadiaki khumʼekanga la wane tshe waki loko. Ndi kumpandja nduku untu, akatshela khumʼekanga ka Makeda uku akandatshela khumʼekanga ka Jeriko.

Jashua 11:14

Asi Isariyele wakose diango tshe diakawambi lu esumba ako la dungalunga. Keli vo wakadiaki usika pami tshe la yombo. Vo kuntshika nduku engo kaki la lumu.

Jashua 6:21

Vo wakalanya usumba, wakashili diango tshe ushiki, wakadiaki apami la amantu, ana la esumbi, ngombe, ekoko ndu punda la tombo.

Jashua 8:12

Ndi akose lasuki lʼantu nunu tanu, akakitsha lalu lʼasa Betele la Ai, lu leke lʼedjelu ka unya lʼusumba.

Jashua 8:14

Lamʼakenyi khumʼekanga ka Ai dikambu diako, ndi la antu andi tshe, asi usumba, wakasamanya, wakahulo esadi utsha lʼAraba, dia ntuhumana la Isariyele lu ta. Keli khumʼekanga kumbeya ati: Wakakitshisha lalu la wedi wʼusumba.

Jashua 8:19

Kamʼakandasimbula lunya, an u wakawakitshama lalu wakatumbi shashimuya uma lu dihuli diakiwo, wakakunguso utsha lʼusumba; wakoto lʼusumba, wakolembia, wakasamanya mbutshumba.

Jashua 8:24

Lamʼakashili Isariyele ndjaka asi Ai lu ta lʼusui wa shenga, lene akawatayelaka, lamʼakawashili ndjakema vo tshe la tombo, Isariyele tshe wakakalula utsha lʼAi, wakatudiaka wane wakatshikala la tombo.

Jashua 8:3

Okone Jashua akunela, ndi la andoshi wa ta tshe, dia ntsho la ntolo la Ai. Ndi akasonola apami a wulu nunu akumi asatu, akatumi lʼutshu.

Jashua 8:7

Etena kako, kanyutumbi uma lu lalu, kanyundi usumba, ne dia Latuyalaka, Unyashungu anyu, ayukimo lʼanya anyu.

Jashua 8:8

Lamʼayunyunda usumba, kanyutshumbi, kanyutshi uku akati Latuyalaka. Nyulungi, osoku mbamumunyudjangela.

Jashua 8:9

Jashua akatumi, ku vo wakatuyala lalu lʼasa Betele la Ai, lu leke lʼedjelu ka unya ka Ai. Keli Jashua aketama lʼutshu uku lʼatei a wudja.

Jashua 9:3

Keli lamʼakuki asi Ngibiyona, uku akatshela Jashua Jeriko la Ai,