Jashua 7:6 - La Bible en Otetela (Bible K'Ekila) 1991

⁶ Jashua akatshatsha ahondo andi, akako ekhukhumadi la ntundu kʼoshete wa Latuyalaka. Ndi akakolama edja ndu dikolo, ndi la dihangamendi dia Isariyele. Vo wakatela kete lʼete.

Jashua 7:6 Iomraidhean Croise

Etatelu 37:29

Rubena akakalula la difuku, keli ndi kuntana Josefu leko. Okone ndi akatshatsha ahondo andi.

Etatelu 37:34

Jakoba akatshatsha ahondo andi, akalote dihondo diʼutanda, akaleli onʼandi.

2 Samuele 1:11

Davidi akakimela ahondo andi, akatshatsha. Ndu apami tshe waki kame la ndi wakatshatsha ahondo awo.

2 Samuele 1:12

Vo wakayala la utanda wa Saulu, wʼonʼandi Jonatana, wa wudja wa Latuyalaka, ndu wa khumbu ka Isariyele ne dia vo wakadiakema la tombo. Vo wakaleli, wakakili mbu ya nde edja ndu la dikolo.

2 Samuele 1:2

Ku lushi la satu, pami kemotshi akakumi uma lu pangu ka Saulu, ahondo andi betshi betshi, la kete lʼote. Lamʼakandakumi la ntundu ka Davidi, ndi akayahumanya la kete, akukhusamela.

2 Samuele 12:16

Ku Davidi akalombe Unyashungu dikambu dia ona. Ndi akakili ma, akoto lu luudu, aketama utshu tshe la kete.

2 Samuele 13:19

Tamara akatela utuku Vote, akatshatsha ukutu andi wʼawadi awadi. Ndi akahe anya Vote, akatshu atadi tukuku.

2 Samuele 13:31

Khumʼekanga akunela, akatshatsha ahondo andi, aketama lu kete. Ndu ekambi andi tshe waki la le ndi, wakatshatsha ahondo awo betshi, betshi.

2 Khumi ya Dikanga 22:11

Lamʼakuki khumʼekanga aui wʼuma lu buku diʼelembe, ndi akatshatsha ahondo andi.

2 Ekondo 34:19

Lamʼakuki khumʼekanga aui wʼuma lʼelembe, ndi akatshatsha ahondo andi.

Ezera 10:1

Lamʼakalombaka Ezera ashula kolo, ndi aki lu ndela, akidimo la ntundu ka luudu la Unyashungu. Ku ului a wuki wʼasi Isariyele, apami, amantu lʼana wakamote la le ndi, ku wudja wakaleli wulu.

Nehemiya 9:1

Lu lushi lʼakumi ahendi lʼanei la ngondo kako, asi Isariyele wakasangana, wakakili ma, wakalote akutu, wakatela kete lʼete.

Esta 4:1

Lamʼakeyi Morodekai akambu tshe wakatshama, ndi akatshatsha ahondo andi, akalote dikutu, akayatela utuku. Ku ndi akatshu kʼatei usumba, atadi ekuku a wulu.

Esta 4:3

Lu beke tshe diakakumi olembe la didjangu dia khumʼekanga, lunyangu la wulu lakayala lʼatei wʼasi Juda. Vo wakakili ma, wakaleli la ekuku a wulu. Antu efula waketama lu akutu, lu etuku.

Jobo 1:20

Jobo akunela, akatshatsha ukutu andi. Ndi akanya divu, akako la kete, akatemola.

Jobo 2:12

Lamʼakawawendi weki tshalula vo kumbulimbitela. Ku vo wakatundo lʼalelu, wakaleli, wakatshatsha ekutu awo, wakafumbula ditshu lʼulungu ladiku diʼete awo.

Jobo 42:6

Diako mbamumuyamia, Mbamumuyatshumuya ludjashi lu ditshu la lʼutuku.

Delu dia Jeremiya 2:10

Dihangamendi dia ona umuntu Siona. Diambudjase la kete, diambolembohala ki. Vo wambutela ditshu lʼete, wambolota akutu. Esekaseka wʼamantu wa Jerusalema. Wambokole ete awo pulu ndu lu kete.

Walelu 14:6

Ku Jashua, onʼa Nuna, la Kaleba, onʼa Jefune, wane waki lʼului a waku wakatukemba kete, wakatshatsha ahondo awo.

Walelu 16:22

Vo wakako ekhukhumadi; wakati vati: Unyashungu li! Unyashungu a nyuma yʼantu tshe! we ayuka ului tshe kele ne dia kolo kʼuntu otoi uka?

Walelu 16:45

Nyumo uma lʼatei wʼului one keli mbatshumbi kakiane. Ku vo wakako ekhukhumadi.

Etsha wa Atumami 14:14

Keli lamʼakuki atumami Bara naba la Paulu dikambu diako, vo wakati ahondo awo, wakalawo lʼatei wʼului wʼantu, watahangohangovati:

Jashua 7:7

Ku Jashua akaleli ati: Ayii! Khumemi Latuyalaka, dikambu kuna diakayatehuya wudja one Jorodana aia ndjutukimo lʼanya wʼasi Amora, dia vo ntudiaka? Utututshikala la wedi wa Jorodana li!

Enyelo 18:19

Vo wakayatela ditshu lʼete awo, wakahangohango walela la wakumbula la tukuku, wata vati: Hai! hai! usumba a wuki Wambuyalaka akanga a mashua tshe wa lʼashi a wuki engonyi dia wuki awo! Wambuhandjula lʼushidi otoi.

Embadi 11:35

Lamʼakandawenyi, ndi akatshatsha ahondo andi, akati ati: Yee! onʼami! We ambunsungutula, ambunkitsha balakata! ne dia dimi lakatshiki dokoloko le Latuyalaka, dimi haleyi dilanya!

Embadi 20:23

Asi Isariyele wakatshu, wakatolela la ntundu ka Latuyalaka edja ndu dikolo. Vo wakambula Latuyalaka vati: Kawo shu ntsho, dia ntolo la anengesu, asi Bendjamina, ntu? Ku Latuyalaka akakaluya diui ati: Nyutshu dia ntolo la wo.

Embadi 20:26

Ku wudja wʼutundu tshe wa Isariyele wakatshu la Betele, wakatulela, wakatudjase la ntundu ka Latuyalaka, wakakili ma lushi lako edja ndu dikolo. Vo wakalambula elambu wa lutshimba la elambu wa ki la ntundu ka Latuyalaka.

Embadi 21:2

Ku antu wakakumi la Betele, wakatshikala la ntundu ka Latuyalaka edja ndu la dikolo, wakatundo la alelu;

1 Samuele 4:12

Pami kemotshi, usi Bendjamina, akalawo uma lu dihuli dia ta, akatukuma la Shilo, ahondo betshi tu, la kete lʼote.