Jashua 7:24 - La Bible en Otetela (Bible K'Ekila) 1991

²⁴ Jashua la asi Isariyele tshe wakose Akana onʼa Zera la fesa, koti, etenyi ka paunyi, ndu anʼandi wʼapami la wʼamantu, ngombe yandi, punda ya-ndi, ekoko andi, luudu landi la dipema, ndu tshe kaki la ndi, wakatole lʼukidi wʼAkora.

Jashua 7:24 Iomraidhean Croise

Etatelu 18:25

We ayetawo ndjaka antu wʼololo kame la antu wa kolo? Dikambu ne tadiuyalaki le ye dia ntshela untu ololo uku untu a kolo. Umbadi we kete tshe hatalaka la dialelu diʼololo uka?

Jobo 20:15

Ndi akamene ekundji esudia, ayetuho. Unyashungu ayuwetshanya uma lu dikundju diandi.

Etumbelu 20:5

Tudikhuselaki adui kuyanga ditemola, ne dia dimi Latuyalaka, Unyashungu aye, leko Unyashungu wa kandjema, latosomboyaka kolo ka washi le anʼawo, edja ndu lolonga la satu ndu la nei, ya waku watumpetshaka.

Tukedi 15:27

Kanga lukaki atohenyahenyaka luudu landi. Keli one latuhetshaka mbu yʼutshu, ayuyala la lumu.

Undaki 5:13

Kolo ka wuki kakamenyi lʼesi ulungu kene: ekundji watulamemaka dia ntshela kangawo kolo.

Isaya 65:10

Sharona ayuyala dihuli dia dungalunga ndekaka adiyu, La ukidi wʼAkora dihuli dia dio mbetamaka, Ne dia wudja ami watunyangaka.

Hosea 2:15

Dimi layutuwusha dikambo diandi dia vinyo leko, Ndu ukidi wa Akora uku suku diʼelungamelu. Ndi ayimba esambu leko Uku akandimbaka lu nshi yandi yʼusekaseka, Uku lushi lakandatumbi uma lu kete ya Edjibitu.

Jashua 15:7

Ku ulelu ako wakambela utsha la Debire, tshalula uma lʼukidi wa Akora, ku wakelela utsha la ngelʼa kushi, lu leke la Ngilingala kelanedi la edelu ka Adumima, utsha la diku dia kushi diʼokedi. Vo waketi lu ashi wa Ene-Shemeshe, wakasimbo edia ndu la Ena-Rungele.

Jashua 22:20

Kele ka Latuyalaka kundjala le ului tshe wʼasi Isariyele lamʼakashe Akana, onʼa Zera, diango diakakimwama le Latuyalaka uka? Aha ndi ndame utu kakavu lu kolo kandi.

Jashua 6:18

Keli nyu nyewo diango diambukimwama dia nanyema, ne dia lamʼambunyudikimo, nyutukuyosa engo kemotshi lʼatei wa diango diambukimwama, ku nyu ndjete pangu ka Isariyele engo kʼelanyelu, la nkiela ohenyohenyo.

Jashua 6:21

Vo wakalanya usumba, wakashili diango tshe ushiki, wakadiaki apami la amantu, ana la esumbi, ngombe, ekoko ndu punda la tombo.

Jashua 7:1

Asi Isariyele wakayala lʼuhedia lamʼakawadji ashu lu diango diakakimwama. Akana, onʼa Karami, onʼa Zabedi, onʼa Zara, uma lu diuhu dia Juda, akose engo kemotshi lʼatei a diango diakakimwama. Ku kele ka Latuyalaka akafulanela le asi Isariyele.

Jashua 7:23

Vo wakatundja diango diako uma lu luudu, wakadiela le Jashua la asi Isariyele tshe, ku wakatudikitsha la ntundu ka Latuyalaka.

Jashua 7:26

Vo wakakitsha ului a wuki wʼave ladiku dia udu wa Akana. Vo weko edja ndu elo. Ku Latuyalaka akumo kele kandi ka wulu. Uma lu dikambu diako, mbatuwetaka dihuli diako edja ndu elo vati: Ukidi wʼAkora (kitshimudi ati: Ohenyohenyo).