Jashua 7:11 - La Bible en Otetela (Bible K'Ekila) 1991

¹¹ Isariyele wakatshi kolo; wakadiaki sheki yakamadji la wo. Vo wakose diango dimotshi uma lʼatei a diango diakakimwama; wakadivi, wakatshi lukesu, wakadishe lʼatei a diango diawo.

Jashua 7:11 Iomraidhean Croise

2 Khumi ya Dikanga 18:12

ne dia vo kunkitanyia diui dia Latuyalaka, Unyashungu awo, wakalanya sheki yandi; ndu ne dia vo kununga ndu kumbetawo ntsha kene tshe kakawadjangela Mose, ukambi wa Latuyalaka.

2 Khumi ya Dikanga 5:24

ndi akose diango diako uma lʼanya awo, akadikitsha lu luudu. Ndi akakaluya antu ako, ku vo wakatshu.

Isaya 24:5

Kete yambulanyema uma le wane wudjashi loko, Ne dia vo wakahediaka elembe. Vo watutunaka adjangu, wakalanya sheki ya pundju.

Jeremiya 31:32

Aha uku sheki yakamadji la washewo lu lushi lakamakimela lʼanya dia mbatundja uma lu kete ya Edjibitu. Vo wakalanya sheki yami ku, kuyanga dimi laki uku umewo, mbata Latuyalaka.

Hosea 6:7

Vo wakalanya sheki yami la Adama. Leko kakawantombokwela.

Akambu wʼAsi Lewi 5:15

Naka untu tshe ambunga, ambutsha kolo kahandutungi lutunga lu dikambu dimotshi lʼatei wʼakambu wʼekila wa Latuyalaka, ndi kela okoko wʼumi waha la ekomo uma lu limba, wayuyudja ushinga lu toshekele ta fesa, yediko ya shekele ya lʼetemwelo, uku ulambu wʼunungu le Latuyalaka,

Habakuka 2:6

Undi, antu tshe hawuwukanela, ndu hawuwukela yukedi ya lotengo vati: Mananu kayali le one latufudiaka diango dieli kema diandi? Edja ndu kaandi? Mananu kayali le wane watuyafudiyaka abasa!

Zekariya 5:4

Latuyalaka Kanga lulimbilimbi kata ati: Dimi layutuma wombo ako. Ku vo wayoto lu luudu la kanga uvi, ndu lu luudu la one latutshi baka lukumbu lami utshibatshiba. Vo wayudjase lʼatei a luudu landi, wayulu-tshumba kame lʼetamba alo la ave alo.

Mateu 22:21

Vo wakûkaluya diui vati: Ka Kayisa. Ku ndi akawatela ati: Okone nyusha Kayisa diango dia Kayisa; nyusha Unyashungu diango dia Unyashungu.

Etsha wa Atumami 5:9

Keli Petero akawumbula ati: Ukundi akanyasangi lulimi dia mpimba Nyuma ka Khumadiondjo? Enda, wanya a waku wakakhunde umeye weko la suku, vo wayutumba la ye.

Euhwelu kʼElembe 17:2

Naka pami kana umuntu omotshi ayutanema lʼatei anyu lʼusumba omotshi, lʼatei wʼesumba anyu wambunyusha Latuyalaka, Unyashungu anyu, atsha dikambu dia kolo lu ashu wa Latuyalaka, Unyashungu anyu, adiaka sheki yandi,

Heberu 4:13

Nduku engo kakatungama, kahenama lu ashu andi. Keli diango tshe dieko etakataka ndu diatenamaka hwe la ntundu ka ashu wa one lahumbasu.

Jashua 23:16

Naka nyu nyayulanya sheki yakanyudjela Latuyalaka, Unyashungu anyu, ndu naka nyu nyayutotemola ditemolatemola la dikusamela, kele ka Latuyalaka kayuyala wulu le nyu. Ku nyu nyayushila esadi lu kete yʼololo nye, yakandanyusha.

Jashua 7:1

Asi Isariyele wakayala lʼuhedia lamʼakawadji ashu lu diango diakakimwama. Akana, onʼa Karami, onʼa Zabedi, onʼa Zara, uma lu diuhu dia Juda, akose engo kemotshi lʼatei a diango diakakimwama. Ku kele ka Latuyalaka akafulanela le asi Isariyele.

Jashua 7:10

Ku Latuyalaka akatela Jashua ati: Emali. Na dikambu dietamiye ekhukhu-madi okone?

Embadi 2:20

Kele ka Latuyalaka kakafulanela le asi Isariyele. Ndi akati ati: Lamʼambulanya antu ane sheki yakamadji la washewo, ndu lamʼahawakitanyisha diui diami,

1 Samuele 14:38

Saulu akati ati: Nyu ewandji tshe wa wudja, nyusukani lane. Nyuyangi, nyushuli uma lendi akatumbi kolo kene elo.