Jashua 7:1 - La Bible en Otetela (Bible K'Ekila) 1991

¹ Asi Isariyele wakayala lʼuhedia lamʼakawadji ashu lu diango diakakimwama. Akana, onʼa Karami, onʼa Zabedi, onʼa Zara, uma lu diuhu dia Juda, akose engo kemotshi lʼatei a diango diakakimwama. Ku kele ka Latuyalaka akafulanela le asi Isariyele.

Jashua 7:1 Iomraidhean Croise

Etatelu 34:27

Ku ana wa Jakoba wakahotshahotsha edu wʼasi usumba, wakalanya usumba tshe, ne dia wakasuwula kadiyewo.

2 Samuele 24:1

Latuyalaka akuki asi Isariyele kele ka wulu ntu. Ndi akatshatshiya Davidi dia mbalosha, akawutela ati: Tshoka, utali efula kʼasi Isariyele ndu kʼasi Juda.

2 Khumi ya Dikanga 5:24

ndi akose diango diako uma lʼanya awo, akadikitsha lu luudu. Ndi akakaluya antu ako, ku vo wakatshu.

1 Ekondo 21:7

Unyashungu akanyangi dia dikambu ne, diako mbakandasuya Isariyele.

2 Ekondo 24:18

Ku vo wakaseke luudu la Latuyalaka, Unyashungu a washewo, wakatendela WaAshere la dikishi. Kele ka Latuyalaka kakayi le Juda la Jerusalema dikambu dia kolo kene kakawatshi.

Ezera 9:6

Ku dimi lakolombe nti: Unyashungu ami li, dimi lambolombo, lambuvo sonyi dia mbedia elundji utsha le ye, we Unyashungu ami! ne dia kolo yasu yambufulanela ladiku diʼete asu, la munga yasu yambukuma pulu ndu lʼulungu.

Jobo 35:8

Kolo yaye mbeyaka nsuya paka unyaye untu, La ololo aye mbeyaka ntshokola paka untu.

Undaki 9:18

Yimba ndeka dihumo dia ta ololo. Keli utshi wa kolo otoi mbeyaka nanya diango efula.

Danyele 9:7

Khumadiondjo li, le ye keli ololo. Keli le su, paka ufutanu utu la dundji uku lushi lone, le asi Juda, le asi Jerusalema la le asi Isariyele tshe weli lasuki ndu weli etali, lu kete tshe yakawatshanyama, ne dia kolo la ehedia wakawakuhediaka.

Akambu wʼAsi Lewi 10:6

Ku Mose akatela Arona la anʼandi Eleazara la Itamara ati: Tanyunyaki divu, tanyatshatshaki ahondo anyu, ne dia nyutukuvo. Ndu Latuyalaka atukuka ului wʼantu tshe kele. Nyukimo anengenyu, khumbu ka Isariyele tshe, waleli wane wakatshumbi Latuyalaka.

Jona 1:7

Vo wakatanela vati: Nyeso, tuki uwali dia shu mbeya one lambutela dikambu ne dia kolo. Okone vo wakuki uwali ku uwali akandi Jona.

Jashua 22:16

Ului tshe wa Latuyalaka wambuta vati: Na wuhu wʼuhendudi one wambunyuhendwela Unyashungu wa Isariyele. Okoko wana wambunyukadimo kakiane uma le Latuyalaka lu ndjahikela ediakelu ka nyu mbotombokwela elo?

Jashua 22:18

Ku elo nyambukadimo uma le Latuyalaka ntu? Naka nyu nyambotombokwela latuyalaka elo, lui ndi ayuka ului tshe wa Isariyele kele.

Jashua 22:20

Kele ka Latuyalaka kundjala le ului tshe wʼasi Isariyele lamʼakashe Akana, onʼa Zera, diango diakakimwama le Latuyalaka uka? Aha ndi ndame utu kakavu lu kolo kandi.