Jashua 6:2 - La Bible en Otetela (Bible K'Ekila) 1991

² Ku Latuyalaka akatela Jashua ati: Enda, lambukimo Jeriko, khumʼekanga kawo, la andoshi andi wa ta wa wulu lʼanya aye.

Jashua 6:2 Iomraidhean Croise

2 Samuele 5:19

Davidi akambula Latuyalaka ati: Ntshu dia ntolo lʼasi Filistiya? We ayâkimo lu anya ami? Ku Latuyalaka akûkaluya diui ati: Tshoka, dimi layukimo asi Filistiya lu anya aye.

Nehemiya 9:24

Ku tukanula tawo wakakumi lu kete yako, wakavikiti. We akakitshakitsha akanga a kete, asi Kanana, la ntundu kawo. We akakimo khumi ya dikanga la wedja wa lu kete yako lu anya awo, dia vo mbatshela uku lulangu lawo.

Danyele 2:21

Ndi katukadimulaka tena la enonyi, Katukitshakitshaka khumi ya dikanga Ndu atubiyaka khumi ya dikanga. Ndi katushaka akanga a yimba yimba, La akanga wa ewu ewu.

Danyele 2:44

Lu nshi ya khumi ya dikanga yako, Unyashungu leli lʼulungu ayutundja diulelu diahalanaki pundju. Dio hadiuyala lʼokongo a wudja ukina. Dio diayulanya waulelu ako tshe, diayashila ushiki, ku dio diame diayushikikala pundju.

Danyele 4:17

Elumbwelu kene, keli didjangu dia wane watulamaka; esangweyu kene, keli olembe wʼekilami, dia wasena mbeya vati: KhumʼUlungu kuledi lu diulelu diʼantu. Ndi katushaka one lalangandi disha, ndu katumbiyaka one luleki tshitshe dia ndjala umbuledi adio.

Danyele 4:35

Antu wa la kete tshe Weko paka anyanya lu ashu andi. Ndi atutshaka uku alangandi lʼatei wʼului wa lʼulungu Ndu lʼatei wʼantu va la kete. Ku nduku leya nshimba lunya landi, Kana mbumbula ati: Katshaye na?

Danyele 5:18

Khumʼekanga li, Unyashungu KhumʼUlungu akasha sho Nebukadineza diulelu, nemo, lutumbu, la wuki.

Euhwelu kʼElembe 7:24

Ndi ayukimo khumi ya dikanga yawo lu anya anyu. Ku nyu nyayushisha kumbu yawo lʼesi a ulungu. Nduku pami kayuyala la wulu wa memala dia ndo la nyu, edja ndu lamʼayunyalanya.

Jashua 12:9

Khumi ya dikanga yako nye: khumʼekanga ka Jeriko, otoi; khumʼekanga ka Ai, keli lasuki la Betele, otoi;

Jashua 2:24

Vo wakatela Jashua vati: Mete, Latuyalaka ambukimo kete tshe lʼanya asu. Dikambu dikina, etema wʼantu ako tshe wambuyala ashi atu dikambu diasu.

Jashua 2:9

Ndi akawatela ati: Dimi mbeyaka nti: Latuyalaka ambunyusha kete nye. Woma wa mamba wanyukasu wambutunda, etema tshe wʼakanga a kete nye wambuyala ashi atu la ntundu kanyu.

Jashua 20:1

Latuyalaka akatela Jashua ati:

Jashua 6:1

Kuki yʼasuku wa Jeriko yakadihami khu uma lʼetei ndu uma lʼandja lu dikambu diʼasi Isariyele: nduku untu lakatumbi, nduku lakoto.

Jashua 6:3

Nyu andoshi wa ta, kanyutshimbi usumba one etena otoi. Kanyutshi osoku nshi shamalu.

Jashua 8:1

Latuyalaka akatela Jashua ati: Tukaki woma, tateki sulu, eti andoshi wa ta tshe, nyutshu la ntolo la Ai. Enda, dimi lambukimo khumʼekanga ka Ai, antu andi, usumba andi ndu kete yandi, lu anya aye.

Embadi 11:21

Latuyalaka, Unyashungu wa Isariyele, akakimo Sihona la wudja andi tshe lu anya wa Isariyele, ku wakalembia. Okone Isariyele wakahotola kete tshe yʼasi Amora, wakadjase loko.

Embadi 11:24

Kene kambukusha etemolatemola kaye Kemoshe, ku we hakekiti uka? Okone shu takakiti kete tshe yʼantu wakatutshanyia Latuyalaka, Unyashungu asu.