Jashua 5:13 - La Bible en Otetela (Bible K'Ekila) 1991

¹³ Lamʼaki Jashua lasuki la Jeriko, ndi akedia ashu, enyi ku pami kemotshi kene kemadi la ntundu kandi ukimedi yombo lu lunya, Jashua akatshu le ndi, akawumbula ati: Lu leke lasu keye, kana lu leke lʼatunyi asu?

Jashua 5:13 Iomraidhean Croise

Etatelu 18:1

Lamʼakawale yanyi wulu, Abarahama akadjase la suku dia luudu landi la dipema. Ku Latuyalaka akene le ndi lʼatei wʼelamba wʼelungu wa Mamare.

Etatelu 18:2

Abarahama akedia ashu, enyi ku apami asatu ane wemadi tshalula la ntundu kandi. Lamʼakandawaenyi, ndi akakundjo la luwangu dia ntalungula, akatakhusamela.

Etatelu 28:16

Ku Jakoba akemo uma lu djo; akati ati Mete, Latuyalaka eko lu dihuli ne, keli dimi kumbeya.

Etatelu 33:1

Jakoba akedia ashu, enyi ku Esau one ayayi la apami kama nyei. Okone ndi akakahanya ana le Lea, le Ratshele, ndu le ekambi ehendi wʼamantu.

Etatelu 33:5

Lamʼakedia Esau ashu, ndi akenyi amantu la ana. Ku ndi akambula Jakoba ati: Wa na weli leku na? Ku Jakoba akûkaluya diui ati: Ana wakambisha Unyashungu, dimi ukambi aye, aku.

1 Ekondo 12:22

Antu wakasekoka la lushi la lushi utsha le Davidi dia ntukimanyia edja ndu ndi akayala la ului a wuki wʼalimbi uku ului wʼalimbi a Unyashungu.

1 Ekondo 21:27

Latuyalaka akatela ondjelo dia nkaluya yombo yandi lu dihusu. Ku ndi akayikaluya.

1 Ekondo 21:30

Keli Davidi kumbeya ntsho la ntundu kʼediakelu kako dia ntuyanga Unyashungu, ne dia ndi akukaka yombo ya ondjelo Latuyalaka woma.

Etumbelu 23:23

Lamʼatakendakenda ondjelo ami la ntundu kaye, ndu lamʼatandakolombola lʼatei wʼasi Amora, asi Hiti, asi Perizi, asi Kanana, asi Hiwi ndu asi Jebuse, dimi layuwashila ushiki.

Danyele 10:5

dimi lakedia ashu, lakendi, ku lakenyi untu lakalotshi ahondo wa linene, la uya wa paunyi kʼuma lʼUfaza lu lukindi.

Danyele 8:3

Ku dimi lakedia ashu, lakendi, menyi ku okoko wʼumi waki la seki hyendi one wemadi lʼumamu wʼokedi. Seki yako hyendi yaki etali, keli lomotshi lakaleki lukina utali. Lone lakaleki utali, mbakayutumba lʼokongo.

Zekariya 1:8

Dimi lakendaka lʼutshu, menyi ku untu one ayahemi lu falasa ka tilili. Ndi akayemala lʼatei wʼetamba wa wema waki lʼukidi. Lʼokongo andi kakemadi falasa ya tilili, yʼengenge, ndu ya wema.

Walelu 22:23

Punda kako akenyi ondjelo wa Latuyalaka emadi lu mbuka, ukimedi yombo lu lunya landi. Ku punda kaketola uma lu mbuka, kaketi lʼadiyu. Balama akakikomola dia nkikaluya lu mbuka.

Walelu 22:31

Ku Latuyalaka akasenya ashu wa Balama, ku ndi akenyi ondjelo a Latuyalaka emadi lu mbuka, ukimedi yombo yandi lu lunya. Ku ndi akakolama, akayakosha ekhukhumadi.

Etsha wa Atumami 1:10

Lʼetena kakawendaka utsha lʼulungu tee, lamʼakandatatshokaka, nyulungi, apami ahendi wolotshi ahondo wa wema, wakemala lasuki la wo.

Jashua 6:2

Ku Latuyalaka akatela Jashua ati: Enda, lambukimo Jeriko, khumʼekanga kawo, la andoshi andi wa ta wa wulu lʼanya aye.

Enyelo 1:13

Lʼatei a dikitshelu diako kaki untu omotshi lufanyi la Onʼa untu, olotshi dihondo tshu ndu lʼekulu andi, ndu uya wa paunyi lu tulu,

Embadi 13:11

Manoa akunela; akatshu la wadendi utsha le untu ako. Ndi akatuwumbula ati: We keli untu lakateketshi la umuntu one? Ndi akûkaluya diui ati: Elu, dimi.

Embadi 13:22

Manoa akatela wadendi ati: Mete, shu tutsha mvo, ne dia shu takenyi Unyashungu.