Jashua 5:1 - La Bible en Otetela (Bible K'Ekila) 1991

¹ Lamʼakuki khumi ya dikanga tshe yʼasi Amora ya lu leke lʼedjelu ka Jorodana, la khumi ya dikanga tshe yʼasi Kkanana, ya lʼumamu washi a waki lukumu vati: Latuyalaka akumia ashi wa Jorodana la ntundu kʼasi Isariyele edja ndu lamʼakawashili nteho, etema awo wakayala ashi atu. Vo kundjala la dihunga ntu lu dikambu diʼasi Isariyele.

Jashua 5:1 Iomraidhean Croise

Etatelu 12:6

Abarama akakindula lu kete yako edja ndu la Shekeme, lene aki etamba wʼelungu wa la More. Lu nshi sho ku asi Kanana weki lu kete yako.

Etatelu 48:22

Dimi lambukusha leke lomotshi la kete luleki la ananyo, kete yakamahotola asi Amore dime la yombo yami la uta ami.

2 Samuele 21:2

Khumʼekanga aketi asi Ngibiyona dia nsawula la wo. (Asi Ngibiyona tawaki asi Isariyele, keli vo waki atshikadi wʼasi Amora. Asi Isariyele wakakote la wo lusalu diaha mbadiaka. Keli Saulu akayangi mbadiaka lu saki kandi le Isariyele la le Juda.)

1 Khumi ya Dikanga 10:5

wama waki lu mesa andi, edjaselu kʼelohe andi, elimu la eloto a wane wakukambelaka ulimu, aboi andi lʼelambu wa lutshumba wakandalambulaka lu luudu la Latuyalaka, ewu kandi kakakumela.

Ezera 9:1

Lamʼakashili akambu ane, ewandji wakasukana la mi, wata vati: Asi Isariyele, elombedi, ndu asi Lewi watayatula uma le wedja wa la kete ndu watuyelaka ditshelu diawo dia wononyi, diʼasi Kanana, diʼasi Hiti, diʼasi Perizi, diʼasi Jebuse, diʼasi Amona, diʼasi Moaba, diʼasi Edjibitu ndu diʼasi Amora.

Esambu 135:11

Sihona, khumʼekanga ka Amora; Onga, khumʼekanga ka Bashana, Ndu waulelu tshe wa Kanana.

Etumbelu 23:28

Dimi layutuma ahuma a waki la ntundu kanyu, dia vo mbitshanya asi Hiwi, asi Kanana ndu asi Hiti uma la ntundu kanyu.

Isaya 41:5

Waku wudjashi lu asenga, watenaka, watukaka woma. Wa la kuma ya kete watudidimaka, watuyakaka, watusukanaka.

Ezekiyele 16:3

Khumadiondjo Latuyalaka katela Jerusalema ati: Uma lu kete ya Kanana mbakanyatungo; sho aki usi Amora, la nyo usi Hiti.

Ezekiyele 21:7

Lamʼayuwukumbula vati: Ukundi akhumaye akhumu? Kuwakaluya diui wati: Ne dia lukumu la mamba luyayi, etema wʼantu tshe wayuyala ashi atu, anya tshe wayuyala wodu, nyumu yʼantu yayuheko, la adui wʼantu wayolelo, wayuyala uku ashi. Nyulungi, lo loso layayi, lo layutshama, mbata Khumadiondjo Latuyalaka.

Danyele 5:6

Ku elundji ka khumʼekanga kakakadimo, tukanyi tandi takohenyahenya, pelohelo diandi diakashili wulu, adui andi wakasakana.

Amose 2:9

Keli dimi lakadiaki asi Amora, Waki etali uku etamba wʼesasi, Ndu waki la wulu uku etamba wʼelungu la ntundu kawo. Dimi lakalanya elua awo uma ladiku, La ediu awo uma la tshina.

Walelu 13:29

Asi Amaleka mbuladi la Nengebe. Asi Hiti, asi Jebuse, lʼasi Amora mbuladi lu leke la lu akuna. Ku asi Kanana mbuladi lʼumamu wʼashi a waki ndu lʼemamu wa Jorodana.

Jashua 17:12

Asi Manase kumbeya mbitshanya akanga wʼesumba ene. Osoku asi Kanana wakashikikala lu kete yako.

Jashua 17:18

Leke lʼakuna layuyala lanyu, kuyanga ukunda mbeko, nyu nyayoteta. Ekundjelu kʼuma loko kayuyala kanyu. Ntu, nyu nyayu-tshanya asi Kanana, kuyanga mbewo la pusupusu ya ta ya mbulu ndu la wulu efula.

Jashua 24:15

Naka nyu hanyongenangena ntemola Latuyalaka elo, nyosonole kene kalanganyu ntemola, kana ditemolatemola diakatemolaka washenyu la wedi wa Efarate, kana ditemolatemola diʼasi Amora, akanga a kete yudjashinyu. Keli dimi la wa lu luudu lami tayotemolaka Latuyalaka ndame.

Jashua 3:16

ashi wʼuma la diku wakemala tshalula, wakayala lukingi lʼusumba wa Adama, weli lasuki la Zaretana. Ku wane wakahulo utsha lʼuduwa wa Araba wetawo vati: Uduwa a Leho, wakahembo pi, ku antu wakateho lu welelo wa Jeriko.

Jashua 3:17

Elombedi wakatembaka oshete wa sheki wa Latuyalaka wakatushikike ekulu awo lu kete yʼufumbu kʼatei wa Jorodana. Ku asi Isariyele tshe waketi lu kete yʼufumbu, edja ndu lamʼakateho wudja tshe Jorodana.

Enyelo 18:10

Vo wayemala tshalula ne dia woma a fono kato, wayuta vati: Hai! hai! usumba a wuki wa Babilona, usumba a wulu! elumbwelu kaye kambuya lʼushidi otoi!

Embadi 1:1

Lʼokongo wa nyoi ka Jashua, asi Isariyele wakambula Latuyalaka vati: Akona lʼatei asu ayutsho ntundu dia ntolo lʼasi Kanana ta?

Embadi 11:23

Latuyalaka, Unyashungu a Isariyele, akatshanya asi Amora uma la ntundu ka wudja andi, Isariyele, ku kakiane we nangaka ndjala kanga kete yako.

Embadi 3:3

Wedja ako ene: ewandji etanu wʼasi Filistiya, asi Kanana tshe ndu asi Sidona la asi Hiwi wakadjashi lʼukungu wa Lebanona uma lʼUkungu wa Bala-Heremona edja ndu lʼeotwelo ka la Hamata.

Embadi 4:2

Ku Latuyalaka akakimo lu anya wa Jabina, khumʼekanga ka Kanana, lakuledi la Hazora. Sisera, olombodi wʼalimbi andi, akadjashi la Harosheta-Ngoyima.

1 Samuele 25:37

Keli la pindju, lamʼakukimo wanu, wadendi akusanyia akambu wakatshama. Diui dia Nabala diakakomama esukhu ka wulu, ku ndi akaneno diui.