Jashua 4:7 - La Bible en Otetela (Bible K'Ekila) 1991

⁷ Ku nyu nyayakaluya diui nyati: Ashi wa Jorodana wakatana la ntundu kʼoshete wa sheki wa Latuyalaka. Lamʼaketi oshete ako lʼatei wa Jorodana, ashi wa Jorodana wakahimbo pi. Okone ave ane mbeli euhwelu ka dikambu diako pundju le asi Isariyele.

Jashua 4:7 Iomraidhean Croise

Esambu 111:4

Ndi atuhulaka antu dia etsha andi wa mamba. Latuyalaka kuludi too la ngandji ka mamba la ketshi.

Etumbelu 12:14

Lushi lako, layuyala lushi lʼeuhwelu le nyu, kanyululamaki uku lushi la wuki le Latuyalaka. Kanyuluhoki, ndu nyu ndu tukanula tanyu ta lolonga la lolonga, pundju.

Etumbelu 28:12

Kumami ave ako ahendi ladiku dia betshi dia lʼaheka wʼukutu wa nemo, dia vo ndjala euhwelu kʼasi Isariyele. Arona kembaki kumbu yawo lu aheka andi ahendi la ntundu ka Latuyalaka, dia ndjala euhwelu.

Etumbelu 30:16

Kulunguli falanga yʼekesanelu uma le asi Isariyele, kuyidji lʼulimu a luudu lʼesanganelu la dipema. Yo yayuyala euhwelu le asi Isariyele la ntundu ka Latuyalaka dia mbatungela ekesanelu vame.

Isaya 66:3

Untu latudiakaka ngombe eko uku one ludiaki untu. Untu latulambulaka onʼokoko, Eki uku one lokodi fo kingu. One lalambula ulambu wa shima, Eko uku one lukimwi dikila dia sumbu. Untu latshumba malashi, Eko uku one latemola dikishi. Vo tshe watosonolaka mbuka yawo; Etema awo watongenangenaka lu akambu awo wa wononyi.

Walelu 16:40

Oso eli euhwelu le asi Isariyele, diaha untu kʼuntu, laha kanula ya Arona nsukana dia nambula Latuyalaka ulambu wa malashi, atukuyala uku Kora la ului andi, — uku akatela Latuyalaka Eleazara lʼunyo a Mose.

Walelu 17:5

Ku danga diʼuntu layumosonola diayomonga, ku dimi layukumiya engungungunu wayunyungunangunelaka asi Isariyele la ntundu kami.

1 Koreto 11:24

Lamʼakanduki lusaka, ndi akadiatula; akati ati: Dimba diami ne, dio dieko dikambu dianyu. Nyutshaki okone, dia nyu mbuhomi.

Euhwelu kʼElembe 16:3

Tanyolekaki ma dieli la edya lu nshi yako. Kanyolekaki ma diaha la edya nshi esambeli, ma dia lunyangu — ne dia nyu nyakatumbi uma lu kete ya Edjibitu emangumangu — dia nyu mbuhoka lushi lakanyatumbi uma lu kete ya Edjibitu nshi tshe ya lumu lanyu.

Jashua 4:6

dia dikambu ne ndjala djimbitelu le nyu. Lu nshi yayayi, Lamʼayunyumbula anʼanyu vati: Na djimbitelu yakanyakitsha ave ane?