Jashua 3:8 - La Bible en Otetela (Bible K'Ekila) 1991

⁸ Kuteli elombedi watembe oshete wa sheki wati: Lamʼayunyukuma lʼumamu wʼashi wa Jorodana, kanyutemali kʼatei wa Jorodana.

Jashua 3:8 Iomraidhean Croise

2 Khumi ya Dikanga 2:6

Elidja akosengasenga ntu ati: Utshikali lane, ne dia Latuyalaka ambuntuma utsha la Jorodana. Ndi akûkaluya diui ati: Uku eli Latuyalaka la lumu, ndu uku weye la lumu! dimi halukutshika. Ku vo ahendi wakatshu kame.

2 Ekondo 29:15

Vo wakasanganya anengewo, wakayakidia, wakoto uku akadjanga khumʼekanga, uma lʼaui wa Latuyalaka, dia mbedia luudu la Latuyalaka.

2 Ekondo 29:27

Hezekiya akadjanga dia nambula ulambu wa lutshumba lʼediakelu. Lamʼakawatatela nambula ulambu wa lutshumba, wakatatela ndu usambu wa Latuyalaka, kame la pungi la dihumahuma dia Davidi, khumʼekanga ka Isariyele.

2 Ekondo 29:30

Ku khumʼekanga Hezekiya la ewandji wakadjangela asi Lewi dia mimbela Latuyalaka esambu wa diandu lu aui wa Davidi la wa Asafu, omenyi wʼakambu wahatayi. Vo wakimbi esambu wa diandu lʼongenongeno, wakakole ete, wakatemola Latuyalaka.

2 Ekondo 30:12

Lunya la Unyashungu lakalombola Juda dia vo ndjela olembe wa khumʼekanga la ewandji uma lu diui dia Latuyalaka lʼutema otoi.

Nehemiya 13:22

Dimi lakadjangela asi Lewi dia vo ndjaedia la dia vo ndjulama asuku dia nkidia lushi la mumuya. Unyashungu ami li, umbuho ne dia dikambu ne, unami jku eli wuki wa ngandji kaye ka mamba!

Nehemiya 13:28

Ona pami omotshi a Joyada, onʼa olombedi a ladiku Eliyashiba, akatshuki onʼa Sanabalata, usi Horona. Okone dimi lakawutshanya uma lasuki la mi.

Etumbelu 14:13

Mose akakaluya wudja diui ati: Tanyukaki woma. Nyutshikali ki lane, nyendi panda ka Latuyalaka kayangandi nyutshela elo. Ne dia asi Edjibitu aku wenanyu elo, hanyuwaena ntu pundju.

Delu dia Jeremiya 3:26

Ololo untu nungamela, La nkunga panda ka Latuyalaka.

Jashua 3:17

Elombedi wakatembaka oshete wa sheki wa Latuyalaka wakatushikike ekulu awo lu kete yʼufumbu kʼatei wa Jorodana. Ku asi Isariyele tshe waketi lu kete yʼufumbu, edja ndu lamʼakateho wudja tshe Jorodana.

Jashua 3:3

Wakatela antu vati: Lamʼayunyena elombedi wʼasi Lewi watembe oshete wa sheki wa Latuyalaka, Unyashungu anyu, kanyuneli uma lʼahuli wenyu, kanyuyeli.

Jashua 3:7

Latuyalaka akatela Jashua ati: Dimi layutatela nkedia elo, dia vo mbeya vati: Dimi layuyalaka la ye, uku akimi la Mose.

Jashua 3:9

Jashua akatela asi Isariyele ati: Nyusukani, nyuyuki aui wa Latuyalaka, Unyashungu anyu.

Jashua 4:11

Lamʼakashili antu tshe nteho, oshete wa sheki wa Latuyalaka la elombedi wakateho la ntundu kʼantu.