Jashua 3:5 - La Bible en Otetela (Bible K'Ekila) 1991

⁵ Jashua akatela antu ati: Nyuyakidia, ne dia lui, Latuyalaka ayutsha akambu wa mamba lʼatei anyu.

Jashua 3:5 Iomraidhean Croise

Jobo 1:5

Lamʼaketi nshi ya dambu, Jobo aketi anʼandi wʼapami dia mbakidia. Ndi aketo kʼolomo la pindju, akalambwela vo tshe, untu lʼuntu ulambu wa lutshumba, ne dia ndi akati ati: Undu, anʼami wʼapami wakatshi kolo ndu wakatenge Unyashungu lʼetema awo. Osoku mbakatshaka Jobo.

Esambu 77:15

La lunya laye mbakayatshungula wudja aye, Ana wa Jakoba la wa Josefu.

Esambu 86:10

Ne dia we keli wuki, katutshaka akambu wa mamba; We weme keli Unyashungu.

Joele 2:16

Nyusanganya wudja, Nyutshi lusanganya lʼekila. Nyusanganya dihangamendi, Nyusanganya ana, kuyanga wane wakalome awele. Utshuki atumbi uma lu luudu landi, La utshukami uma lu luudu la mbetama.

Akambu wʼAsi Lewi 10:3

Mose akatela Arona ati: Dikambu ne mbakati Latuyalaka ati: Dimi layuyaenya ekila lʼatei a wane weli lasuki la mi. Layutumbwama la ntundu ka antu tshe. Ku Arona akatshikala ki.

Akambu wʼAsi Lewi 20:7

Okone nyuyakidia, nyuyali ekila, ne dia dimi keli Latuyalaka, Unyashungu anyu.

Walelu 11:8

Antu wakadianganaka dia ntayitongona, wakayihelaka lu ehelo kana yito lu tuli. Vo wakayikateka lu puki, wakayitshaka ekama. Ku vo wakayalaka lʼunyo uku ekama wosohanyimi la iso.

Joani 17:19

Dimi lambuyakidia lu dikambu diawo, dia ndu vo wayakidia lu mete.

Jashua 3:13

Ku lamʼayukuma ekulu wʼelombedi watembe oshete wa Latuyalaka, Khumi ka kete tshe, lʼatei wʼashi wa Jorodana, ashi wayemala, hawokela. Ku ashi la diku wayemala lukingi.

Jashua 3:15

Lamʼakakumi elombedi wakatembaka oshete lu Jorodana kamʼakawambia ekulu awo lʼashi (ne dia Jorodana atuyalaka la elula lu nshi ya dinela),

Jashua 3:4

Kanyutshikaneli lʼoshete tshalula ya kubita nunu pendi. Tanyusukanaki lasuki la wo. Vo wayutanyenyaka mbuka kahumbanyu mbeta, ne dia nyu nyateti lu mbuka kako.

Jashua 3:6

Jashua akatela elombedi ati: Nyembe oshete wa sheki, nyeti ntundu kʼantu. Ku vo wakembe oshete wa sheki, waketi la ntundu kʼantu.

Jashua 7:13

Emali, ukidia antu; uwateli wati: Nyuyakidia dikambu dia lui, ne dia Latuyalaka, Unyashungu wa Isariyele, kata ati: Isariyele li, diango diakakimwama tadiuyalaki lʼatei anyu. Nyu hanyeyi memala la ntundu kʼatunyi anyu, tshikima nyu nyambutanyisha diango diku diakakimwama uma lʼatei anyu.

1 Samuele 16:5

Ndi akakaluya diui ati: Elu; la ndjulambula Latuyalaka ulambu, kuyemi. Nyuyalongosole, tutshu la ntulambula ulambu. Ndi akakidia Jese la anʼandi wʼapami; akawaeti uya lu ulambu.