Jashua 3:3 - La Bible en Otetela (Bible K'Ekila) 1991

³ Wakatela antu vati: Lamʼayunyena elombedi wʼasi Lewi watembe oshete wa sheki wa Latuyalaka, Unyashungu anyu, kanyuneli uma lʼahuli wenyu, kanyuyeli.

Jashua 3:3 Iomraidhean Croise

2 Samuele 6:13

Lamʼakakendakenda amembi wʼoshete wa Latuyalaka wanya asamalu Davidi akulambula ngombe la yana ya ngombe yʼununyi.

2 Samuele 6:3

Vo wakatundja oshete a Unyashungu uma lu luudu la Abinadaba laki ladiku dia dikuna; wakawahe ladiku dia pusupusu kʼuyuyu. Uza la Ahiyo, ana apami wa Abinadaba, wakasukuya pusupusu kako.

1 Khumi ya Dikanga 8:3

Lamʼakakumi dihangamendi tshe dia Isariyele, elombedi wakembe oshete.

Jeremiya 33:18

Elombedi wʼasi Lewi hawuhumbaki ekito pundju la ntundu kami, wa nambulaka elambu wa lutshumba, wa ntshumbaka elambu wa shima, la wa nambulaka elambu nshi tshe.

Walelu 10:33

Ku vo wakunela uma lu ukungu wa Latuyalaka, wakakendakenda nshi shatu; oshete wa sheki wa Latuyalaka wakatshu la ntundu kawo lokendo la nshi shatu, dia ntayangela dihuli dia vo mumuya.

Walelu 4:15

Lamʼayushidiya Arona la anʼandi momba etemwelo la diango diato tshe diʼulimu, ana apami wa Kohata kawuyakaki dia ndjemba diango diako lamʼayunelaka asi Isariyele. Keli vo tawunandaka diango diʼekila, ne dia watukuvo. Oso eli diango diʼulimu wa luudu lʼesanganelu la dipema diakawasha ana apami wa Kohata dia membaka.

Mateu 16:24

Ku Jesu akatela ambeki andi ati: Naka antu alanga ndijelami, ndi embe utamba andi a mpeketanya, andijeli.

Mateu 8:19

Ufundiji omotshi akayi le ndi, akawutela ati: Umbetsha, dimi layukuyela lu ahuli tshe wayuyutsho.

Euhwelu kʼElembe 31:25

Mose akatela asi Lewi, wakatembaka oshete wa sheki wa Latuyalaka, ati:

Euhwelu kʼElembe 31:9

Mose akafundi elembe ene, akawesha elombedi, ana wa Lewi, watembaka oshete wa sheki wa Latuyalaka, ndu dihangamendi tshe dia Isariyele.

Jashua 3:4

Kanyutshikaneli lʼoshete tshalula ya kubita nunu pendi. Tanyusukanaki lasuki la wo. Vo wayutanyenyaka mbuka kahumbanyu mbeta, ne dia nyu nyateti lu mbuka kako.

Jashua 3:6

Jashua akatela elombedi ati: Nyembe oshete wa sheki, nyeti ntundu kʼantu. Ku vo wakembe oshete wa sheki, waketi la ntundu kʼantu.

Jashua 3:8

Kuteli elombedi watembe oshete wa sheki wati: Lamʼayunyukuma lʼumamu wʼashi wa Jorodana, kanyutemali kʼatei wa Jorodana.

Jashua 4:10

Elombedi wakatembaka oshete, wakemala kʼatei wa Jorodana edja ndu lamʼakashili akambu tshe wakadjangela Latuyalaka Jashua dia mbatela, uku akatatedi Mose Jashua. Antu wakateho esadi esadi.

Jashua 6:6

Ku Jashua, onʼa Nuna, aketi elombedi, akawatela ati: Nyembe oshete wa sheki, la elombedi esambeli wakimeli amama wa seki ya waumi wʼekoko la ntundu kʼoshete wa Latuyalaka.

Enyelo 14:4

Vo kumunana la amantu, ne dia vo weko uku amantu wa dimuma. Vo mbatuyelaka Ona-Okoko lu ahuli tshe watshondi. Vo wakasumbama uma lʼatei wʼantu, ne dia ndjala elua wa ntundu le Unyashungu ndu le Ona-Okoko.

1 Samuele 6:15

Ku asi Lewi wakatundja oshete wa Latuyalaka uma lu pusupusu, ndu oshete ukina waki lʼumamu awo, waki la diango dia paunyi, wakawahe ladiku dia dive dia wuki. Lushi lako asi Bete-Shemeshe wakalambula Latuyalaka elambu wa lutshumba la elambu ekina.