Jashua 3:14 - La Bible en Otetela (Bible K'Ekila) 1991

¹⁴ Lamʼakunela antu uma lu mvudu yawo yʼapema dia nteho Jorodana, elombedi wakatembaka oshete wa sheki, waketi la ntundu kawo.

Jashua 3:14 Iomraidhean Croise

Esambu 132:8

Uneli, we Latuyalaka, utshu utsha lu dihuli diaye dia mumuya, Ndu we ndu oshete wa sheki wa wulu aye!

Jeremiya 3:16

Latuyalaka kata ati: Lamʼayunyufulanela ndu lamʼayunyuyala la diwutshi, lu nshi sho, nyu hanyoteketa ndu dia oshete wa sheki wa Latuyalaka, hanyudimula lukumbu, kana mbuho lu tukanyi, hanyukumbula mbena, kuyanga ntsha ukina wuhu ako.

Euhwelu kʼElembe 31:26

Nyose buku ne diʼelembe, nyudikitsha lʼumamu wʼoshete wa sheki wa Latuyalaka, Unyashungu anyu, dia dio ndjala omenyi loko dikambu dianyu.

Heberu 9:4

Donga dia paunyi dia ntshumba malashi dieko loko, ndu oshete wa sheki wukumbami la paunyi ladiku tshe, aki la puki ka paunyi kaki lu mana loko, ndu danga dia Arona diakamene songusongu, ndu pasi diʼave dia sheki;

Jashua 24:11

Nyu nyakateho Jorodana, nyakakumi la Jeriko. Ku asi Jeriko wakalo la nyu, vo lʼasi Amora, asi Perizi, asi Kanana, asi Hiti, asi Ngiringase, asi Hiwi la asi Jebuse. Keli dimi lakakimo lʼanya anyu.

Jashua 3:3

Wakatela antu vati: Lamʼayunyena elombedi wʼasi Lewi watembe oshete wa sheki wa Latuyalaka, Unyashungu anyu, kanyuneli uma lʼahuli wenyu, kanyuyeli.

Jashua 3:6

Jashua akatela elombedi ati: Nyembe oshete wa sheki, nyeti ntundu kʼantu. Ku vo wakembe oshete wa sheki, waketi la ntundu kʼantu.

Jashua 6:6

Ku Jashua, onʼa Nuna, aketi elombedi, akawatela ati: Nyembe oshete wa sheki, la elombedi esambeli wakimeli amama wa seki ya waumi wʼekoko la ntundu kʼoshete wa Latuyalaka.