Jashua 24:26 - La Bible en Otetela (Bible K'Ekila) 1991

²⁶ Jashua akafundi aui ane lu buku diʼelembe wa Unyashungu. Ndi nkose dive dia wuki, akadieme lʼesi utamba wʼulungu waki lu etemwelo ka Latuyalaka.

Jashua 24:26 Iomraidhean Croise

Etatelu 31:45

Jakoba akose dive dimotshi, akadieme uku ekoho.

Etatelu 35:4

Vo wakakimo ditemolatemola tshe diʼasi wedja diaki la wo, la tushingu taki lu atui awo le Jakoba. Ku ndi akadikhunde la tshina diʼulungu waki lasuki la Shekeme.

Etatelu 35:8

Debora, yaya ya Rebeka, akavu. Ku vo wakukhunde la Betele la tshina diʼulungu, wakawole vati: Utamba wʼalelu.

Etumbelu 24:4

Ku Mose akafundi aui wa Latuyalaka tshe. Ndi akunela kʼolomo la pindju, akatshi ediakelu la tshina diʼukungu, ndu dikoho dikumi la pendi, uku wedja dikumi la ehendi wa Isariyele.

Embadi 9:6

Ku asi Shekeme tshe wakamote kame la wa lu luudu la Milo; wakatudja Abimeleke khumʼekanga lasuki lʼutamba wʼulungu wakawuni la Shekeme.

1 Samuele 7:12

Samuele akose dive dimotshi, akadieme lasa Mizipa la Shene. Ndi akadiole ati: Ebene-Ezere (kitshimudi ati: Dive diʼekimanyelu). Ndi ikati ati: Latuyalaka ambutukimanyia edja ndu elo.