Jashua 24:18 - La Bible en Otetela (Bible K'Ekila) 1991

¹⁸ Latuyalaka kakatutshanyia antu tshe, ndu asi Amora wakadjashi lu kete nye. Okone ndu shu, tayotemolaka paka Latuyalaka, ne dia ndi keli Unyashungu asu.

Jashua 24:18 Iomraidhean Croise

Esambu 116:16

We Latuyalaka, mete, dimi leko ukambi aye; Ukambi aye mbemi, onʼa ukambi aye a umuntu. We kakankelekula ekodi.

Etumbelu 10:2

Ku we ayeya nkondwela onʼaye la ukana aye uku akamatshela asi Edjibitu, ndu akambu wa mamba wakamatshi lʼatei awo. Okone nyu nyayeya nyati: Dimi keli Latuyalaka.

Etumbelu 15:2

Latuyalaka keli wulu ami ndu usambuami. Ndi kakayala panda kami. Ndi keli Unyashungu ami, dimi layutumbuiaka. Ndi keli Unyashungu a papa, dimi layuwandulaka. Unyashungu a papa, dimi layutumbulaka.

Etumbelu 23:31

Layushikike elelu anyu uma lʼUduwa a Tilili pulu ndu lʼuduwa wʼasi Filistiya, ndu uma lʼusui wa shenga edja ndu lu ndjali kʼEyufarate. Dimi layukimo akanga a kete lʼanya anyu, ku nyu nyayuwatshanya uma la ntundu kanyu.

Mika 4:2

Wedja efula wayuya, Ku wayuta vati: Nyuyeti, tutshu lʼukungu wa Latuyalaka, Lu luudu la Unyashungu a Jakoba, Dia ndi ntutetsha mbuka yandi, Mbayuteya nkendakenda lu tuwuka tandi. Ne dia uma la Siona kayutumbaka elembe, La aui wa Latuyalaka uma la Jerusalema.

Zekariya 8:23

Latuyalaka Kanga lulimbilimbi kata ati: Lu nshi sho, antu dikumi wʼuma lʼeteketa tshe wa wedja wayukimela usi Juda otoi lʼuhimbu wa dihondo diandi, wata vati: Shu tayutsho kame la nyu, ne dia shu takuki lukumu ati: Unyashungu eko kame la nyu.

Etsha wa Atumami 7:45

Lʼetena kawo, watshesu ndu Jashua wakakiela lamʼakawakumi lu kete yʼasi wedja, wane wakanya Unyashungu uma lu ashu a watshesu, edja ndu lu nshi ya Davidi,

Euhwelu kʼElembe 10:21

Ndi keli diandu dianyu, keli Unyashungu anyu, kakanyutshela akambu ane a waki ndu wa woma, wakanyenyi lʼashu anyu dikambu dianyu.

Euhwelu kʼElembe 33:27

Unyashungu Latuyalaka eli edjaselu kaye, Anya andi wa pundju weli lungeli laye, Ndi katutshanyaka atunyi la ntundu kaye, Ku ndi akati ati: Washili ushiki.

Jashua 23:9

ne dia Latuyalaka akatshanya wedja wa waki ndu wa wulu uma la ntundu kanyu. Nduku untu akeyi memala la ntundu kanyu edja ndu elo.

Jashua 24:17

Ne dia Latuyalaka, Unyashungu asu, kakatutundja, shu la washesu, uma lu kete ya Edjibitu, lu luudu la lohombo. Ndi kakatshi tulimbitelu ta mamba lu ashu asu. Ndi kakayatulamaka lu mbuka tshe yakatayayakaka ndu lʼatei a wedja tshe wakatayalekanaka.

Jashua 24:19

Jashua akatela antu ati: Nyu hanyukuka nkambela Latuyalaka ulimu, ne dia ndi eli Unyashungu wʼekila, Unyashungu a kandjema. Ndi hunyudimanyia ehedia anyu la kolo yanyu.