Jashua 24:17 - La Bible en Otetela (Bible K'Ekila) 1991

¹⁷ Ne dia Latuyalaka, Unyashungu asu, kakatutundja, shu la washesu, uma lu kete ya Edjibitu, lu luudu la lohombo. Ndi kakatshi tulimbitelu ta mamba lu ashu asu. Ndi kakayatulamaka lu mbuka tshe yakatayayakaka ndu lʼatei a wedja tshe wakatayalekanaka.

Jashua 24:17 Iomraidhean Croise

2 Ekondo 13:10

Keli shu, Latuyalaka keli Unyashungu asu, shu kumboseka. Elombedi asu watutshaka ulimu wa Latuyalaka weli ana wa Arona ndu asi Lewi weko lu elimu awo.

Etumbelu 13:14

Ku lamʼayunyumbula anʼanyu wʼapami lu nshi yayayi vati: Na dikambu ne? Kanyuwakaluyaki diui nyati: Latuyalaka akatutundja uma lʼEdjibitu, uma lu luudu la lohombo, la lunya landi la wulu.

Etumbelu 13:3

Ku Mose akatela antu ati: Kanyuhoki lushi lone lakanyatumbi uma lu luudu la lohombo lu Edjibitu, ne dia Latuyalaka akanyutundja uma lu dihuli ne la lunya landi la wulu. Tanyolekaki ma dieli la edya etena kako.

Etumbelu 19:4

Nyu nyakenyi okone akamatshela asi Edjibitu, ndu uku akamanyembe ladiku diʼahafu wa pungu dia nyela uya le mi.

Isaya 46:4

Edja ndu esumbi anyu. Layunyusukelaka, Edja ndu lamʼayunyuyala esumbi wa lukusumbi. Dimi lakanyembe, layunyembe ntu. Dimi layunyusukela, layunyushimbela.

Euhwelu kʼElembe 29:2

Mose aketi asi Isariyele tshe, akawatela ati: Nyu nyakenyi akambu tshe wakatshela Latuyalaka Farayo, ekambi andi la kete yandi tshe ya Edjibitu lu ashu anyu.

Euhwelu kʼElembe 32:9

Etenyi ka Latuyalaka keli wudja andi, Jakoba keli etenyi kandi kʼukito.

Euhwelu kʼElembe 7:19

Nyuho ahimbelu wa mamba, tulimbitelu la akambu wa mamba, lunya la wulu ndu lʼusimbwi wakenyi ashu anyu lamʼakanyutundja Latuyalaka, Unyashungu anyu. Osoku mbayutshela Latuyalaka, Unyashungu anyu, wedja tshe wukanyu woma.

Jashua 24:16

Ku antu wakûkaluya diui vati: Kanyi ya ntuna Latuyalaka la ya ntemola ditemolatemola yeko etali uma le su,

Jashua 24:18

Latuyalaka kakatutshanyia antu tshe, ndu asi Amora wakadjashi lu kete nye. Okone ndu shu, tayotemolaka paka Latuyalaka, ne dia ndi keli Unyashungu asu.