Jashua 24:15 - La Bible en Otetela (Bible K'Ekila) 1991

¹⁵ Naka nyu hanyongenangena ntemola Latuyalaka elo, nyosonole kene kalanganyu ntemola, kana ditemolatemola diakatemolaka washenyu la wedi wa Efarate, kana ditemolatemola diʼasi Amora, akanga a kete yudjashinyu. Keli dimi la wa lu luudu lami tayotemolaka Latuyalaka ndame.

Jashua 24:15 Iomraidhean Croise

Etatelu 18:19

Dimi lakenyi ololo nti: Abarahama ayekiya anʼandi ndu wa lu luudu landi tshe dia vo nkendakendaka ololo lu mbuka ka Latuyalaka, la dia vo ntsha akambu wʼusimbwi ndu wʼololo. Osoku ku dimi Latuyalaka, layushidiya daka diakamalaki Abarahama.

Etatelu 35:2

Jakoba akatela wa lu luudu landi ndu wane tshe waki kame la ndi ati: Nyunya ditemolatemola diʼasi wedja dieli lʼatei anyu, nyuyaedia, nyenguli anondo,

1 Khumi ya Dikanga 18:21

Elidja akasukana le antu tshe, akawambula ati: Edja ndu kaandi ayunyukimo mpakahaka lʼatei a beke pendi ne? Naka Latuyalaka keli Unyashungu, nyuyeli! Keli naka Bala keli Unyashungu, nyuyeli! Ku wudja kumbukaluya nduku diui.

1 Ekondo 1:14

Jebuse, Amora, Ngiringase,

Esambu 101:2

Dimi layokendakendaka la yewu lu mbuka kʼusimbwi. Kaandi ayuyuya le mi? Dimi layuyalaka la utema wʼololo, Lʼatei a luudu lami.

Esambu 119:106

Dimi lakatshibi, ndu layushikike etshibelu kami nti: Layulamaka elembe aye wʼololo.

Etumbelu 23:2

Tuyelaki ului wʼantu dia ntsha kolo. Tukadimoki lu leke lʼului a wuki wʼantu dia mpimbula dikambu uhimbulahimbula.

Etumbelu 23:24

Tukhuselaki ditemolatemola diawo adui, tuditemolaki. Tukuyaki wedja ene lu ditshelu diawo. Keli kulanya, ndu katshatsha pingu yawo.

Etumbelu 34:15

ne dia utukutudja la akanga a kete sheki. Lamʼayuwotemola ditemolatemola diawo, la dilambula elambu, untu omotshi atukuyuketa dia we ntole nyama kʼulambu andi.

Ezekiyele 20:39

Khumadiondjo Latuyalaka kata ati: Nyu khumbu ka Isariyele, nyutshu, nyutotemole untu lʼuntu dikishi diandi; ndu lu nshi yayayi pupu, naka nyu hanyulangi mbukelami. Keli nyu hanyusanya lukumbu lami lʼekila ntu la eshasha anyu, ndu la dikishi dianyu.

Danyele 3:18

Kuyanga aha osoku we khumʼekanga, eye wati: Shu hatukhusela ditemolatemola diaye adui, kana ntemola kimeta ka paunyi kene kakayeme.

Akambu wʼAsi Lewi 14:42

Ku vo wayosa ave akina dia mbidja lu ahuli waki ave wa ntundu; la kete ya losoha kina dia nshingula luudu ntu.

Mika 4:5

Wedja tshe, wudja la wudja, Watuyelaka lukumbu la etemolatemola kawo. Keli shu tayuyela lukumbu la Latuyalaka, Unyashungu asu, pundju pundju.

Etsha wa Atumami 11:23

Lamʼakandakumi, lamʼakandenyi ngandji ka mamba ka Unyashungu, ndi akangenangena, akakokomiya vo tshe ati: Nyumamemi Khumadiondjo la esangwelu lʼetema.

Euhwelu kʼElembe 13:7

dia lʼatei wa ditemolatemola dia wedja wutudingi, wa lasuki la nyu kana lʼetali uma la kuma ka kete kemotshi pulu ndu la kuma kekina,

Euhwelu kʼElembe 29:18

Nyewo, pami, umuntu, khumbu, kana diuhu dimotshi diambukadimo etema awo elo uma le Latuyalaka, Unyashungu asu, dia ntsho dia ntotemola ditemolatemola dia wedja eku, tadiuyalaki lʼatei anyu. Udiu watutungaka elua wa lolengo ndu wʼululu tawuyalaki lʼatei anyu.

Jashua 24:16

Ku antu wakûkaluya diui vati: Kanyi ya ntuna Latuyalaka la ya ntemola ditemolatemola yeko etali uma le su,

Embadi 6:10

Dimi lakanyutela nti: Dimi leli Latuyalaka, Unyashungu anyu; tanyukaki ditemolatemola diʼasi Amora, akanga a kete yudjashinyu, woma. Keli nyu kumbuka diui diami.