Jashua 23:3 - La Bible en Otetela (Bible K'Ekila) 1991

³ Nyu nyakenyi akambu tshe wakatshela Latuyalaka, Unyashungu anyu, wedja ene tshe waki la ntundu kanyu, ne dia Latuyalaka, Unyashungu anyu, kakatanyolwelaka ta.

Jashua 23:3 Iomraidhean Croise

Etumbelu 14:14

Latuyalaka ayunyolwela ta, keli dieli la nyu, ku dia ntshikala ki.

Etumbelu 19:4

Nyu nyakenyi okone akamatshela asi Edjibitu, ndu uku akamanyembe ladiku diʼahafu wa pungu dia nyela uya le mi.

Ezekiyele 20:28

Lamʼakamakumia lu kete yakamatshibi dia mbasha, vo wakedia ashu utsha lu dikuna tshe diʼutali, utsha lʼutamba tshe wa pukaa. Vo wakalambulaka elambu awo leko, wakambukia kele la elambu awo. Vo wakalambulaka elambu awo wa malashi ndu elambu awo wa lutela.

Malaki 1:5

Ashu anyu wayena dikambu diako, ku nyu nyayuta nyati: Latuyalaka atumbwami la wedi wʼulelu wa Isariyele!

Euhwelu kʼElembe 1:30

Latuyalaka, Unyashungu anyu, latokendakendaka la ntundu kanyu, ayunyolwela ta ndame, uku okone akandatshi lu ashu anyu lʼEdjibitu,

Euhwelu kʼElembe 20:4

Latuyalaka, Unyashungu anyu, atutshokaka kame la nyu dia nyolwela la atunyi anyu, dia nyusha elembielo.

Euhwelu kʼElembe 4:9

Dikambu otoi, uyalami, umbi utema aye ololo nshi tshe ya lumu laye, ne dia utukuyuhela akambu wakayenyi lʼashu, ndu watukutumba uma lʼutema aye. Kuwaetshaki anʼaye la ekana aye —

Euhwelu kʼElembe 7:17

Undu, nyu nyayuta lʼetema anyu nyati: Wedja ene tuleka efula; ukundi ayuteya mbatshanya?

Euhwelu kʼElembe 7:24

Ndi ayukimo khumi ya dikanga yawo lu anya anyu. Ku nyu nyayushisha kumbu yawo lʼesi a ulungu. Nduku pami kayuyala la wulu wa memala dia ndo la nyu, edja ndu lamʼayunyalanya.

Jashua 10:14

Nduku lushi lakayala uku lushi loso la ntundu kana lʼokongo alo, lakukela Latuyalaka untu; ne dia Latuyalaka akalwela asi Isariyele ta.

Jashua 10:42

Jashua akalembia khumi ya dikanga nye tshe la kete yawo etena otoi, ne dia Latuyalaka, Unyashungu wa Isariyele, akatalwelaka Isariyele ta.

Jashua 23:10

Untu otoi lʼatei anyu mbeyaka mbitshanya antu kinunu, ne dia Latuyalaka, Unyashungu anyu, atunyolwelaka ta, uku akandanyutela.