Jashua 23:14 - La Bible en Otetela (Bible K'Ekila) 1991

¹⁴ Enda, dimi luyanga ntsho lu mbuka katutshokaka antu tshe. Nyu mbeyaka lʼetema anyu ndu lu nyumu yanyu tshe nyati: Nduku dikambu diakati Latuyalaka, Unyashungu anyu, lu dikambu dianyu, diahatatshama.

Jashua 23:14 Iomraidhean Croise

Etatelu 47:29

Lamʼakasukana nshi ya Isariyele mvo, ndi aketi onʼandi Josefu, akosengasenga ati: Naka we mbukakami ngandji, udji lunya laye la tshina diʼehelohelo kami. Kuntsheli akambu wa ketshi la wa mete. Tunkhundeki lu kete yʼEdjibitu.

1 Khumi ya Dikanga 2:2

Dimi lutsha ntsho utsha lu mbuka kʼantu tshe. Okone ukikitali, uyali pami!

1 Khumi ya Dikanga 8:56

Latuyalaka, lakasha wudja andi Isariyele mumuya uku alaka tshe wakandalaki, atumbwami! Nduku diui diʼuma lu daka diandi tshe diakandalaki lʼunyo wʼukambi andi Mose, diahatatshama.

Jobo 30:23

Dimi mbeyaka nti: We eko lu ntanombola utsha lu nyoi, Utsha lu dihuli diatusanganaka wasena tshe

Etumbelu 3:8

Okone lambuhulo dia ndjatshungula uma lʼanya wʼasi Edjibitu, la mbatundja uma lu kete ku, utsha lu kete yʼololo ya wuki, lu kete yuludi too lʼawele la usanga. Dimi layalombola utsha lʼahuli wudjashi asi Kanana, asi Hiti, asi Amora, asi Perizi, asi Hiwi, la asi Jebuse.

Undaki 12:5

ntundu ka lushi layuwuka akambu wa lʼulungu woma, la woma wa mamba wayuyala lu mbuka, la utamba wa amande wayoto alembo, ndu dikata diayuyala wutshu, la saki yayushila ne dia untu, ne dia untu lutsha ntsho utsha lʼedjaselu kandi ka pundju; la asi utanda wayeteta lu esese;

Undaki 9:10

Kene tshe kayena lunya laye dia ntsha, kukitshi la wulu aye; ne dia nduku ulimu kuyanga kanyi, ewu kuyanga yimba, yeli lu Dihuli diʼEdu, lene atayatshu.

Ezekiyele 20:28

Lamʼakamakumia lu kete yakamatshibi dia mbasha, vo wakedia ashu utsha lu dikuna tshe diʼutali, utsha lʼutamba tshe wa pukaa. Vo wakalambulaka elambu awo leko, wakambukia kele la elambu awo. Vo wakalambulaka elambu awo wa malashi ndu elambu awo wa lutela.

Walelu 23:19

Unyashungu kema untu, dia ndi mvuta kashi, kuyanga onʼa untu dia ndi nkadimula kanyi yandi. Diui diakandatshi, ku ndi haditshi? Kana akambu wakandatshi, ku ndi hashidiya?

Luka 21:33

Ulungu la kete wayushila, keli aui ami hawushila.

Heberu 9:27

Uku dieli la antu dia mvo luvo otoi, ku elumbwelu ndjuya lʼokongo,

1 Samuele 3:19

Samuele akuli, Latuyalaka aki la ndi. Latuyalaka kumbetawo nduku diui diandi otoi nko la kete.