Jashua 22:30 - La Bible en Otetela (Bible K'Ekila) 1991

³⁰ Lamʼakuki olombedi Finehasi, ewandji wʼelui wʼantu la ete wa khumbu yasi Isariyele waki la ndi aui wʼasi Rubena, asi Ngada la etenyi ka hendi ka diuhu dia Manase, vo wakangenangena efula.

Jashua 22:30 Iomraidhean Croise

Etatelu 28:8

Esau akenyi ntu ati: Ana amantu wʼasi Kanana kongenyangenya utema wa Isaka, shi.

2 Ekondo 30:4

la dikambu so diaki ololo lu ashu wa khumʼekanga la wʼului tshe wʼantu.

Esta 1:21

Aui aso wakangenyangenya khumʼekanga la ewandji, ku khumʼekanga akatshi uku diui dia Memukana.

Tukedi 15:1

Nkaluya diui la memakana atutshutshaka kele. Keli diui dia wulu diatufudiaka kele.

Etsha wa Atumami 11:18

Lamʼakawuki akambu aso, vo wakalembohala, wakatumbula Unyashungu; wakati vati: Unyashungu ambusha ndu asi wedja ekadimwelu kʼetema utsha lu lumu.

Jashua 22:29

Kanyi ya ntombokwela Latuyalaka yeko etali uma le su kuyanga nkadimo elo uma le ndi, dia mpika ediakelu kekina ne dia ulambu, ulambu wa lutshumba, kana ulambu wa shima, ladiku dia ediakelu ka Latuyalaka, Unyashungu asu, keli Ja ntundu ka etemwelo kandi ka dipema!

Jashua 22:31

Finehasi onʼa olombedi Eleazara, akatela asi Rubena, asi Ngada la asi Manase ati: Shu tambulimbitela kakiane shati: Latuyalaka eko lʼatei asu, ne dia nyu kumpedia Latuyalaka lu dikambu ne. Okone nyu nyambuhandja asi Isariyele uma lu lunya la Latuyalaka.

Jashua 22:33

Asi Isariyele wakangenangena, wakatumbula Unyashungu. Ku vo kunsanguya ntu dia ntolo la asi Rubena la asi Ngada, dia nanya kete yawo.

Embadi 8:3

Lu anya anyu kakakimo Unyashungu ewandji wa Midiyana, Oreba la Zebe, na dikambu diakamatshi laku diedimi la akambu watunyutshaka? Lamʼakandati osoku, kele kawo akakitakita le ndi.

1 Samuele 29:6

Akishi aketi Davidi, akawutela ati: Uku eli Latuyalaka la lumu! we eko pami kʼusimbwi. Dimi latongenangenaka nkena lamʼatuyutshokaka ndu lamʼatuyukalulaka kame la mi lu pangu. Dimi latakutani nduku la dikambu dia kolo umaka etena kakayakumi lakami edja ndu elo. Keli ewandji wʼasi Filistiya hawukongenangena.