Jashua 22:27 - La Bible en Otetela (Bible K'Ekila) 1991

²⁷ To kayali omenyi lʼasasu la nyu, ndu lʼasa anʼasu la anʼanyu, dia shu ntshela Latuyalaka ulimu lʼelambu, elambu wa lutshumba, la elambu wa ki, ne dia anʼanyu watukutela anʼasu lushi lukina vati: Nyu kema la ema le Latuyalaka.

Jashua 22:27 Iomraidhean Croise

Etatelu 31:48

Labana akati ati: Ului one wʼave wayali omenyi lʼasami la ye. Diako mbakawole ului ako lukumbu vati: Ngaleda.

Etatelu 31:52

Ului one wʼave la ekoho kene ka dive wayali ulelu lʼasami la ye. Dimi talekanaki utsha le ye, ndu we tulekanaki uya le mi, dia shu ntshanela kolo.

Esambu 16:5

Latuyalaka, we eli sangu diami la dikoho diami diʼukito. We atunamelaka etenyi kami.

Isaya 19:19

Kʼetena kako, vo wayuhikela Latuyalaka ediakelu lʼatei a wudja wʼEdjibitu, wayuhikela Latuyalaka ekoho lʼumamu wa kete yako.

Euhwelu kʼElembe 12:11

Ku Latuyalaka, Unyashungu anyu, ayosonola dihuli dimotshi dia nkitsha lukumbu landi leko. Leko kayunyutukimoka kene tshe kamumunyudjangela: elambu anyu wa lutshumba, la elambu anyu ekina, tenyi dianyu dia dikumi, laelonga anyu la elambu anyu wa daka, wayunyukimoka le Latuyalaka, dia nshidiya alaka anyu.

Jashua 22:10

Lamʼakakumi asi Rubena, asi Ngada, la etenyi ka hendi ka diuhu dia Manase lu leke la Jorodana lu kete ya Kanana, vo wakahiki wima ediakelu leko lʼumamu wa Jorodana.

Jashua 22:26

Diako mbakatati shati: Tuyahikeli ediakelu, aha dia nambula elambu kana elambu wa lutshumba.

Jashua 22:28

Okone shu takati shati: Lamʼayuwututela, shu kana anʼasu aui aso, shu tayakaluya diui shati: Nyendi wuhu wʼediakelu ka Latuyalaka kakahiki wa-shesu. To kema lʼelambu kana kʼelambu wa lutshumba, keli to keli omenyi lʼasasu la nyu.

Jashua 22:34

Asi Rubena, la asi Ngada wakole ediakelu kako vati: Ede, (kitshimudi ati: Omenyi), ne dia to keli omenyi lʼasasu la nyu ati: Latuyalaka keli Unyashungu.

Jashua 24:27

Jashua akatela antu tshe ati: Nyendi, dive ne diayuvala omenyi lu dikambu dianyu. Dio diambuka aui tshe wambututela Latuyalaka, ne dia nyutukutsha lukesu le Unyashungu anyu.

1 Samuele 7:12

Samuele akose dive dimotshi, akadieme lasa Mizipa la Shene. Ndi akadiole ati: Ebene-Ezere (kitshimudi ati: Dive diʼekimanyelu). Ndi ikati ati: Latuyalaka ambutukimanyia edja ndu elo.