Jashua 22:19 - La Bible en Otetela (Bible K'Ekila) 1991

¹⁹ Naka kete yanyu yʼukito yeko mindu, kanyuteho utsha lu kete ya Latuyalaka, lene emadi etemwelo ka dipema ka Latuyalaka. Kanyutudjase lʼatei asu, keli tanyo-tombokwelaki Latuyalaka. Tanyatanaki la su, dia nyu ndjahikela ediakelu kekina ladiku diʼediakelu ka Latuyalaka, Unyashungu asu.

Jashua 22:19 Iomraidhean Croise

2 Ekondo 11:13

Elombedi la asi Lewi waki lu Isariyele tshe wakatumbi uma lu ahuli awo, wakatshu utsha le ndi.

Etumbelu 15:17

We ayalombola pulu, ayutashikike ladiku diʼukungu wakayasonwela, Lu dihuli diakayatshi edjaselu kaye, we Latuyalaka! Lu etemwelo kakayabiki la anya aye, we Latuyalaka!

Danyele 10:13

Keli uwandji wa diulelu dia Peresiya akasemanela la mi nshi akumi ahendi la otoi. Ku Mikaele, uwandji omotshi uma lʼatei wʼewandji a waki, akayunkimanyia. Dimi lakutshiki leko lasuki la khumi ya dikanga ya Peresiya.

Amose 7:17

Uma lu dikambu so, mbata Latuyalaka ati: Wadeye ayuyala kanga munanyi lʼusumba. Anʼaye wʼapami la anʼaye wʼamantu Wayudiakema la yombo, La kete yaye yayukahanyema lʼokodi. Weme ayuvo lu kete ya mindu. Mete, Isariyele wayotolama lu fumbi, Etali uma lu kete yawo.

Jashua 18:1

Ului tshe wʼasi Isariyele wakamote kame la Shilo, wakahiki luudu lʼesanganelu la dipema leko. Vo wakalembia kete.

Jashua 22:11

Asi Isariyele wakuki lukumu vati: Asi Rubena, asi Ngada, la etenyi ka hendi ka diuhu dia Manase wambuhika ediakelu lu kete ya Kanana, lu leke la Jorodana, lu wedi wʼasi Isariyele.