Jashua 22:15 - La Bible en Otetela (Bible K'Ekila) 1991

¹⁵ Vo wakatshu le asi Rubena, asi Ngada, la etenyi ka hendi ka diuhu dia Manase lu kete ya Ngiliyade, wakatuwatela vati:

Jashua 22:15 Iomraidhean Croise

1 Ekondo 21:3

Joaba akûkaluya diui ati: Latuyalaka afudia wudja andi tena lukama uma lu yediko yawo. Keli khumemi khumʼekanga aha vo tshe ekambi aye mbewo? Dikambu kuna dialangaye dikambu ne khumemi? Ukundi ayangaye munganyia Isariyele okone?

2 Ekondo 10:19

Osoku mbakakakito Isariyele uma le khumbu ka Davidi edja ndu elo.

2 Ekondo 25:27

Uma lamʼakakadimo Amaziya uma le Latuyalaka, vo wakutshwela sheki la Jerusalema. Ku ndi akalawo la Lakishi. Vo wakayelana la ndi la Lakishi, ku wakatudiaka leko

2 Ekondo 26:18

Vo wakashimbi khumʼekanga Uziya; wakawutela vati: We kema la wulu wa nambula Latuyalaka malashi! Elombedi ana apami wʼArona, wakakidiama, mbeli la wulu wa nambula malashi. Utumbi uma lʼetemwelo, ne dia we ambutsha kolo. Ndu dikambu ne hadiukukundjiya nemo le Latuyalaka Unyashungu.

2 Ekondo 28:13

Tanyukumaki la fumbi ku lindu! ne dia nyu nyambuyanga ntutungela unungu le Latuyalaka, dia ntahela kolo dia munga yasu. Shu tambuyalaka la unungu, ndu kele ka mamba ka Latuyalaka keko le su, shu Isariyele.

Ezera 9:15

Latuyalaka li, Unyashungu wa Isariyele, we keli ololo! Shu atshikadi amotshi teko elo. Shu akanga wʼenungu ane teko la ntundu kaye. Keli nduku otoi asu lukuki memala la ntundu kaye.

Ezera 9:2

Vo wakatshuki anʼawo wʼamantu, ndu wakatshukela anʼawo wʼapami. Ku vo wakasohanya diuhu diʼekila la wedja wa lu kete ku. Ewandji lʼelohe wakaleki ntsha kolo kako.

Esambu 78:8

Tawuyalaki uku washewo. Lolonga lʼehedia la etema a wulu, Lolonga laki kundjala la etema wʼusimbwi, La nyumu yekami le Unyashungu.

Etumbelu 32:8

Vo wambunganela esadi uma lu mbuka kakamawadjangela. Vo wambuyatshela yana ya ngombe ya lolelola; wambuyitemola, wambuyilambula ulambu, wata vati: Isariyele li! etemolatemola kanyu, kakanyutundja uma lu kete ya Edjibitu kene!

Isaya 63:10

Keli vo wakotombokwela, Wakanyangia Nyuma kandi kʼekila; Diako mbakandayala utunyi awo, mbakandalo la wo.

Akambu wʼAsi Lewi 26:40

Keli naka vo wambushula kolo yawo ndu kolo ya washewo lu ehedia awo wakawampediaka, la osemanelu wakawasemanelaka la mi,

Akambu wʼAsi Lewi 5:19

Oso eli ulambu wʼunungu. Ndi eko la unungu la ntundu ka Latuyalaka.

Walelu 14:43

Asi Amaleka la asi Kanana weko la ntundu kanyu, vo wayunyudiaka la tombo. Latuyalaka hatshu la nyu, ne dia nyu nyakakadimo uma le ndi.

Walelu 32:15

Naka nyu nyayetola uma le ndi, ndi ayutshika asi Isariyele lʼusui ntu, ku nyu nyayuyudiaka antu ane tshe.

Walelu 5:6

Uteli asi Isariyele wati: Lamʼatshela pami kana umuntu unyandi kolo wuhu watutshaka antu, dia mpedia Latuyalaka, untu ako eko la unungu.

Mateu 18:17

Naka ndi hawaukela, ututeli ekelizia. Naka ndi hukela ndu ekelizia, ndi ayali uku usi wudja le ye, la uku ulungudi wʼelambu.

1 Koreto 1:10

Anyasu, dimi lambunyosengasenga lu lukumbu la Khumesu Jesu Kristu, dia nyu tshe mvuta diui otoi, diaha nyu mbatana, keli dia nyu nduwanyema lu yimba ndu lu tukanyi kame.

1 Koreto 5:4

lu lukumbu la Khumadiondjo Jesu. Lamʼasangananyu, utema ami weko la nyu, ndu wulu wa Khumesu Jesu,

Euhwelu kʼElembe 30:17

Keli naka etema anyu wambukadimo, diaha nyu nkitanyia olembe one, ndu nyambukutwama le ditemolatemola, dia ditemola la dikambela ulimu,

Euhwelu kʼElembe 7:4

Vo watukukadimula anʼanyu wʼapami uma le mi diaha vo ndjelami, dia vo ntemola ditemolatemola. Ku kele ka Latuyalaka ndjufulanela le nyu, la ndi nyudiaka esadi.

Heberu 12:25

Nyendi, tanyutunaki one lanyutela akambu ako. Naka vo kumpanda lamʼakawatuni one lakawaewula la kete, dikambu diuleki diayutushimba mpanda naka tayonyola one latewula uma lʼulungu.

Jashua 22:12

Lamʼakuki ului wʼasi Isariyele tshe dikambu so, vo wakasangana kame la Shilo dia ntsho la ntolo la wo.

Jashua 22:14

Ndi la ewandji dikumi, uwandji uma lu luudu la luudu la washi, lu diuhu la diuhu dia Isariyele. Vo tshe waki ewandji wa mvudu ya washewo lʼatei wa nunu diʼasi Isariyele.

Jashua 22:16

Ului tshe wa Latuyalaka wambuta vati: Na wuhu wʼuhendudi one wambunyuhendwela Unyashungu wa Isariyele. Okoko wana wambunyukadimo kakiane uma le Latuyalaka lu ndjahikela ediakelu ka nyu mbotombokwela elo?

Jashua 22:18

Ku elo nyambukadimo uma le Latuyalaka ntu? Naka nyu nyambotombokwela latuyalaka elo, lui ndi ayuka ului tshe wa Isariyele kele.

1 Samuele 15:23

Uhedia eli uku kolo ka endjelu ka diwulu. Ote wulu eli uku etendelo ka dikishi la pingu. We akatuni diui dia Latuyalaka, Diako mbambundukutuna ndu we lu khumʼekanga.