Jashua 2:9 - La Bible en Otetela (Bible K'Ekila) 1991

⁹ Ndi akawatela ati: Dimi mbeyaka nti: Latuyalaka ambunyusha kete nye. Woma wa mamba wanyukasu wambutunda, etema tshe wʼakanga a kete nye wambuyala ashi atu la ntundu kanyu.

Jashua 2:9 Iomraidhean Croise

Etatelu 35:5

Lʼokongo diku vo wakatshu. Woma a mamba wa Unyashungu wakandi antu tshe waki lʼesumba wa lʼutshimba awo. Ku nduku untu laki la dihunga dia ndjela ana wa Jakoba.

2 Samuele 17:10

Okone ndu kanga dihunga leli lʼutema uku tambwe ayuka woma. Ne dia Isariyele tshe mbeyaka vati: Sho eli ondoshi wa ta a wulu ndu wane tshe weli itame la ndi weli akanga a dihunga.

2 Khumi ya Dikanga 5:15

Namana akakalula le umvutshi a Unyashungu, ndi la wane wakatatshokaka la ndi tshe. Lamʼakandakumi, ndi akemala la ntundu kandi, akawutela ati: Mete, dimi lambulimbitela nti: Nduku Unyashungu weli la kete, naka aha one weli lu Isariyele. Kakiane, dimi lambukosengasenga nti: Etawo nungula ushasha omotshi uma le mi, dimi ukambi aye.

2 Khumi ya Dikanga 7:6

Khumesu akukia alimbi wʼasi Suriya lundju la pusupusu ya ta, la falasa, ndu la ului a wuki wʼalimbi. Ku vo wakatanela vati: Nyuki, khumʼekanga ka Isariyele akatokongedi khumi ya dikanga yʼasi Hiti, ndu yʼasi Edjibitu dia ndjutolosha.

Nehemiya 6:16

Lamʼakuki atunyi asu tshe lukumu lako, wedja tshe waki lʼutshimba asu wakatuki woma. Vo wakasuwo, ne dia vo wakalimbitela vati: Ulimu one ambushila uma lu wulu wa Unyashungu asu.

Esta 8:17

Lu leke tshe ndu lʼusumba tshe wakakumi olembe la didjangu dia khumʼekanga, asi Juda wakayala la etema wa ki, ongenongeno, alambu la nshi ya mumuya. Asi wedja efula wakayaete asi Juda, ne dia woma wʼasi Juda wakawandi.

Jobo 19:25

Keli dimi mbeyaka nti: One layunyindja eko. Ndi ayuyemala lʼekumelu ladiku dia kete.

Esambu 112:10

Lamʼayena untu a kolo dikambu ne, ndi ayuka kele. Ndi ayokeketanya anyu, ayushisho. Lulangu lʼuntu a kolo layushila.

Esambu 115:16

Ulungu weli wa Latuyalaka, Keli kete mbakandasha antu.

Etumbelu 18:11

Kakiane dimi lambulimbitela nti: Latuyalaka ndeka ditemolatemola tshe wuki, ndu ndeka asi Edjibitu lu akambu wakawayasemaka wulu.

Etumbelu 23:27

Dimi layutuma sasi diami la ntundu kanyu, layufutanya wedja tshe wayunyukuma. Layunyenya ekongo wʼatunyi anyu tshe.

Undaki 8:12

Kuyanga untu a kolo ambutsha kolo tena lukama ndu ambutalula nshi yandi, mete, dimi mbeyaka nti: Waku watukaka Unyashungu woma, wayuhumo lukulu lʼolo, ne dia vo watukaka woma la ntundu kandi.

Isaya 19:1

Enda, Latuyalaka lahemi lu dingi diateti esadi, Ambuya uya lʼEdjibitu. Dikishi dia lʼEdjibitu diayudidima la ntundu kandi, La etema wʼasi Edjibitu wayuyala ashi atu.

Isaya 23:5

Lamʼayukuma lukumu lone lʼEdjibitu, Vo wayuyala la okei dia mbuka lukumu lʼelanyelu ka Tura.

Jeremiya 27:5

Dimi Latuyalaka, lakatungi kete, ndu antu ndu nyama yeli ladiku diayo la wulu ami wa mamba ndu la lunya lami lʼusimbwi, lambuyikimo le wane walangami yisha.

Nahuma 2:10

Vo wambuyala hwe, wambuyala tongo tu, wambulanyema. Etema wambuyala ashi atu, adui wambusakana. Sasi diambuwanda vo tshe; Dundji diawo diambukadimo.

Walelu 20:14

Mose akatumi akendji uma la Kedeshe utsha le khumʼekanga ka Edome, dia ntuwutela ati: Onanyo Isariyele kata okone ati: We mbeyaka asui tshe wakayi le su!

Walelu 20:24

Arona utsha ntsho le washi. Ndi hukuma lu kete yakamasha asi Isariyele, ne dia nyu nyakahendula diui diami lu ashi wa Meriba.

Mateu 20:15

Undi, olembe mbeko dia dimi ntsha uku alangami la diango diami? Kuku kana we ambumbuka kandjema ne dia lukahu lami?

Euhwelu kʼElembe 11:25

Nduku untu ayuyala la wulu wa memala la ntundu kanyu. Latuyalaka, Unyashungu anyu, ayudja woma anyu la lukumba lu etema wʼasi kete tshe yayunyutakendakendaka, uku akandanyulaki.

Euhwelu kʼElembe 2:25

Elo, layutatela mbidja woma la lukumba lʼetema wʼantu tshe weli la tshina diʼulungu, ku lamʼayuwuka lukumu laye, vo wayusaka kumba, wayundama la sasi dikambu diaye.

Euhwelu kʼElembe 28:10

okone wedja tshe wa la kete wayena vati: Nyu nyambetama lu lukumbu la Latuyalaka, ku vo wayunyuka woma.

Euhwelu kʼElembe 32:8

Lamʼakasha KhumʼUlungu wedja kete ukito, Lamʼakandatanya ana wʼantu. Ndi akashikike elelu a wedja Lu yediko yʼefula kʼana wa Unyashungu.

Heberu 11:31

Dia mbetawo, Rahaba, umuntu kanga luseka, kumvo kame la waku waki la uhedia, ne dia ndi akalungula atopi la ki.

Jashua 2:11

Kamʼakatuki lukumu loso, alimba asu wakakomo, ndu etema asu tshe wakayala ashi atu lu dikambu dianyu, ne dia Latuyalaka, Unyashungu anyu, eli Unyashungu a lʼulungu ndu a la kete.

Jashua 2:24

Vo wakatela Jashua vati: Mete, Latuyalaka ambukimo kete tshe lʼanya asu. Dikambu dikina, etema wʼantu ako tshe wambuyala ashi atu dikambu diasu.

Jashua 2:8

Ntundu atopi watetama, Rahaba akambela utsha le wo ladiku dia luudu.

Jashua 5:1

Lamʼakuki khumi ya dikanga tshe yʼasi Amora ya lu leke lʼedjelu ka Jorodana, la khumi ya dikanga tshe yʼasi Kkanana, ya lʼumamu washi a waki lukumu vati: Latuyalaka akumia ashi wa Jorodana la ntundu kʼasi Isariyele edja ndu lamʼakawashili nteho, etema awo wakayala ashi atu. Vo kundjala la dihunga ntu lu dikambu diʼasi Isariyele.

Jashua 6:2

Ku Latuyalaka akatela Jashua ati: Enda, lambukimo Jeriko, khumʼekanga kawo, la andoshi andi wa ta wa wulu lʼanya aye.

Jashua 9:10

ndu uku akandatshela khumi ya dikanga hyendi yʼasi Amora la wedi wa Jorodana; Sihona, khumʼekanga ka Heshibona, la Onga, khumʼekanga ka Bashana, lakadjashi la Ashitorata.

Jashua 9:24

Ku vo wakakaluya Jashua diui vati: Wakatutela uku akadjangela Latuyalaka, Unyashungu aye, ukambi andi Mose dia nyusha kete tshe, la dia ndjaka akanga a kete tshe uma la ntundu kanyu. Ne dia shu takanyuki woma shad: Tutukudiakema, diako mbakatatshi dikambu diku.

Jashua 9:9

Ku vo wakûkaluya diui vati: Uma lu kete yʼetali mbuyesu, shu ekambi aye, lu dikambu dia lukumu la Latuyalaka, Unyashungu anyu. Shu takuki lukumu landi la akambu tshe wakandatshi lʼEdjibitu,

Embadi 7:14

Ku unyandi akûkaluya diui ati: Do so paka dikambu dia yombo ya Ngidiyona, onʼa Joasha, usi Isariyele mbedio. Mete, Unyashungu ambukimo wudja a Midiyana la alimbi awo tshe lu anya andi.