Jashua 2:11 - La Bible en Otetela (Bible K'Ekila) 1991

¹¹ Kamʼakatuki lukumu loso, alimba asu wakakomo, ndu etema asu tshe wakayala ashi atu lu dikambu dianyu, ne dia Latuyalaka, Unyashungu anyu, eli Unyashungu a lʼulungu ndu a la kete.

Jashua 2:11 Iomraidhean Croise

1 Khumi ya Dikanga 8:60

Dia wedja tshe wa la kete nimbitela vati: Latuyalaka keli Unyashungu, nduku ukina leko.

2 Khumi ya Dikanga 5:15

Namana akakalula le umvutshi a Unyashungu, ndi la wane wakatatshokaka la ndi tshe. Lamʼakandakumi, ndi akemala la ntundu kandi, akawutela ati: Mete, dimi lambulimbitela nti: Nduku Unyashungu weli la kete, naka aha one weli lu Isariyele. Kakiane, dimi lambukosengasenga nti: Etawo nungula ushasha omotshi uma le mi, dimi ukambi aye.

Nehemiya 6:16

Lamʼakuki atunyi asu tshe lukumu lako, wedja tshe waki lʼutshimba asu wakatuki woma. Vo wakasuwo, ne dia vo wakalimbitela vati: Ulimu one ambushila uma lu wulu wa Unyashungu asu.

Esta 8:17

Lu leke tshe ndu lʼusumba tshe wakakumi olembe la didjangu dia khumʼekanga, asi Juda wakayala la etema wa ki, ongenongeno, alambu la nshi ya mumuya. Asi wedja efula wakayaete asi Juda, ne dia woma wʼasi Juda wakawandi.

Esambu 102:15

Asi wedja wayuka lukumbu la Latuyalaka woma, Ndu khumi ya dikanga tshe ya la kete lutumbu laye.

Esambu 22:14

Dimi lambutshulwama uku ashi. Weka ami wambosongo. Utema ami ambolelo, ambuyala ashi atu.

Esambu 58:7

Vo washisho uku ashi wambeta; Wakamakamemi uku adiyu, walengele.

Esambu 83:18

Kaweyi vati: We latuwetaka vati: Latuyalaka, Weme keli KhumʼUlungu, umbuledi wa kete tshe.

Etumbelu 15:14

Wedja wambuka lukumu lone, wambudidima. Okei wa mamba wambuyala le wane wudjashi la Filistiya.

Etumbelu 15:15

Ewandji wa Edome wambukasana. Elombodi wʼasi Moaba wambundama la woma. Wane tshe wudjashi la Kanana wambusuwo.

Isaya 13:7

Okone anya tshe wayokomo, La utema wʼuntu tshe ayuyala ashi atu.

Isaya 19:1

Enda, Latuyalaka lahemi lu dingi diateti esadi, Ambuya uya lʼEdjibitu. Dikishi dia lʼEdjibitu diayudidima la ntundu kandi, La etema wʼasi Edjibitu wayuyala ashi atu.

Ezekiyele 21:15

Dimi lakakitsha yombo ya ngaingai dia ndo la asuku awo tshe, dia etema awo ndjala ashi atu, la dia vo ntakana efula. Yombo sho yeli uku ndjadi; yo yeko la diesa dia ndjaka antu.

Nahuma 2:10

Vo wambuyala hwe, wambuyala tongo tu, wambulanyema. Etema wambuyala ashi atu, adui wambusakana. Sasi diambuwanda vo tshe; Dundji diawo diambukadimo.

Euhwelu kʼElembe 1:28

Lendi ayututsho na? Anengesu wakayutete etema ashi atu vati: Antu aso tuleka waki efula ndu etali. Esumba awo waki etu, la kumbu yawo ya wulu pulu ndu lʼulungu. Dikambu dikina, takatena ndu asika Anaka leko.

Euhwelu kʼElembe 20:8

Elombodi wayumbula antu ntu vati: Akona eli kanga woma ndu ohodu? Ndi akaluli lakandi, anangu watukuyala ehodu uku ndi.

Euhwelu kʼElembe 4:39

Nyeyi elo, nyulami dikambu ne lʼetema anyu, nyati: Latuyalaka, keli Unyashungu ladiku, lʼulungu, ndu lesi, la kete, nduku ukina leko.

Jashua 14:8

Analingu wakatshu kame la mi, wakatutsha antu woma, keli dimi lakayeli Latuyalaka, Unyashungu ami, lʼutema tshe.

Jashua 2:24

Vo wakatela Jashua vati: Mete, Latuyalaka ambukimo kete tshe lʼanya asu. Dikambu dikina, etema wʼantu ako tshe wambuyala ashi atu dikambu diasu.

Jashua 5:1

Lamʼakuki khumi ya dikanga tshe yʼasi Amora ya lu leke lʼedjelu ka Jorodana, la khumi ya dikanga tshe yʼasi Kkanana, ya lʼumamu washi a waki lukumu vati: Latuyalaka akumia ashi wa Jorodana la ntundu kʼasi Isariyele edja ndu lamʼakawashili nteho, etema awo wakayala ashi atu. Vo kundjala la dihunga ntu lu dikambu diʼasi Isariyele.

Jashua 7:5

Asi Ai wakadiaki lasuki lʼantu akumi asatu la asamalu, wakayelana la wo uma lʼeotwelo pulu ndu la Shebarima, watadiaki lamʼakawatahuloka. Ku alimba wʼantu wakakomo, etema awo wakayala ashi atu.

Jashua 9:24

Ku vo wakakaluya Jashua diui vati: Wakatutela uku akadjangela Latuyalaka, Unyashungu aye, ukambi andi Mose dia nyusha kete tshe, la dia ndjaka akanga a kete tshe uma la ntundu kanyu. Ne dia shu takanyuki woma shad: Tutukudiakema, diako mbakatatshi dikambu diku.

Enyelo 6:16

wa tela ekungu la ave vati: Nyutukungweli, nyutushe uma lu ashu wa one latudjaseka lu kiti ka diulelu, ndu uma lu kele ka Ona-Okoko,