Jashua 19:51 - La Bible en Otetela (Bible K'Ekila) 1991

⁵¹ Oso aki tenyi diʼekito diakakahanya olombedi Eleazara, Jashua, onʼa Nuna, la ete a wedja wʼasi Isariyele. Tenyi diako diʼekito diakakahanyema lu eukelu kʼuwali la Shilo la ntundu ka Latuyalaka, lʼeotwelo ka luudu lʼesanga-nelu la dipema. Osoku mbakawashidiya nkahanya kete.

Jashua 19:51 Iomraidhean Croise

Etatelu 49:10

Danga dia diulelu hadiumoki uma le Juda. Kuyanga ukalimba a khumʼekanga uma lʼatei ekulu andi, Edja ndu lamʼayuya Shilo. Wedja tshe wayukitanyiaka aui andi.

Esambu 78:60

Okone ndi akaseke luudu landi lʼotemwelo la la Shilo, Luudu la dipema, lene akandadjaseka lʼatei wʼantu?

Mateu 20:23

Ndi akawatela ati: Mete nyu nyayono dikoho diami. Keli mbidjase lu lunya lami la pami kana lu lunya lami la lomoso, kema dikambu diami dia mbisha untu. Keli dio dieko dikambu dia wane wakalongoswela Papa.

Mateu 25:34

Ku Khumʼekanga ayutela wane weli lu lunya landi la pami ati: Nyuyi, nyu etshokwami wa Papa, nyukati diulelu diakawanyolongoswela umaka etatelu kʼandja,

Joani 17:2

uku akayawusha wulu wa mbulela antu tshe, dia ndi mbisha tshe wakayawusha lumu la pundju.

Etsha wa Atumami 13:19

Lamʼakandamani wedja esambeli lu kete ya Kanana, ndi akawasha kete yawo ukito uku deku kama nyei la akumi atanu.

Jashua 14:1

Okone mbakakahanya olombedi Eleazara, Jashua, onʼa Nuna, la ete wa khumbu wʼasi Isariyele kete ya Kanana ukito le asi Isariyele.

Jashua 18:1

Ului tshe wʼasi Isariyele wakamote kame la Shilo, wakahiki luudu lʼesanganelu la dipema leko. Vo wakalembia kete.

Jashua 18:10

Ku Jashua akawaukia uwali la ntundu ka Latuyalaka la Shilo. Jashua akakahanya asi Isariyele kete, akasha diuhu la diuhu etenyi kawo.

Jashua 20:1

Latuyalaka akatela Jashua ati:

Embadi 21:19

Vo wakati vati: Enda, dambu dia Latuyalaka diatuyalaka lu eleku lʼeleku la Shilo yeli lu leke la ngelʼa kushi la Betele, yeli lu leke lʼehutwelu ka unya lʼosese wʼuma la Betele utsha la Shekeme, ndu yeli lu leke la diku dia kushi la Lebona.

Embadi 21:21

Kanyutendi, naka ana amantu wa la Shilo wambutumbi dia ndjono wenye, kanyutumbi uma lu dikambo. Untu lʼuntu kayandeli wadi uma lʼatei wa ana amantu wa Shilo, kakaluli lu kete ya Bendjamina.

1 Samuele 1:3

Pami kako akunelaka uma lʼusumba andi lʼeleku lʼeleku utsha la Shilo, dia ntotemola Latuyalaka, Kanga lulimbilimbi, la dia ntulambula elambu. Leko kaki ana apami ahendi wa Eli: Hofeni la Finehasi, elombedi wa Latuyalaka.