Jashua 18:10 - La Bible en Otetela (Bible K'Ekila) 1991

¹⁰ Ku Jashua akawaukia uwali la ntundu ka Latuyalaka la Shilo. Jashua akakahanya asi Isariyele kete, akasha diuhu la diuhu etenyi kawo.

Jashua 18:10 Iomraidhean Croise

1 Ekondo 24:5

Vo wakakahanyema vo tshe wuhu otoi lu eukelu kʼuwali, ne dia asika Eleazara la asika Itamara waki ewandji wʼetemwelo, ndu ewandji wa Unyashungu.

Nehemiya 11:1

Ewandji a wudja wakadjase la Jerusalema. Ku antu wakatshikala wakuki uwali dia nsonola untu otoi otoi lʼatei a dikumi, dia ndjudjase la Jerusalema, usumba wʼekila, ku akina mbidjase lu esumba ekina.

Esambu 47:4

Ndi atutosonwelaka sangu diasu, Ee, lutumbu la Jakoba latundulangaka.

Esambu 61:5

We Unyashungu, katukaka alokoloko ami, Ne dia we atushaka wane watukaka lukumbu laye woma ukito.

Tukedi 18:18

Ukulu atushidiyaka tamu, Ndu atusambulaka akanga a wulu.

Jeremiya 7:12

Nyutshu kakiane utsha la Shilo, lu dihuli diakamashikike lukumbu lami ntundu. Nyutendi uku akamaditshela, ne dia kolo ka wudja ami Isariyele.

Ezekiyele 47:22

Kanyuyikahanya lʼatei anyu uku etenyi kanyu kʼukito lu eukelu kʼuwali, ndu le angendangenda wudjashi lʼatei anyu wayutaka ana lʼatei anyu. Vo wayuyala le nyu uku ana wa luta lʼatei wʼana wa Isariyele. Vo wayukundja etenyi kʼukito kame la nyu lʼatei wa wedja wa Isariyele.

Ezekiyele 48:29

Oso eli kete yayunyukahanya ukito lu eukelu kʼuwali le wedja wa Isariyele. Oso eli tenyi diawo, mbata Khumadiondjo Latuyalaka.

Mika 2:5

Diako mbahanyuyala la untu layunyedikela okodi. Lu eukelu kʼuwali lu lusanganya la Latuyalaka.

Walelu 34:16

Latuyalaka akatela Mose ati:

Mateu 27:35

La-mʼakawuhane lʼutamba a mpeketanya, vo wakakahana ahondo andi lu eukelu kʼuwali.

Joani 17:2

uku akayawusha wulu wa mbulela antu tshe, dia ndi mbisha tshe wakayawusha lumu la pundju.

Etsha wa Atumami 13:19

Lamʼakandamani wedja esambeli lu kete ya Kanana, ndi akawasha kete yawo ukito uku deku kama nyei la akumi atanu.

Etsha wa Atumami 26:18

dia we nsenya ashu awo, dia vo nkadimo uma lu udjima utsha lu usasi, la uma lu wulu a Satana utsha le Unyashungu; dia vo nungula edimanyelu ka kolo la ukito lʼatei a wane wambukidiama uma lu mbetawo ka dikambu diami.

Kolosai 1:12

Nyuki Shesu, one lakatete ololo dia shu nkita ukito wʼekilami wa yanyi, lusaka.

Jashua 14:2

Kete yakakaha-nyema lu eukelu kʼuwali le wauhu divwa lʼetenyi ka hendi, uku akadjangela Latuyalaka Mose.

Jashua 14:5

Uku akadjangela Latuyalaka Mose, mbakatshi asi Isariyele, ndu mbakawakahanya kete.

Jashua 18:11

Etenyi kʼukito kakandama uwali le asi Bendjamina, uku khumbu yawo, kaki lʼasi etenyi ka diuhu dia Juda la etenyi ka diuhu dia Josefu.

Jashua 18:6

Kanyusanguli kete lu beke esambeli; kanyumbela usatu ako. Dimi kandjunyukia uwali la ntundu ka Latuyalaka, Unyashungu asu.

Jashua 18:8

Lamʼakayangi apami ako munela dia ntusangula usatu wa kete, Jashua akawatela ati: Nyutshu, kanyutukinduli kete. Kanyutusanguli usatu ayo; kanyukaluli le mi. Dimi kandjunyukia uwali la ntundu ka Latuyalaka lindu, la Shilo.

Jashua 18:9

Apami ako wakatshu, wakatukindula kete, wakasangula usatu ayo lu buku, wakayikahanya lu beke esambeli uku esumba ayo. Vo wakakalula la pangu le Jashua la Shilo.

Jashua 19:51

Oso aki tenyi diʼekito diakakahanya olombedi Eleazara, Jashua, onʼa Nuna, la ete a wedja wʼasi Isariyele. Tenyi diako diʼekito diakakahanyema lu eukelu kʼuwali la Shilo la ntundu ka Latuyalaka, lʼeotwelo ka luudu lʼesanga-nelu la dipema. Osoku mbakawashidiya nkahanya kete.

Jashua 23:4

Nyendi, lambunyusha wedja ene wutshikadi kame la kete ya wedja wakamashili ushiki, uma la Jorodana pulu ndu lʼAshi a Mediteraneya lʼedjelu, lu eukem kʼuwali, dia ndjala etenyi kʼukito ka wauhu anyu.