Jashua 18:1 - La Bible en Otetela (Bible K'Ekila) 1991

¹ Ului tshe wʼasi Isariyele wakamote kame la Shilo, wakahiki luudu lʼesanganelu la dipema leko. Vo wakalembia kete.

Jashua 18:1 Iomraidhean Croise

2 Samuele 7:6

Umaka lushi lakamatundja asi Isariyele uma lʼEdjibitu edja ndu elo, dimi latadjase lu luudu la hikaa. Keli laketetaka lu luudu la dipema, lakatadjaseka lu etemwelo ka dipema.

1 Khumi ya Dikanga 14:2

Jeroboama akasengasenga wadendi ati: Olote ahondo akina waheya antu vati: Wadi a Jeroboama keye, uneli utshu la Shilo. Leko keli umvutshi Anidja, lakamvutela ati: We kayuyala khumʼekanga ka wudja one.

1 Khumi ya Dikanga 14:4

Wadi a Jeroboama akatshi osoku, akunela, akatshu utsha la Shilo, akatukuma laka Ahidja. Ahidja komenaka ntu, ashu andi wakayala enguli, ne dia ndi aki usumbi.

1 Khumi ya Dikanga 2:27

Osoku mbakanya Solomona Abiyatara uma lʼulimu andi wʼolombedi a Latuyalaka, dia ndi nshidiya diui diakati Latuyalaka la Shilo dikambu dia khumbu ka Eli.

Nehemiya 9:24

Ku tukanula tawo wakakumi lu kete yako, wakavikiti. We akakitshakitsha akanga a kete, asi Kanana, la ntundu kawo. We akakimo khumi ya dikanga la wedja wa lu kete yako lu anya awo, dia vo mbatshela uku lulangu lawo.

Esambu 78:60

Okone ndi akaseke luudu landi lʼotemwelo la la Shilo, Luudu la dipema, lene akandadjaseka lʼatei wʼantu?

Esambu 78:66

Ndi akakaluya atunyi andi ekongokongo, Akawautsha sonyi pundju.

Jeremiya 26:6

ku dimi layete luudu lone uku Shilo, ndu layete usumba one engo ka mananu le wedja tshe wa la kete.

Jeremiya 26:9

Okoko wana wakayatshi akambu wahatayi lu lukumbu la Latuyalaka, wati: Luudu lone layuyala uku Shilo, la usumba one wayuyala tongo tu, waha la antu? Wudja tshe wakamotela Jeremiya lu luudu la Latuyalaka.

Jeremiya 41:5

antu akumi enanei wakayayakaka uma la Shekeme, Shilo, ndu uma la Samariya wakatanyisha ndedu, la ahondo betshi betshi, ndu wakatayakotshi puta. Vo wakayayakaka la elambu wa shima ndu malashi dia ndjukimo lu luudu la Latuyalaka.

Walelu 32:22

edja ndu kete yambulembiama la ntundu ka Latuyalaka, lʼokongo diku nyu nyayukalula lindu, ku nyu hanyuyala la unungu le Latuyalaka ndu le Isariyele. Ku kete nye yayuyala etenyi kanyu kʼukito la ntundu ka Latuyalaka.

Etsha wa Atumami 7:45

Lʼetena kawo, watshesu ndu Jashua wakakiela lamʼakawakumi lu kete yʼasi wedja, wane wakanya Unyashungu uma lu ashu a watshesu, edja ndu lu nshi ya Davidi,

Jashua 18:2

Laso ku wauhu esambeli wʼasi Isariyele watakundja etenyi kawo kʼukito.

Jashua 18:8

Lamʼakayangi apami ako munela dia ntusangula usatu wa kete, Jashua akawatela ati: Nyutshu, kanyutukinduli kete. Kanyutusanguli usatu ayo; kanyukaluli le mi. Dimi kandjunyukia uwali la ntundu ka Latuyalaka lindu, la Shilo.

Jashua 19:51

Oso aki tenyi diʼekito diakakahanya olombedi Eleazara, Jashua, onʼa Nuna, la ete a wedja wʼasi Isariyele. Tenyi diako diʼekito diakakahanyema lu eukelu kʼuwali la Shilo la ntundu ka Latuyalaka, lʼeotwelo ka luudu lʼesanga-nelu la dipema. Osoku mbakawashidiya nkahanya kete.

Jashua 21:2

la Shilo, lu kete ya Kanana. Vo wakawatela vati: Latuyalaka akadjangela Mose dia ntusha esumba wa shu mbidjase, kame la etshimba awo, wa ndesha dungalunga diasu.

Jashua 22:12

Lamʼakuki ului wʼasi Isariyele tshe dikambu so, vo wakasangana kame la Shilo dia ntsho la ntolo la wo.

Jashua 22:19

Naka kete yanyu yʼukito yeko mindu, kanyuteho utsha lu kete ya Latuyalaka, lene emadi etemwelo ka dipema ka Latuyalaka. Kanyutudjase lʼatei asu, keli tanyo-tombokwelaki Latuyalaka. Tanyatanaki la su, dia nyu ndjahikela ediakelu kekina ladiku diʼediakelu ka Latuyalaka, Unyashungu asu.

Jashua 22:9

Asi Rubena, asi Ngada, la etenyi ka hendi ka wudja wa Manase wakunela uma la Shilo ka la Kanana, wakatshiki asi Isariyele. Vo wakakalula utsha lu kete ya Ngiliyade, lu kete yʼukito awo. Vo wakayikiti, uku akatela Latuyalaka Mose.

Embadi 18:31

Okone vo wakatemolaka ekishi ka losela ka Mika kakandatshi nshi tshe yaki luudu la Unyashungu la Shilo.

Embadi 21:12

Lʼatei wʼasi Jabeshe ya la Ngiliyade, vo wakatani esekaseka wʼamantu kama nyei wahateyana la apami. Vo wakayi la wo uya la pangu la Shilo keli lu kete ya Kanana.

Embadi 21:19

Vo wakati vati: Enda, dambu dia Latuyalaka diatuyalaka lu eleku lʼeleku la Shilo yeli lu leke la ngelʼa kushi la Betele, yeli lu leke lʼehutwelu ka unya lʼosese wʼuma la Betele utsha la Shekeme, ndu yeli lu leke la diku dia kushi la Lebona.

1 Samuele 1:24

Lamʼakandukidia awele, ndi akotole; akatshu ndu la ngombe ka deku satu, saka dia shima, la uhundi a wanu. Ndi akakumi la ndi lu luudu la Latuyalaka la Shilo. Laso ku ona eki dikenda.

1 Samuele 1:3

Pami kako akunelaka uma lʼusumba andi lʼeleku lʼeleku utsha la Shilo, dia ntotemola Latuyalaka, Kanga lulimbilimbi, la dia ntulambula elambu. Leko kaki ana apami ahendi wa Eli: Hofeni la Finehasi, elombedi wa Latuyalaka.